بنات و سيدات رأس الخيمة... استفتاء بسيط عشان اعرف مدى رضاكم عن صالونات التجميل

متابعة النقاش، صفحة 3

شاركي في النقاش

سجلي الدخول لإضافة تعليق.

التعليقات

30
  1. @ohmyat

    مرحبا

    ميكب ارتست


    مشاء الله على ردج اسلوب فيه حب العمل ما تحبه فى نفسك


    الصالونات كنظره عامه فى راس الخيمه ممتازه كنظيرتها فى ابوظبي ودبي والشارقه وعجمان


    ونحن ابناء الامارات نشجع العمل البروفشنال للمواطنين الفكره فى بالهم فى دبي والشارقه

    والى التطور هنالك بسبب او بدوون سبب وبنفس الوقت نطلع لئن نكوون بمرتبه الوسط

    من زرع حصد ومن سار على الدرب وصل

    الله يقويهم الصالونات جميعا فى دبي الصالونات فى مستوى واحد بس الناس اذواق

    وكذالك هنا

    فكرة دبي فى راسهم حتى لو خسرتي ملايين لانهم اتعودو على سيرتهم

    الا على المدى البعييد

    فى دبي لو السعر اضعاف بيدفعوون حتى لو الشغل او الصالون عادى
    اما في راس الخيمه

    حتى لو يبتي خبيرة فرنسا بيقولون ليش غالي

    راس الخيمه يدورون الشغل اوكي والسعر ارخييص وايد

    بعطييج مثال غير عن التجميل الازياء

    بتحصلين الوحده فى راس الخيمه اكثر عن الف ما بتفصل


    لكن خلها تسيير دبي بتدفع حتى لو عشرة الاف

    هكذا الحال فى راس الخيمه
    وانصحج ان لما بتخسرين افتحي فى دبي والنصيحه بجمل

    :27:
  2. صاحبة الموضوع
    !!اماراتية طموحة!!
    وهميات الغالية مشكورة على مشاركتج... وصدقتي يوم قلتي ان الربح السريع هو هدف معظم الصالونات اللي تصف المنتجات اللي تفيد واللي ما تفيد وتحاول تقنع الزبون بفايدة هي اصلن وهمية وغيره... وطبعا نتمنى ان بنات البلاد يمسكون صالوناتهم حتى لو اشر…
    وهميات

    كلامج صح... بصراحة انا كنت مترددة في البداية عسب هاذي السالفة..لاني ما كنت ادخل الصالونات اهنه...يعني متعودة على صالونات معينة في دبي و الشارجة... بس يوم دخلت اكتشفت ان الناس تدفع!!! وتدفع مبالغ تقدرين تقولين نفس دبي والشارجة ويمكن اكثر!! و الجودة ميييييييح ... هاذا اللي رفع ضغطي وقلت حرام اللي يستوي
    :D

    مثلا سويت تنظيف بشرة قلت بجرب في احد الصالونات المعروفة في راس الخيمة .. اونه عميق قالو 300 درهم قلت اوكي ماشي مشكلة..سرت عند اخصائية تجميل لبنانية وحدة متمرسة واعرفها من زمان في الشارجة قتلها شو رايج في بشرتي؟؟ قالت !!! انتي من متى مب مسوية تنظيف بشرة!!!!!! قتلها الاسبوع اللي طاف مسوية تنظيف عميق... يابت المنظرة المكبرة ةراوتني الزوان وغيره!!!! قلت حسبي الله ونعم الوكيل.. وللعلم انا متعودة اسوي عندها تنظيف عميق تحسين فعلا انه تنظيف ب 250 درهم والحين صار ب200 درهم... وهاذي الحرمة معروفة يسوون عندها عائلات معروفة من دبي كانت في دبي من سنين والحين يت الشارجة... واسعارها اقل من اسعارهم!!!

    انزين صدمة ثانية استوت لي ويا نفس الصالون... انا متعودة اصبغ شعري كل فترة عند وحدة فرنسية في دبي... الاخت مسافرة.. وانا ما احب اسوي عند حد غيرها.. بس شعري استوى بشع يعني لازم ينصبغ.. سألت اللي اعرفهم في راس الخيمة نعتوني على الصالون وقالوا خلى فلانة الboss تسويليج... قلت اوكي سرت هاذاك اليوم انلطعت ساعتين اتريا الbig boss كانت اتمكيج عروس... قتلها بصبغ نفس اللون شوي افتح... طالعت شعري نظرة شريعة وسارت خلطت اللون اي كلام وحطته بدفاشة... اسبوعين او اقل و نزل اللون... وسعر الصبغة نفس سعر الصبغة اللي اسويها عند الفرنسية اللي هي في فندق في دبي!!! هاذيج عاد تحترم الشعر!!! بكل ما تعنيه هاذي الكلمة من معنى..حتى تمشيطها بطريقة محترفة... شو بقولج بس!

    ومن هاذاك اليوم تبت قلت ما اسوي شي في صالونات رأس الخيمة!!!!! ماشي جودة لا ونفس لالاسعار

    شفتي اختي التجربة خير برهان!!! والمكياج!!! وما ادراك ما المكياج!! خليها على الله

    عشان جذه قلت حرام انا بنت البلاد اللي اشوفه زين ومجربتنه برع في دبي والشارجة بيبه من منتجات وغيره.. وحتى اللي يشتغلن في الصالون لازم تكون عندهن الخبرة الكافية مب اي كلام يعني

    والاسعار بتم نفس سعر السوق اهنه لان الاسعار وحدة حبيبتي:) والجودة والاخلاص في العمل هي اللي بتجذب الزباين باذن الله

    الله يقدرني و يعطيني على قد نيتي... :)
  3. @ohmyat

    ترى هذ الحال ومثل ما قلت قبل انه في مراكز تنظر الى الربح السريع وما تدري انه هذا الشي غلط وراح يكون في غير صالحهم

    اهم شي اللي يخلي الزبون مرتاح مع اشخاص يكون شغلهم مضبوط واسعارهم حلوه وخدمتهم زينه

    لكن يوم بتشوفين شغل تعبان ومو من نفسهم هذيج الساعه بتقولين احسن لي اسير اخسر بيزاتي في مكان يستاهل ولا اني اتبهدل....

    فكرة انج تفتحين مركز كبير...وايد اوكي...بس يبغي دراسه اكثر..بالنسبه لحال السوق...وحتى المكان اللي بتختارينه يكون موقع مناسب ومطل على الشارع عسب ما تخسرين وايد في الدعايه...

    الله يعينج....السالفه تبا لها صبر وتفكير طويل عند كل خطوه والله المستعان

    :)
  4. صاحبة الموضوع
    وهميات

    مب شرط يكون كبير!!! ممكن يكون صغير بس متكامل

    والموقع!! هاذا هو العقبةّّ لاني مب محصلة مكان اصلن

    انا اتمنى احصل مكان على الشارع بس حاليا مب محصلة لا على الشارع ولا داخل

    :(
  5. @ohmyat

    اذا كنتى موجوده

    تفضلى وحياج الله


    اتعرفين المكان وين ....تعالى القي نظره ممكن تنفتح لج ابواب

    بس اتصلى قبل علشان ممكن اكون lموب موجوده على حسب ظرووف العمل


    مدام عبيير بالصالون بتنسق جدول المواعيد

    المكان مكانج واعتبريني مثل اختج وحيالله فى الجميع

    http://www.alfrasha.com/mypage/amhcz.html

    :39:

تابعي تجارب أخرى من هذا القسم.