تجمع الموقنات برحمة الله ( خبرات متبادلة حول مراكز تأخر الحمل في مصر ) 14

نادو
الف مبروك على الخسسان
انتي شكلك كدة بقيتي عصفورة

سمية
خلي اتكالك على الله
وحاولي تخرجي بره الموضوع ومتفكريش فيه
وتأكدي ان ربنا هيرزقك بما هو خير ليكي
فلازم تحسي بسعادة اختيار الله ليكي وتفرحي
وكل ما تحسي بقلق
امسكي المصحف واقري فيه شوية
ربنا يا حبيبتي يطمنك ان شاء الله

ماما
ازيك عاملة ايه
ربنا يتقبل وتكون ساعة اجابة يا رب
وسلميلي على سارة
ربنا يطمنا عليها ويسهل لها وتقوم بالسلامة يا رب

اشتقت
ربنا يكرمك ويجزيكي عني خير
والف سلامة عليكي
ربنا يهون والالام دي تكون اجر ورفع درجات ان شاء الله

ام اياد
ربنا يكرمك ويجزيكي خير يا رب
والله ما حد عامل جو للملف اليومين دول غيرك
ربنا يتمملك حملك على خير يا رب ويباركلك فيه
ويفرحنا بباقي البنات جميعا ورا بعض وانا معاهم يا رب

بصي بقى
انتي بتفكريني بواحدة صاحبتي
واخدة كل المواضيع المهمة على اعصابها
متحسيبيلهاش يا ام اياد
ده فضل الله
كل اللي عايزاكي تعمليه انك تكثري من ذكر الله
وانا افضل تخلي جنبك سبحة
وتختاريلك من الاذكار حاجة بتحبيها
انا مثلا بحب
سبحان الله وبحمده سبحان الله العظيم
واعملي لنفسك مسابقة كل يوم
شوفي هتكملي كام
واحنا نشترك معاكي كمان عشان نشجع بعضنا على ذكر الله
وانا على يقين انك لو عملتي الموضوع ده قلبك هيبرد وهيتطمن
وهتلاقي امورك كلها الى خير باذن الله
ربنا يا حبيبتي يطمنك
ويكملك الحمل على خير يا رب
وتوكلي على الله واتركي امرك ليه وربنا لن يخذلك ابدا