تجمع الموقنات برحمة الله ( خبرات متبادلة حول مراكز تأخر الحمل في مصر ) 14

انا بقى عايزة اقولكم حاجة
بحس بسخونة فظيعة في راسي على فترات
امبارح
كل ما راسي تسخن
اشيل الغطا من عليا وانا نايمة
وبعديها ب 5 دقايق الاقيني بردت
اروح متغطية تاني
وقعدت على الحال دي ييجي عشر مرات
لحد ما نمت
انا حاسة ان ده من تاثير الحقن
بس مش متاكدة
وكان ده اعراض سن الياس
مش عارفة
المهم انه صعب
ربنا يعين امهاتنا اللي بيحسو بالالام دي
والله الواحد ما بيحس الا لما يجرب فعلا
بس عموما
متتخضوش
لاني قادرة اتحمل التعب والسخونة دي
والحمد لله النهاردة مش حاسة بيها اوي زي امبارح
ربنا يعدي الشهرين دول على خير
وابدا تنشيط من تاني يا رب

حلمي الامومة ربنا يسهل امورك يااااااااااااااارب وتفرحي بحملك قريب خلي دايما يقينك بالله ومش حخيبك
مها ميهوووووووووووووو وحشتيني موووووت
يا ترى نسيتيني ولا ايه
انا بحبكم اوي اوي ومش قادرة انسى واحدة فيكم انتو دايما عايشين معايا وباذن الله حيكرمكم جميعا
وحتى البنات الجدد ماعرفهمش بس اتاكدوا انكم لما تدخلوا التجمع بقيتو اخواتي عشان الملف ده فيه احسن ذكرياتي واحسن اخوات ليا وده بيتي التاني بحبكم كلكم في الله

انا اقدر انساكي يا حبيبة قلبي
ده انتي سبب رئيسي لدخولي في التجمع ده
وحبك لمكة حببني جدا فيكي
ربنا يا رب يرزقنا بزيارة بيته الحرام ويمتعنا بالنظر للكعبة
امين
حمد الله على سلامتك
ومتغيبيش علينا يا شوشو
وانا بحبك في الله
يا رب تكوني بخير
ويكون حملك مريح ويتممهولك على خير يا رب