صديقتي تزوجت ببيت حمولتها
ويوم قرب الصبح عالساعة 5 تقريبا راحت تتحمم
على شان من عاداتهم الساعة 7 يجون كل الحمولة يسلمون عالعروس والعريس ويباركون
وهي بالحمام طبعا الشعر كله سبراي وجل والوجة خريطة افريقيا مكياج ورموش
والحمام كان بآخر البيت مش حوالين غرف النوم ( بيوت زمان الشعبية)
والأخت حطت الشمبو على شعرها وشوي ماء ورامية ثيابها على شان تتحمم
ما أمداها تبتل
الا
والماء يوقف!!!!!!!!!!!!!
فضى الخزان!!!!!!!!!!!
ولا نقطة !!!!
والناس بعد شوي تب تجي تسلم!!!
انتظرت يمكن زوجه يروح للحمام الثاني ويكتشف ويشغل الدينمو
ما فيه أمل
وهي الشتاء بالمربعانية
قامت تمسحت بفوطتها وثيابها اللي رمتهم وراحت للزوج تسأله وين الدينمو؟؟؟؟
ووجهها الكحل سايل
وعين بها رمش وعين لا ما طاح الرمش الصناعي
فقال لها الخزان الأرضي فاضي
خليكي بالحمام لايشوفونك أهلي بهالمنظر
وأنا أجيب لك جردل أو سطل ماء من ماء الشرب وحاولي تتنظفين فيه شوي لمن نعبي الخزان
هالحين مسكرين الوايتات
وجاب لها سطل الماء البارد وغسلت الشمبو بس جسمها مسحته تمسيح الماء ما يكفي!!!!
وتخيلوا من برا عطووور ومكياج وجابوا لها الهدايا ....
وما يدرون ان جسمها ملزق شمبو وسبراي بقية الكحل...
رغم انها تقول ما صار شي ذيك الليلة بس لأن البيت كبير
حسيت راح يتساءلون ليش ما تحممت... يعني متحممة كيد وفسق بس....
وطبعا بعدها انفلونزا.... ويقولون لها حمولتها ... لازم البسط والوناسة يجي وراه انفلونزا....
مواقف فى بداية الزواج خلونا نضحك شوى
متابعة النقاش، صفحة 12