تجمع الموقنات برحمة الله ( خبرات متبادلة حول مراكز تأخر الحمل في مصر ) 14

اهو انتى رديتى على نفسك ياقطوس
ادعى ربنا واتوكلى عليه
وتفائلى بالخير تجديه
شوفى يابنتى احنا الاول نقول الحمد لله اننا عرفنا ان فيه حل ولو بسيط
الحاجة التانية اخر حاجة تشيلى همها هى الفلوس لان ربنا عمره ماهيسيبك كده من غير حلول
وزى ما البنات قالولك ادعى ادعى ادعى
قولى الله ارزقنى وزوجى من حيث لانحتسب هتلاقى ربنا فرجها عليكى من ناحية الفلوس والحمل الطبيعى كمان
هو دكتور عادل ولا اى دكتور فى الدنيا مايقدرش يجزم انه مش هيحصل حمل طبيعى
بس هو بيقول ان نسبة الحقن اكبر بكتير لانه مفيش مستحيل على ربنا و اللى الدكاترة يشوفوه مستحيل بيبقى اهون شئ على ربنا ويقول له كن فيكون انتى بس اتوكلى على الذى لايغفل ولا ينام وكترى من الاستغفار وروحو تانى لدكتور ذكورة لو اكد كلام دكتور عادل وقال ان ده هو الحل الوحيد يبقى ان شاء الله ربنا هيفتح لك ابواب الرزق ويرزقك من وسع وتحملى فى تؤام ان شاء الله

شوشو صباحك ورد وفل وياسمين
اه انا لقيت دكتورة سمحت عنها انها كويسة جدا
بس لسة مستنية البريود تنزل هى بقالها يومين متأخرة مش عارفة ليه
انا وقفت الرياضة وخفيت الرجيم شوية
قولت يمكن هم اللى مأثرين على هرمونات جسمى ومخلينها متأخرة كده مع انها الشهور اللى قاتت كانت منتظمة جدا

تفتكرى ياشوشو الرياضة والرجيم بيأثروا؟

صباح الخير يا بنات


قطوس ايه النكد اللى انتى معيشاه لنفسك دا؟!!!!!!
يا بنتى الرزق دا بايد ربنا
انتى مقرتيش القصة اللى نيفين كتبتها من كام يوم و فضل الاستغفار عظيم اد ايه؟
و بعدين يا ست البنات مين اللى قالك ان الحقن المجهرى نسبة فشله عالية؟
انتى ليه بصيتى فى نص الكوباية الفارغ؟
يعنى اذا قلنا 50% نسبة نجاحه اسيب 50% نجاح و اخد 50% فشل
و بعدين اعرفينا هنا كويس
كام واحدة من تجمعنا دا كان لا يمكن يحملو بالحقن و حملو انا واحدة منهم ربنا اردلى الخير و الحمد لله كتبهولى و من اول مرة
انتى ادعى ربنا و ان شاء الله ربنا حيكرمك و خلى ثقتك بربنا اكبر من ثقتك فى كلام الدكاترة
و ان شاء الله ربنا حيفرح قلبك


متمنية الجنة ازيك يا سكرة
انتى انسانة طيبة و جميلة جدا ربنا يكرمك على اد طيبة قلبك ياااااااااااا رب

نوفا ربنا يبعد عنك الشر
بس بلاش تطلعى همك فى الاكل 35 كيلو كتير يا مفترية هههههه
ربنا ييسرلك كل عسير يا رب

حلمى الامومة ربنا يحققلك حلمك و يفرح قلبك و قلبنا كلنا يا رب

باقى البنات بحبكم فى الله