%زيت الخروع وكلام طبيبي%

السلام عليكم ورحمة الله وبركاته
انا زيكم ياللي تبغون تجي الولاده باي شكل وتبحثون عن المحرضات
انسلقت من المويه الحاره والجلوس في البانيو او الوقوف تحت الدش وشربت قرفه وحلبه ليييييين تشبعت ولا في اي بوادر ولاده ومشييييت مشي الله لا يحرمني الاجر لكن ماشفت اي علامه ولاجت الولاده واليوم انا قررت اشرب زي الخروع ومن اسبوع مقرره لكن زوجي يقول انتظري المراجعه واسالي الدكتور وماصدقت نادوا اسمي وانطلق اسابق زوجي والدكتورعلى العياده كله علشان اسأله عن زيت الخروع لاني حطيته في راسي بالرغم من التجارب السيئه اللي قريتها عنه لكن فيه ناس يقولون شربوه وكم ساعه وهم والدات المهم تتالت الاسئله على الدكتور وقبل ما اطلع قاعده اشرح له عن زيت الخروع انه ساعد حريم كثير على الولاده وجاب لهم طلق لان ماكانوا يحسون باعراض ولاده طبعا الدكتور استرالي شايب وخبره اول ماقلت له زيت الخروع ماعاد التفت لي وطالع لزوجي وقال انت عارف هذا ايش هذا سم؟ سم؟ زيت الخروع اللي زوجتك تبغى تشربه سم وبس0حبيت افيدكم لاني وحده منكم وزيكم مكروبه لكن فرج الله علينا قريييب لاتنسون تدعون لي بالولاده الطبيعيه هذا الاسبوع يالغاليات0

29 تعليق 2,227 مشاهدة

شاركي في النقاش

سجلي الدخول لإضافة تعليق.

التعليقات

27
  1. @dantyl_ahmr

    الله يسهل امرك ويجعل ولادتك اسهل من شرب الماء يارب عن خبرة وتجربه مايفيدك غيير المشي واكل التمر وطمنيني عليك وادعيلي ان ربي ييسر لي امري ويحفظ لي بناتي وزوجي ويرزقني بالولد ميسرة ان شاء الله
  2. @hmmmmmms_alshshshshok

    صاحبة الموضوع
    دانتيل احمر
    الله يسهل امرك ويجعل ولادتك اسهل من شرب الماء يارب عن خبرة وتجربه مايفيدك غيير المشي واكل التمر وطمنيني عليك وادعيلي ان ربي ييسر لي امري ويحفظ لي بناتي وزوجي ويرزقني بالولد ميسرة ان شاء الله
    اللهم يسر لاختي دانتيل احمر امرها كله واحفظ لها بناتها وزوجها وارزقها يارب بالولد عاجلا وقر به عينها :)

تابعي تجارب أخرى من هذا القسم.