تجمع الموقنات برحمة الله ( خبرات متبادلة حول مراكز تأخر الحمل في مصر ) 14

السلام عليكم يا بنات
كل لما أقول هقرا مشاركه مشاركه و أرد أول بأول ... الكلام ياخدنى و أقرا كل الصفحات و عقبال ماجى أرد أنسى و أدخل الناس فى بعض ... فمعلش لو بنسى أتفاعل مع أى حد من غير قصد و الله

ريمو .... ألف سلامه على زوجك وخالتك وربنا يجازيكى خير على رعايتك ليهم يا ريمو وخصوصا خالتك ويوقفلك دائما ولاد الحلال

مونى ... ربنا يوفقك يااارب يا حبيبتى و إن شاء الله زيارتك لدكتور عادل هتفرق معاكى كتير

توفى ... حمدا لله على سلامة زوجك يا قمر و بعد الشر عليكى

نيفوووو ... وحشتينا يا نيفووو ويااارب يقوم بابا بالسلامه


أوكسى ... كلامك عن أوقات الصلاه ميه بالميه جزاكى الله خيرا ... وفعلا السهر ده مؤذى ... الا طبعا إذا كان الأنسان سيقيم الليل
ولو الأنسان عمل كل ماجاء فى الكتاب و السنه سيحى الحياه على أفضل ماتكون
عارفه يا أوكسى أنا كان عندى نقص فى الحديد وكنت باخد عسل بالمون و برده مفيش فايده بدوخ ووشى أصفر
وبعدين ماما قالتلى بلاش العسل الأسود ده لأنه بيتعمل بطريقة مش صحيه و الطريقه ده ممكن تجيب مشاكل فى الكليه و قالتلى خدى زى الرسول الكريم ما وصانا سبع تمرات أفضل
المهم قلتلها يا ماما أنا قريت إن البلح فيه ماده إسمها تقريبا البروستنجلادين و هى ممكن تعمل إجهاض
فقالتلى طالما الرسول أمرنا بها على وجه العموم يبقى أكيد مفيش ضرر ولا حاجه
وفعلا سألت الطبيب و قالى الكلام ده خرافه كلى تمر عادى
وفعلا يا أوكسى من أول يوم أكلت فيه السبع تمرات ... الدمويه ظهرت فى جهى و الحمد و الشكر لله و محصليش إنقبضات فى الرحم ولا أى حاجه

دودو ... طيب ماشاء الله إن زوجك بيحبك و متعلق بك يا دوعه .. يبقى خلاص مش لازم هدايا و زى ما بيقولوا بصله المحب خروف

شيمو ... حاولى يا حبيبتى تعملى أى حاجه جديده و إنتى تلاقى الدوره نزلت على طول

طماطم .... ألف مبرووووووك على الشقه الجديده يا طمطم وربنا يجعلها بدايه الخير كله يااارب

ماما ... ربنا يطمنا على ساره و على النونه يااارب و يكونوا فى أفضل صحه
وبعدين تعالى هنا يا ماما معقوله مش عارفه مين هى عصابه الخمسه ... عصابه الخمسه دول يا ستى اللى هما منيو الخمسه اللى كان بينزله ماكدونالدز ههههههه ............ لا لا لا بهزر .. هما تقريبا خمسه أفراد من جماعه يأجوج و مأجوج بس هربوا قبل ذو القرنين ما يبنى السد هههههههههه
بصى كلمى طمطم على الخاص و هى هتقولك عليهم لحسن يسمعونى و أنا بتقريق عليهم و يجبونى يعذبونى ..


سلامى لكم جميعا و خصوصا اللى ملحقتش أتكلم معاهم :26:

نيفو سلامه عمو الف سلامه ربنا يشفي ويعافيه يارب


الف حمد لله على سلامتك ياساره تتربى في عزك ياحبيبتى

فاطمه مبروك الشقه ياجميل يارب يبقى وشها خير عليكى يارب وتمليها عيال ويحلو عنك عصابه الخمسه حاسه بيكى

الدورة مش راضيه تجى مش عارفه في ايه عماله اخطط هعمل ايه والدورة حالفه 100 يمين لتنرفزنى وتتاخر

لومى احبك الله الذى احببتنى فيه
الله توقيعك جميل قوى ... ربنا يديلك ولد عسوله كده ويكون فى الجيش الفاتح للقدس يارب

رور ... انا حرد عليكى علميا وافض اشكالية البلح والاجهاض
البلح فيه مادة البروستاجلاندين اللى بتساعد الرحم انه ينقبض علشان كده ربنا امر السيدة مريم بتناول التمر لتسهيل الولاده
لكن فى نفس الوقت لو واحدة حامل التمر مستحيل يعملها اجهاض
والسؤال كيف ذلك
الاجابة :
اى هرمون فى الجسم له مستقبلات بدونها لا يستطيع الهرمون ان يؤدى دوره
وسبحان الله ... سبحان البديع ... الخالق الذى خلق كل شىء بنظام موزون
مستقبلات هرمون البروستجلاندين اثناء الحمل تكون مغطاه .. اى لاتعمل
ولذلك ادوية الاجهاض لا تكون هذا الهرمون ابدا .. لكنها عبارة عن مستقبلات مزورة لهرمون البروجيستيرون المثبت للحمل والتى تكون اسرع فى الارتباط بالبروجيستيرون من المستقبل الحقيقى .. وبالتالى كأن هرمون البروجيستيرون غير موجود مما يتسبب فى طرد بطانه الرحم وبها الجنين...

يا حوامل كلوا تمر لأنه يحتوى على كافة العناصر التى يحتاجها الجنين ..