تجمع الموقنات برحمة الله ( خبرات متبادلة حول مراكز تأخر الحمل في مصر ) 14

شيمو
الف سلامة عليكى ياقمر هو نفس دور البرد الغبى ده اللى جانى لما نزلت ما احترمش نفسه وقال دى نازلة اجازة قصيرة لا ابدا
هو فعلا زي ماريمو قالتلك ده من تغيير الجو وعلى فكرة كمان البريود ممكن تكون متأخرة بسبب التغيير ده والسفر والتجهيز والحوارات دى انا ساعات لما ببقى مسافرة يا اما تيجى بدرى عن ميعادها يا اما تيجى متأخرة انتى بس كلمى دكتور عادل فى التليفون وقوليله قبل ماتروحى يمكن يقولك خدى دوفاستون مثبت لمدة 5 ايام مثلا ولو مافيش حمل يثبته يبقى لما تبطليه هى هتنزل لوحدها بس ماتعمليش كده من نفسك لازم ترجعى للدكتور وتسأليه وبطلى توتر من فضلك لان ده ممكن يكون سبب فى التأخير

انا على فكرة متأخرة معايا برضه انهاردة اليوم ال35 ولسة مفيش اى اثر ليها بس انا بقول يمكن من لعب الرياضة والكام كيلو اللى خسيتهم لعبو فى الهرمونات ولا حاجة ولما سالت الدكتور اللى بتابع عنده الرجيم قالى لو عندك انيميا ممكن الرجيم يلخبط الموضوع ده شوية وطلب منى اشرب سوايل دافية كتير

نيفو طمنينا على باباكى عامل ايه دلوقتى؟

صباح الخير يا قمرات

الاول الف ترليليون مبروك لسارة و ربنا يرزقها برها بأذن الله و يقدرها عل خدمتها يااااااااااا رب



سمية حبيبتى
انا فاهمة وجهة نظر جوزك انك متتكلميش فى الموضوع دلوقتى
انا جوزى كان ارفض كل الرفض اننا نعيد محاولة الحقن المجهرى دى تانى عشان اشف انا اد ايه كنت بتعزب من الحقن و خصوصا حقن التثبيت
فكان مشفق عليا من الهم دا حتى لو كان كريم حيبقى وحيد
يعنى حب ليكى مش اكتر يعنى اذا لقاكى ان الموضوع مهم ليكى فعشان بيحبك حبوافق فمتقلقيش خالص
نيجى بقى لموضوع الشغل
انا موووووووووووووووووووووووووش موافقة ابدا ابدا ابدا انك تسيبى الشغل
بجد دا اسؤ قرار ممكن تاخديه فى حياتك
مش حكلمك عن اهيمة الشغل بالرغم من انه مهم فى حد ذاته
بس الشغل دا اهم حاجة عشان الحمل
لما يبقى فى حياتك حاجة شغلاكى دا حيقلل فترة تفكيرك فى الحمل لكن تخيلى نفسك قاعدة فاضية تماما حتقعدى طول الوقت مبتعمليش حاجة غير انك تفكرى فى الحمل
مش حقولك ان الشغل مش حيخليكى تفكرى لأ حيخليكى تقللى التفكير فى الحمل و دا مهم بكل الاشكال




اوكسى ميرسى جدا على معلومة التمر دا انا بحبه جدا و كنت باكل منه بحساب
و فيه ميزة مهم جدا فى التمر انه مش بيعمل امساك
يعنى فيتامينات الحمل اللى بتعمل امساك التمر بيخلى الامور تمشى طبيعى جدا


نوفا انا بخير يا سكرة ربنا يطمنا عليكى دايما يا رب


باقى البنات بحبكم فى الله