تجمع الموقنات برحمة الله ( خبرات متبادلة حول مراكز تأخر الحمل في مصر ) 14

لاااااااااااااااااااااااااااااااااااااااااااااااااااااااااااااااااااا

الا التحليل ده انا استحالة اروح اى معمل عشان اعمل تحليل تانى

بصى ياكوكر انا عندى هسهس غبى جدا
ساعات لما بتتاخر بجيب التحليل المنزلى واعمله ويبقى مفيش الا خط واحد وافضل اعيط اعيط لما اتهرى من العياط

ولما تزودها فى التاخير الاقى نفسى غصب عنى بروح المعمل واعمل تحليل الدم مع انى عرفت النتيجة من المنزلى بس برضه اول ماباخد نتيجة التحليل بفتح الحنفية وافضل اسح مع انى خلاص عادى يعنى وده بيحصل كتير بس غباوة بعيد عنك
تقدرى تقولى الموضوع ده اتكرر يجى 20 مرة وبرضه بصمم على نفس الافعال الغبية وبزعل بينى وبينك على الفلوس اللى اترمت فى الارض على الفاضى وانا مش بحب اشغل جوزى بالموضوع ده عشان مايزعلش هو كمان مع انه عمره ماحسسنى انه بيزعل بس اكيد بيزعل وبيكتم جواه وبيفضل يهون عليا وخلاص عشان كده بفضل اروح المعمل لوحدى ومش بعرفه لانه الكام مرة اللى راح معايا فيهم مبقاش عارف يقفل حنفية العياط اللى بتتفتح وبيصمم ياخدنى مطعم او اى مكان ومنروحش على البيت عشان اهدى وطبعا بفضل اعيط بغض النظر هو بيودينى فين والناس بتتفرج عليا

واخر مرة بقى وانا راجعة من التحليل لوحدى وعمالة اعيط وكنت سايقة لقيت نفسى طلعت فوق الرصيف بالعربية وخبطت فى عربية راكنة وواقفة فى حالها اى نعم ما اتخبطتش جامد بس اضطريت احط رقم تليفون جوزى عشان لو العربية هتحتاج تصليح ولا حاجة صاحبها يلاقى الرقم ويتصل علينا وماشاء الله كانت كابرس وجديدة واتصلحت ب60 دينار يعنى تقريبا الف و200 جنيه
وطبعا مكنتش اقدر اقول لجوزى انى كنت بعيط وانا سايقة قولتله اصل فى حد كان ورايا جاى بسرعة فإضريت الف الدركسيون جامد فطلعت على الرصيف

يعنى من كل النواحى مصايب بعيط وانا سايقة واغرم تمن التحليل واصلح العربيات اللى واقفة فى الشارع على حسابى
وانكد على نفسى

وفى الاخر انا كنت بلعب رياضة الشهر ده وبعمل رجيم وما اهتمتش اصلا بمواعيد ال home work على راى نيفو
وماركزتش فى تبويض ولا فى اى شئ عشان كده عارفة ان احتمال كبير مايكونش فى حمل وادينى مستنية لو اتاخرت لغاية الاسبوع الجاى اكيد غصب عنى جوزى هياخدنى نعمل التحليل

والله فكرة حلوة يانيفو
يعنى المفروض يا استاذة نيفو بقى ان اللى يبقى عنده هم او مشكلة يتكتم على الخبر جامد قوى عشان مش يعمل قلق للناس اللى هنا
بصى يانيفو خلينى بقى اكون غلسة معاكى شوية
احنا هنا ياحبيبتى بنقبل الناس بحلوها ومرها يعنى مش بس احنا اصحاب فى الفرح والاخبار الحلوة بس
لا احنا كمان اصحاب فى وقت الضيق والشدة ربنا يقلل منهم ويخفيهم من حياتنا يارب

وانتى بالذات بقى بما انك بتعرفى تقدرى الناس كويس وتكونى اول واحدة تواسيهم وتقف جنبهم فى شدتهم وتدعيلهم وتشد من ازرهم فمن حقنا احنا كمان اننا نعمل كده معاكى لما يكون عندك اى حاجة تستحق ان البنات تقف معاكى فيها

وادينا اهه ياستى لاجينا المستشفى ولا عملنا قلق ولا عملنا اى واجب مع باباكى ولا معاكى

يبقى ماتستكتريش بقى يانيفو علينا حقنا فى الدعاء لباباكى

يابنتى انتى ماتعرفيش سبحان الله يمكن ربنا يستجيب دعاء حد فينا ويخفف على باباكى اى الم بسس دعاء حد مننا
مش بيقولو يضع سره فى اضعف خلقه

اياكى بقى يانيفو انتى او رمال او طمطم تخبو حاجة بحجة انكم مش عاوزين تقلقونا والا بقى احنا كمان بقى هنتكسف على دمنا اننا نشارككم همنا وندخل هنا نرغى مع بعض وخلاص

ولا عاوزنى اعمل تصويت واجمع اراء البنات فى الموضوع ده
بصوا انا فاضية وعادى يعنى ولو وصلت لحد الاعتصامات مفيش مشكلة اهو نحجز مكان قدام مجلس الشعب ونقعدلنا مع بعض قيمة يجى شهرين كده واهو برضه نطلع من مود الحمل والتنشيط والعمليات ولاحاجات دى ونتونس مع بعض شوية

شوفو بقى القصة دى
اختى بعتتهالى ولما قريتها عجبتنى قوى
هى صحيح بعيدة عن مواضيع قصص الحمل والحاجات دى بس بجد رائعة وخليتنى ابكى ماشاء الله




يعلم الله عز وجل أنى عندما قرأت هذه القصة أدركت أنى حقيرة وضئيلة بل لا وزن لى اصلاً أمام هذا الطفل ووجدت عينى تبكى بكاءا حارا ,,,,,,,,,,اتركك م مع القصة

يقول والد اسامه:

أفقتُ من قيلولتي ذاتَ يومٍ قبلَ أذان العصرِ ، فلم أجدْ أسامة ..
سألتُ عنه فأجابتني أمهُ وعلى وجهها ابتسامةٌ مشرقةٌ :
ـ لقد ذهبَ إلى المسجدِ ..ـ ولكنّ الوقتَ ما زالَ مبكراً .
_ لقد اصبحَ ينافسكَ ، بل إنه يسبقكَ ..!
_ هذا يسعدني والله ..وأضافتْ وعلى شفتيها ابتسامةٌ عذبةٌ :
ـ لقدْ لاحظتُ إنه حريصٌ على اصطحابِ مصحفه الصغيرِ ، والقراءة فيه كثيراً ، وأحسبهُ يحتضنهُ في حنو الآن وهو في رحاب المسجد. .
ابتسمتُ وأنا أشعرُ أن الدنيا لا تسع فرحتي بولدي المؤمن الصغير .
ووثبتُ إلى الوضوءِ ، فلا أقل من أنْ ألحق به ..
**
بعدَ أسبوعين تقريباً ..
اقتربتْ أمُ أسامةَ مني وقالتْ بهمسٍ :
ـ أبا أسامة .. ألم تلاحظْ ما اعترى تصرفات أسامة هذه الأيام ؟
ـ ماذا تعنين ؟
ـ لستُ أدري يقيناً ، لكني أتساءلُ : ما سر تشبثه بمصحفه كل هذا التشبث ، لقد طلبته البارحةَ منه فجاءني بمصحفِ أخته .. ولم يناولني مصحفه ..
بل لاحظتُ أنه يحرصُ على أن يخفيه ، وهذا اليوم لاحظتُ أنه لم يحمله معه ، وأخذ مصحفاً آخر ..
إنه لم يعتدْ هذه التصرفات من قبل ، لست أدري ما حدث له ؟؟


كنتُ أصغي إلى أم أسامة ملياً ، فهي أكثر ملاحظة مني ...
وأحسستُ بالقلق ، وغرقتُ في تفكيرٍ عميقٍ ، قطعهُ صوتُ أسامة وهو يدخل مسلماً .
رددت السلامَ وأنا أظهرُ له البشرَ ، وتفرستُ في وجهه ، وأنا أتذكر كلمات أمه ، فأثار انتباهي شيءٌ من الاحمرار في عينيه ..
لعله اشتبك مع أحد أولاد الجيران الأشقياء ..
ولكن ليس من عادته أن يتشاجرَ مع أحد .. ولا يدع مجالا لأحد أن يعتدي عليه ..بل هو سمح سهل يتجاوز ويعفو حتى عمن ظلمه ..


كثيرا ما سمعته يقول عن من ظلمه:
الله يسامحه .. أنا أريد أجري من الله ..أنا أغفر له حتى الله يغفر لي .
ولهذا ازداد قلقي وسألت اللهَ ألا يخيب أملي في ولدي ..
دعوته ليجلسَ بقربي ، وقبلته وأخذت أداعبهُ ..
**
صرتُ أراقبه في المسجد .. في البيت .. في الطريق ..
بل وأخذتُ أسأل عنه في المدرسة .. كل شيء على ما يُرام .. لا شيء أنكره عليه ..عدت من المسجد ذات يوم فسألتني أمه بلهفة :
ـ هيييه .. ماذا وراءك ، طمئني ؟!
ـ لا شيء .. لقد قرأ القرآنَ كعادته بعد الصلاة مع أترابه ، وأثنى إمام
المسجد على قراءته المجودة المرتلة .. ولمحتُ شفتيه عن بعد تتمتمان
.. وأدركت أنه يستغفر الله .. كدأبه كلما سمع ثناءً عليه أو مدحاً له ..


وسألتُ عنه في المدرسة فوجدتُ الكل يثني عليه ، بل أكثر مدرسيه يقولون : ليت طلاب المدرسة في أخلاق أسامة ..إذن لكنا بخير ..
تنهدت أمه بحرقة وهي تقول :
ـ والهفى عليك يا ولدي .. ترى ماذا تخفي ؟
_ هل لا زلتِ تلاحظين عليه تلك الملاحظات ؟_ نعم .. له مع مصحفهِ قصة ولابد .. اصبحَ يحذر مني أن أمدَ يدي إلى جيبه لأخذ المصحف .. وما كانت هذه عادته ..
_ سبحان الله ...
وعزمتُ على كشف هذا السر ..
**
في أثناء ذهابِ أسامة إلى المدرسةِ ، قررتُ أن أفتشَ حجرته .. لأني كنتُ أعلمُ أنه لا يحملُ مصحفَه الصغيرَ إلى المدرسة ..
بسهولةٍ وصلتُ إلى المصحفِ ، فقد كان يضعه في درجِ مكتبه قربَ سرير نومه .. كان من عادته أن ينظرَ في المصحف قبل أن ينامَ ..
سألته عن ذلك يوماً فقال : حتى يكون آخر ما رأيت بعيني كلام الله ..
ثم يقول وعيناه تلمعان : ويمكن أشوف رؤيا مفرحة ..


أخذتُ أقلبُ أوراق المصحفَ بين يدي .. فهالني ما رأيتُ ..!!
ـ يا إلهي .. ما هذا ؟؟!لقد وجدتُ بعضَ صفحاته قد ثُقِبَ أو كادَ ، وصار الورق في حال يُرثى له ..!!
وأحسستُ بنيران الغضب تشتعلُ بين جنبيّ ..وفار دمي بشكل غير عادي ..


أسامة يفعل هذا ؟؟! أسامة النقي الذي أصحو في جوف الليل
البهيم على صوت بكائه فأذهب لأجده صاكاً بيديه وجهه وهو ينتحب فاسأله عما به ، فيجيب :
ـ لا شيء ، لا شيء يا أبي .. تذكرتُ النار فخشيتُ أن تمسني !
فأقبّل رأسه الصغير ، وأضمه إلى صدري ، وأدعو له ، ثم أطمئنه ،
و أعود إلى فراشي ، وأنا اسأل الله أن يذيق قلبي حلاوة التقوى والخشية التي ذاقها ولدي ..


أيعقل أن أسامة لا يحفظ حرمةَ كتاب الله ، وهو خير تالٍ له ؟!
سبحانك يا مقلب القلوب ..اللهم رحمتك نرجو ..
اللهم لا تخيب ظني بولدي .. اللهم لطفك ..
**
حملتُ المصحفَ معي ، ووضعته في جيبي ..
وعندما عاد أسامة من مدرسته واجهته بمصحفه الصغير ..وكنت أحاول أن أتماسك فلا يظهر غضبي ..
تراجع إلى الوراء خطوة ، وقد أحمر وجهه ، ومباشرة دمعت عيناه ، وتلعثم.. ومما زاد في غليان غضبي أنه لم يجب.. فصحتُ مهدداً :
ـ أسامة .. هل لي أن أعرف ما هذا الذي أراه في مصحفك ؟!ومن بين شهقاته وعبراته جاء صوته المتهدج :
ـ إنها دموعي يا أبي ..دموعي يا أبي ..!

وأجهش بالبكاء .. فوثبت إليه أحتضنه بقوة ودموعي تسبقني ..


_ _ _ انتهت _ _ _

نفعنا الله واياكم بها


يارب ارزقنى انا واخواتى فى المنتدى بأولاد وبنات مثل اسامة

بصى متعمليش تحليل

بس عاوزة اقولك حاجة الشهر اللى حملت فيه
انا كنت بعمل رياضة و كنت بنزل من على الاوربتراك مش بقدر اقف على رجلى من كتر الاجهاد و افضل مساكة فيها لحد ما اعرف امشى
و غير شغل البيت و كريم و كل دا و طلعت حامل و برضو مكانش فى دماغى طبعا ايام تبويض ولا غيره ولا عملت الترتيبات اللى كنت بعملها زمان عشان احمل
و ربنا اراد
بس خلاص خلينا لحد ما جوزك ياخدك من قفاكى و يوديكى تحللى
انا ماليش دعوة