اليوم سويت عشى خاااص لزوجي وكل شي سويته يحبه زوجي (الله لايحرمني منه)
كان العشى محشي بطاطس وكوسه وباذنجان وفلفل
ومنتو وورق عنب وكبة الدجاج بجبنة التشيدر والبقدونس
وسلطة المكرونه وسلطة فواكه وخبز وعصير
نبدا على بركة الله
اول شي سويت المنتو :
عجنت العجينه وهي 3كاسات دقيق منخول وملح ومويه وتعجن لما تصير مثل عجينة الفطاير ونخليها نص ساعه تقريبا وكانت كثيره العجينه --
ونجهز الحشوه الي هي لحمه مفرومه وبقدونس مفروم وبصل مفروم
وبعدين نظيف ملح وكمون وفلفل اسود
واللحين اخلطهم زين وتكون كذا الحشوه جاهزه

ملاحظه : اللحم يكون نيء --
بعدين ناخذ العجين ونفردها بالفراده

وبعدين بدات احشيها

وبعد ماخلصت اجيب قدر المنتو وفي القدر اصب مويه حاره وملعقة كمون
بعدين اصف صحن المنتو واغطيه واحسبله تقريبا على نار هاديه ساعه

000000000000000000000000000000000000000000000000000000000000000000
وبعدين بقي من حشوة المنتو كثير فقلت خليني اسوي محشي ونقعت رز واضفته عليه وطماطم مقطع مكعبات وبعدين اخذت بطاطس وباذنجان وكوسه ونظفتها من الداخل

وهذي الحشوه واضفت شوية بهارات ونسيت مااصورهم لما خلطتهم

وهذا المحشي وخلصت منه وبدخله الثلاجه لان بعد ساعه ببدا اعمل الايدام

وبدات اجهز كشنة الايدام
وهي نخلط في الخلاط بصل وثوم ونضعه في قدر وشوية زيت ونحمسها حتى يصفر لون البصل

وبعدين اضيف له طماطم مفرومه وصلصة طماطم ومكعب ماجي وبهارات مشكله وفلفل اسود وكمون وملح واخليها شوي تتسبك

بعدين اضيف مويه واخليهم شوي حتى تختلط المكونات مع بعض وبعدين اضيف الباذنجان والكوسه والبطاطس والفلفل المحشيه
واخليه على النار لمدة ساعه كامله

0000000000000000000000000000000000000000000000000000000000000000








