بطاقة التعريف بعزيزة المنال
الاسم الحركي : زوزه / وزه
السن 27
متجوزة من كام سنة :سنتين و نصف
سبب تأخر الحمل : ضعف في الحيوانات المنويه لدى الزوج و تكيسات بسيطه في المبيض
حصل حمل قبل كدة و لا لأ : لا ولا مره
بدأتي تهتمي بموضوع الحمل بعد كام سنة جواز : بعد سنه و نصف
روحتي لكام دكتور :2
الدكتور اللي متابعة معاه دلوقتي :شريف خطاب
متابعة معاه من اد ايه :من شهر 10 اللي فات
التحاليل الطبية اللي عملتيها :
نسبة ال FSH :معملتش التحليل ده و محدش طلبه مني
نسبة ال LH :ولا التحليل ده برده ما اطلبش مني
نسبة ال Prolactine :الحمد لله كان كويس بس مش فاكره كان كام
نسبة الProgesteron : مره طلع 9 ومره 12 و اخر مره 6
اي نسب تانية زي الغدة الدرقية او هورمون الذكورة مثلا :لا
ايه الادوية اللي بتاخديها :السيدوفاج والكلوميد
استمريتي عليها اد ايه :كنت مش منتظمه و دلوقت انتظمت
هل كان ليها اعراض معينة مميزة او لا :الم في المعده اول كام يوم و بعدين خلاص
عملتي تلقيح او حقن مجهري قبل كدة : نعم
كام مرة : مره واحده تلقيح وفشلت و دلوقت انا بأحضر لمحاوله جديده
في اي مركز : المركز المصري الدولي للخصوبه و اطفال الانابيب
مين الدكتور اللي تابع العملية :د. شريف خطاب
رأيك في المركز :الحمد لله انا حاسه اني مرتاحه جدا لأسلوب معاملتهم و مرتاحه لمتابعه الدكتور ليه ...
في اعترافات تانية عاوزة تضيفيها قبل ما نقفل المحضر :
أنا راضيه بقضاء الله ولكنني واثقه انه حيرزقني لأن لكل مجتهد نصيب وربنا مش بيضيع اجر من احسن عملا
وان كان ربنا كتبلي اني ما اخلفش فأنا حفضل ادعي ادعي ومش حبطل دعا حتي لو خلفت بردو مش حبطل دعا ومش حابعد عن ربنا زي ناس كتير انا بشوفهم لما الدنيا تبقه حلوه معاهم ينسوا ربنا ووقت ما يتزنقوا بس يجروا يصلوا ويدعوا
والله المستعان
تجمع الموقنات برحمة الله ( خبرات متبادلة حول مراكز تأخر الحمل في مصر ) 14
متابعة النقاش، صفحة 364