تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

ما شاء الله يا بوبا
الف الف مليووون مبرووووووك
والله وانتي بتحكي حاسه اني انا من الفرحه
ربنا يكرمك ويباركلك في حملك ويكملهولك علي خير

يارب يا سوسو يارب ويفرحنا بيكى ومتحتاجيش عمليات اللهم آمين

والله العظيم انا عمالة اعيط من كتر الفرحة اللى جوايا
وعمالة ادعى ليكم كلكم اكيد ربنا هيستجيب مننا لما نفتكره واحنا فرحانين زى مابنفتكره واحنا متضايقين بالظبط
والله مشاعركم دى بتهزنى من جوايا قوى سبحان الله والله انتو نعم الاخوات
والله انا كمان كنت بفرح قوى قوى لما اسمع ان واحدة من الملف هنا ربنا اكرمها وحملت وبفضل ادعيلها من جوايا قوى ان ربنا يتمم لها على خير
انا والله حاسة بفرحتكم دى وبالرغم من ان جوزى قالى مش نقول لحد لغاية مانطمن بس انا ربنا يسامحنى بقى قولتله ماشى بس ماقدرتش بينى وبين نفسى اوعده بجد لانى عارفة انى مش هقدر اخبى عنكم او ااجل الموضوع شوية انا امبارح كنت هتجنن وادخل افرحكم
لانى انا كمان كنت بستنى اى حد يدخل يفرحنا ويدينا امل
ويما انى من الحالات المكلكعة وعندها بلاوى كتير فعارفة قد ايه الناس عزيمتها هتزيد وهيبقى عندها امل اكبر خصوصا ماما ومها وشيمو واوكسى وام انس وتوتا حبايب قلبى لانى حالتى يمكن تكون اصعب منهم شوية

بس انا عاوزة اقول حاجة والله العظيم انا بالرغم من انى مكنتش متوقعة الموضوع ده
بس كنت بعمل اللى عليا وبستغفر كتير قوى ولما كنت بروح الجيم كنت كل جهاز العب عليه والاقى نفسى تعبانة اقول انا بعمل كده عشان اساعد نفسى عشان عملية الحقن تنجح من اول مرة وكنت بلاقى لو السرعة على جهاز مثلا اللى بقدر استحملها 5 لا القينى بحطها على 10 وساعات 15 كمان وكنت بستعين على ده عشان ربنا يقوينى بالاستغفار
كنت بستغفر فى كل لحظة وانا بلعب وبجرى وفى البيت ووانا بعمل الاكل ووانا باخد شاور والله العظيم زى مابقول لكم كده
وفى يوم صحيت من النوم الصبح كنت حلمت حلم كده رخم بخصوص موضوع الحمل ولقيت نفسى صحيت وبقول يارب بس بحرقة قوى كانت اول مرة اتخنق جامد كده لدرجة انى حسيت ان ربنا ممكن يغضب عليا من ضيقتى دى ولقيتنى بقول يارب من قلبى من جوة قلبى لدرجة انها وجعتنى قوى وانا بقولها وحسيت انى استريحت قوى لما قولت كده وهديت الحمد لله

بوباااااااااااااااا حاااااااااااااااااااااااااااامل ... هااااااااااااااااااااااا
اقسم بالله العظيم كان قلبى حاسس انك حامل حتى اسألى شوشو .. يا سلالالالالالالالالام
ربنا كريم قوى وحنين ... ان الله لايعجزه شىء فى الأرض ولا فى السماء