آه من لوعة ا لفراق..!ساعدوني

سلام عليكم ،كيفكم ياحلوات،
بنات أنا قلت لكم ع سالفتي قبل،المهم بكمل،ترى مر اليوم الثاني وأنا ما أكلم زوجي قد يكلمني وأنا ماأرد عليه،المهم أنا رحت السوق ووصلني أخوي ،عاد زوجي دقي وانا بالسوق،قال ليش ماقلتي لي إنج بتسيرين، قلت له مايحتاج تدري،قال متأكده مايحتاج أدري قلت إيه،قال يصير خير،المهم يوم رديت من السوق رديت عند أهلي وانا ماكنت أبي أرد عند أهلي،بس أخوي قال أنزلي بعدين بوصلج،عاد أنا طرشت حق ريلي يجيب بنتي عند أهلي،
المهم أتصل فيني زفني زف ،عاد أنا مارديت،قال كلام جرحني،ولول مرة أسمعه منه،عاد أنا حزت بخاطري وأنقهرت طرشت أخوي يجيب بنتي ودقيت لبنت عمي وقلت جهزي لي أغراض ولبنتي وخليت أخوي يروح يجيب بنتي،وطرشت مسج حق زوجي وقلت أبي أريح عند أهلي ترى مليت صجت راس،عاد رد وقال أنتي تدلعين وماتحترمين حد وبرايش،
وألحين صار لي أسبوع عند أهلي ومضايقه مره ،لاهو فكر يدق و لا أنا فكرت،أتصدقون أنه جا عند أخوي بالمجلس،ولا حتى وصى ع بنته يشوفها،
بصراحة أشتقت له حيل ،بس ماقدرت أدق أقول ليش مافكر يراضيني،أو حتى يسأل ليش أنا ماأستأذنت،مقهورة مرة،ساعدوني شو أسوي!أدعولي أنه ربي يرده لي.

17 تعليق 1,409 مشاهدة

شاركي في النقاش

سجلي الدخول لإضافة تعليق.

التعليقات

16
  1. @mlak_aloady

    يالغاليه هدي من نفسك شوي
    وترى مهما كان الفارق رح يرجع
    استغفري وادعي ان ربي يسخره لك ويجعلك قرة عينه ، وتاكدي انه رح يرجع لك ان شاء الله
    هو مطنشك لانه حابب يعمل لك درس ( طبعا من وجهة نظره)
    انت بعد تحملي شويه
    واسال الله العظيم ان يجمعك فيك عاجل غير اجل
    اللهم ااااااااااااامين
  2. @dyary_sa

    ارجعي انت بيتك
    لانك طلعتي بمزاجك
    وهو زعل ارجعي وتعوذي من ابليس مهب كيذا نحل مشاكلنا اعتقد يكفى بعد
    والله يفرح برجعتك بس لنت اهنتي كرامته كرجل طلعتي من غير اذنه
  3. @shmsuns

    اذا كان سبب الزعل انك مااستئذنتي منه قبل ماتخرجي..........فأسمحيلي اقولك انك غلطانه المفروض استئذنتي..........حاولي تراضيه اذا كنتي غلطانه لانه مابيتنازل هوه............تعوذي من الشيطان والله يسخركم لبعض

تابعي تجارب أخرى من هذا القسم.