هلا اختي زوجة امير
اول مشكوره على ان موضوعي اعجبك
بالنسبه للعفنه هي مو مجرد ديدان بالمعده كان عطيناهم الثوم بالعسل وطابوا
العفنه لها اكثر من مسمى على حسب كل منطقه فيه من يسميها الاخت او اوخيته او العفنه او ام الصبيان او مقطوعة الطاري ولو تلاحظين الاسماء كلها عن شي ينخاف منه وهي جنية بسم الله على عيالنا لكن ماتجي الا مع صغار السن واعراضها مو انقطاع بالشهيه بس
من اعراضها تغير بلون البشره قلق بالنوم فزعات بالنوم بكاء بدون سبب تعكر النفسيه ذبول بالجسم وممكن امساك في بعض الحالات
وعلاجها ياما الكي وهذا من مسأوئه تشويه بالجسم لان الكوي يبان حتى لو صغار او ان العفنه ترجع له بعد فتره
او الزيت اللي فيه حبه سودا وحلتيته
طبعاً العفنه ماتقدر تتحمل ريحة الحلتيته ولا تقدر تتحمل زيت الزيتون لانه قوي والحبه السودا معروفه فوايدها علشان كذا بعد مانستخدم الخلطه يبدا يرجع الطفل طبيعي ومع الاستمرار يتخلص جسمه منها
اما الترقيش هو نوع من الكوي لكن بعود صغير يسمى العوشق مايوجد الا بالبر وله وقت معين ينبت فيه
وبعض الحريم تكوي بمخيط اللي هو ابره كبيره حقت خياط الخيام وبعضهم ماتكوي الا بطرف المقص الكبير من تحت احد مسكات اليد لان اخر ماتوصلن له المعالجات ان العفنه ماتطلع الا بكوي كبير وهذا جنون مو كوي
ولاننسى يابنات ان الرسول نصح بالكي لكن هو اخر العلاج
وللاسف انتشر في وقتنا الحريم اللي يعالجون لكن والله بجهاله ولازم ماتعالجون الا عند وحده معها تصريح للعلاج وهذا موجود بالرياض لانه ممنوع الا اللي موثوق فيها ومعها تصريح
وان شاءالله لي عوده اجاوب على المصطلحات اللي اعرفها وحابين تستفسرون عنها
انا ما اعالج لكن اتعلم من كبيرات بالسن وشو اللي ينفع وشو اللي يضر وعلاج بعض الامور اللي تجي مع الاطفال بادويه شعبيه وتطبيقي كله على عيالي واللي ينتفعون منه انصح اللي حولي فيه
معآ لتحرير المصطلحات...عفنه..صويفط...لجوه ...الخ
متابعة النقاش، صفحة 6