أسعد الله أوقاتكن جميعا
من مدة وأنا ملاحظة كثرة المواضيع عن تأخر الزواج مثل فيما معناه
(ما اتدكر نصوص المواضيع)
ايش دعيتي وتزوجتي؟؟؟
أيش حلمتي وتزوجتي؟
تزوجتي بعد الثلاثين قولي لنا وفرخينا؟...... ومن هالمعاني عدة مواضيع.....
أخواتي بنات حواء:ـــــ
صدقوني كل بيت فيه شاب متخرج جديد وحالته المادية على قده يادوب يقدر يستأجر شقة صغيرة
ويتمنى يرتبط ببنت الحلالالال اللي تسانده وتساعدة يبنون حياتهم حبة حبة....
كم وحدة فيكم لو جاها مثل هالعريس توافق بصراحة؟؟؟؟؟؟؟؟؟؟
صدقوني أنتم السبب بعدم زواجكم
وادا مش الكل ...الأغلبية ....
اللي ترفض مثل هالشاب صاحب الخلق والدين لأنها تبغى مظاهر وشهر عسل وحفلة زواج
ومجوهرات وحفلة شبكة وملكة و....و....و زي فلانة وزي أختها وغيره من مظاهر التقليد الأعمى
لو كل وحدة حطت المقياس دينه وخلقة
ما جلس بالبيت خمس وست أخوات ما انخطب منهم أحد....
ثم حست الوحدة بعد التمنع وكثرة شروطها ان الطلب عليها قل وخاصة بعد الثلاثين
فتصير ودها تتزوج لو مسيار
أو زوجة ثانية أو ثالثة
ومع دلك يكون الشاب فضل ياخد زوجة من الخارج صغيرة على بنت بلده ام الثلاثين سنة او الاربعين....
زمان يوم كان الشور والرأي بيد الأهل
كانوا يزوجون البنات صغار
للشاب المحترم وتصبر عالقلة لين الله يرزقهم...
وما كان فيه عزوبية للبنات لما بعد الثلاثين
بل كانوا الأهل يزوجون البنت
مرررة ومرتين وثلاث لغاية ما تلاقي
اللي يريحها بس ما تجلس تتمنع ويفوتها العمر بدون أطفال...
أما الآن صار الرأي للبنت مئة بالمئة ولا تستشير أهلها فانتشرت العنوسة
ما دام أنكن يا أخواتي الفاضلات أغلبكن موظفات... ليش ما ترضون باللي على قده من أجل تجيبين
لك طفل وترعينه ويرعاك ويسليكي عند الكبر وتفرحين بعياله؟؟؟
وادا ما صلح أبوه تتزوجين بعد تركه ثاني وثالث؟؟؟؟
لمادا تقفلين باب رزقك بايديكي؟؟؟
شوفي أمك كيف صبرت وظفرت بالآخر؟؟؟؟
وتدكري ان أغلب أمهاتكن لم تسكن بيت ملك الا بعد عشرين سنة أو أكثر من زواجها...
ويمكن قضت عمرها بابيت الايجار,,,,, بس مبسوطة انها جابت عيال وبنات ومش وحيدة آخر عمرها,,,,
كانوا أهلنا يقنعوننا بالزواج المبكر ويقولون لنا أمهاتنا:ــــ
ليت بنتي مطلقة ولا عانس
لأن المطلقة عندها طفل أو أكثر
والعانس وحيدة...
هدا الموضوع أعتبروه دعوة للعودة للزواج على السنة الشريفة
تزويج من ترضون دينه وخلقه....
وتقديم التنازلات المادية أو الاجتماعية
وغض النظر عن العادات التي تعودنا عليها من التبدير والمظاهراللي ينافي ديننا الاسلامي.
وهي أهم أسباب العنوسة..
والله يفرحنا بزواجكن كلكن قريبا جدا ويرزقكن الدرية الصالحة...
اللي قررت تعيد النظر بشروطها لزوج المستقبل وأعجبتها الفكرة تفرحنا معها وتقول لنا؟؟؟؟
واللي عارضت الفكرة تشاركنا وتقول ليش ما أعجبتها الفكرة؟؟؟؟
بانتظار مشاركاتكن
ومشكورات مقدما...
شاركي في النقاش
سجلي الدخول لإضافة تعليق.
التعليقات
105- جزاك الله خير ياختي
بس الدين قال لازم تاخذون راي البنت - الحمدلله رضيت في واحد ما عنده ريال لمن خطبني ودوووووووووووبه متوظف من شهرين ما معاه غير راتبه اللي يستلمه ودحين ماشاء الله تقريبا غطى تكاليف الفرح
الللللللللله يوفقنا يارب المشاركة المقتبسة غير متاحة.
******************
أيش اللي مستواهم وما مستواهم هذي جديدة؟؟؟؟؟؟
وبعدين طول وجمال وبياض؟؟؟ من زين غرررة ولدهم ؟؟؟؟؟؟الوردة الجارحة ****************** أيش اللي مستواهم وما مستواهم هذي جديدة؟؟؟؟؟؟ وبعدين طول وجمال وبياض؟؟؟ من زين غرررة ولدهم ؟؟؟؟؟؟
يا اخت مشاعل انتي صادقة بعد الاهل لازم يركزون على تربية البنت واخلاقها
مش مواصفات جمالها بالدرجة الاولى
الا اذا ناوين يشاركون بها بمزاااااااين الابل والهجن؟؟؟؟؟؟؟؟؟؟؟؟sun07 جزاك الله خير ياختي بس الدين قال لازم تاخذون راي البنت
يا أختي أنا قلت الشور يعني تبادل الرأي والشورى
أكيد القرار النهائي بيد البنت
بس لازم البنت لازم تسمع راي أهلها تسمع فقط وبعدين تقرر هي
والله يوفقكم كلكم يا رب
مواضيع مشابهة
تابعي تجارب أخرى من هذا القسم.