دوعه يا حبيبتي طبعا الرأي الأول والأخير ليك يا قمر
بس أنا رأيي مخالف لرأيك ليه بقى؟؟؟؟؟؟
علشان كذا حاجه
1- لو رحتي مصر مش هتبقو وفرتو ولا حاجه ... هو إنت فاكره إن زوجك مش هيصرف عليكي في مصر ؟؟؟ بالعكس إنت كده هتبقي خلتيه يفتح بيتين بيته في الغربه وبيتك في مصر حتى لو قاعده مع أهلك لازم يبعتلك مصاريفك برده وبالتالي حتى لو حوشتو مش هيبقى كتير زي ما إنت متخيله ولا يستاهل ثمن بعدكم عن بعض
2- طيب إنت روحتي مصر وبداتي علاج إيه لزمة العلاج من غير وجود جوزو ؟؟؟؟ يعني مثلا الشهر ده التبويض ممتاز وفيه بويضات واللذي منه ... طيب وبعدين يا فرحتي بكل ده من غير جوزو يبقى كأنك يا أبو زيد ما غزيت
3- فعلا العلاج في الغربه غالي وبيقضي على كل حاجه بس هو إنتوا أصلا متغربين ليه؟؟؟؟؟ مش علشان تحسنو وضعكم وعلشان لو لاقدر الله حد حصله حاجه يتعالج علاج كويس في مكان محترم ..... طيب مه ده اللي إنتو فيه دلوقتي .... وأنا شايفه إن الأولويه إنكم تصرفو على علاجكم وبعد ما ترزقي بالذريه إن شاء الله إبقو حوشو اللي إنتو عايزينه ..... أنا معنى كلامي بدل ما تقصري مدة الغربه ببعدك عن زوجك طوليها شويه وإستفيدي بوجودك معاه ومتبقيش حطيتي نفسك إنك ممعكيش أطفال ولا زوج فاهماني يا قمر؟
4- هو إنت فاكره إنك لو بعدتي عن زوجك نفسيتك حتتحسن لالالالالالا وبكره أفكرك ممكن تتبسطي أول كام شهر بس صدقيني هما شهرين بالكتير وهتعيطي وتقولي أرجع وبلاها علاج..... طيب تخيلي إن لاقدر الله زوجك كل يوم بيكلمك وجه في يوم مكلمكيش وتتصلي بيه ميردش يومين وثلاثه هيبقى إيه شعورك ؟؟؟؟؟؟ فاهمه اللي بقوله يا ودعه؟؟؟؟
بعد كل ده أنا شايفه إن المشكله مش في الغربه ولا غلاء العلاج فيها المشكله إنك مش لاقيه حد كويس تتابعي معاه وتحطي إيدك على مشكلتك وهو ده اللي أنا عايزاكي تحطي دماغك فيه ولو ملقتيش حد كويس عندك حاولي تنزلي مصر أجازه صغيره تروجي لدكتور كويس زي دكتور عادل مثلا أو غيره تعرفي مشاكلك بالظبط وتعرفي كيفية علاجها وترجعي تنفذي العلاج ده مع زوجك بالمتابعه مع الدكتور وأهه كده يبقي قعدتي مع زوجك وإتعالجتي صح
ليه رجاء أخير يا ودعه حاولي تشغلي وقت فراغك بأي شيء مفيد سواء ليكي أو لغيرك إدرسي حاجه حتى لو من على النت .... إحفظي قرآن .... فكري في أي شيء مفيد يملى وقتك ويفيدك علشان يا حبيبتي متزهقيش من وحدتك وتوصلي لدرجة إنك تفكري تسيبي زوجك
يارب أكون قدرت أوصلك فكرتي
على فكره أنا كنت زيك بالظبط غربه وغلاء ووحده وقعدت كده في الغربه ده سبع سنين فأنا والله حاسه بيكي قوي
ربنا يارب يحرمك من الوحده عاجلا غير أجل باللي يملي عليكي البيت فرحه ووأوأه ياااااارب ويكونو توأم بنت وولد
آمين يارب
تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15
متابعة النقاش، صفحة 56