يابنات انا اعاني من عدد الزوار اللي يجوني
وكثير منا في السعودية الو حدة من تتزوج ماتلحق تتهنى الكل يبي يزورها
المشكلة ان عندنا دورية كل خميس في بيت حريم ورجال والوحدة تطبخ في البيت
وتضيف الحريم والرجال والشقة كلها اربع غرف
وتخيلو كل وحدة تجي ومعة نص درزن عيال ويفكونهم كنهم في مزرعة
يمكن تقولون ماتبي الناس اوماتبي اهل زوجها انا اتكلم عن اهل زوجي
خواتة ورجالهم وعيالهم وزوجات اخوانة العدد فوق اربعين والله اني ماعديتهم بس يمكن
يزيد عن اربعين احس اني مخنوقة نفسي اعيش حياتي بحرية ليش الوحدة تزوج عيالة
وتغثهم هي وبناتها عادي يجوني يزورون ولدهم بس كل مرة وحدة ومالة داعي زوجها
يجلس ويربع وانا اطبخ واضيف
والله ان بناتها كلهم مرتاحين من اهل ازواجهم اهلهم في ديرة وهم في ديرة
بس حنا ياحريم اخوانهم غثونا بعيالهم ورجالهم
ياناس ذا حب ولا حقد ولا وشو
شاركي في النقاش
سجلي الدخول لإضافة تعليق.
التعليقات
50- الله يعينك كلمي زوجك يخليهم بااستراحه او اقل شي يطبخ برا ويسير ماعندك الا القهوه
او جيبي شغاله بالساعات وقت العزيمه واذا مرا مافي حل
جمعي من مصروفك او مصروف البيت واعطيه زوجك يطبخ فيه العشاء برا وخذي حقك بالسياسه هذا مو حال - خلوها برا عشان الوحده يا حرام تتعب ترتب بيتها قبل وبعد العزيمة وتتعب بالتحضير وما تلحق تتهنى ولا كل وحده تجيب شغالتها معاها
- الله يعينك المفروض هما يكون عندهم ذوووق لو شوي وماايجيبون عيالهم والعشاء على زوجك من برا الله لايهينه
والله شي يتعب القلب مستحيل هذا كله من المحبه
الله يعينك ومالك حل غير تتفاهمين مع زوجك ولاكن بطريقه حلوه تناسبه وانتي ادرا عشان ماايحس انك مااتبغين اهله
والله يساعدك - الله يجبر بخطركم والله انهم مايقبلون يقولون اكل المطاعم ماصخ مايحبونة
والاستراحة يبيلها ميزانية كل مايجون نوديهم هم مايجون كل سته شهور كل كم اسبوع يمكن خمس
اسابيع اوستة يعني اقل من شهرين - تفاهمي معه برواق وإذا مره مره
ماأستوعب على الأقل جيبوا الأكل
والحلويات من برى بس القهوة
والشاي عليك وإذا عندهم شغالات
قولي لهم كل وحده تجيب شغالتها~
والله يعينك~
مواضيع مشابهة
تابعي تجارب أخرى من هذا القسم.