شاركي في النقاش

سجلي الدخول لإضافة تعليق.

التعليقات

87
  1. @quotarnamquot

    كل اخت شاركت في هالموضوع لها مني جزيل الشكر ...
    وبما اني استفدت فأحب أفيد من خلال تجربتي المتواضعة....
    ادا لم يوجد لديك قشطة أو قيمر فبأمكانك وضع = نصف كاسة ماء +3 ملاعق كبيرة حليب بودرة

    بديل الزبادي = ثلثين كأس لبن

    بديل الكيري=لكل حبة ملعقة كبيرة جبن سائل

    بديل الدريم ويب= قشطة الخفق + 2 فنجان سكر يخفق بالخفاقة لمدة ربع او نص ساعة او حتى يتكثف
  2. طريقة عمل ( حليب النستله المركز المحلى )

    :: المقاد يـــــر ::

    - كاسة الجبنه الصغيره حليب بودره

    - كاسة الجبنه الصغيره سكر

    - علبة قشطه

    :: الطريـــقــه ::

    حليب البودره والسكر والقشطه بالخلاط .. بس ويصير كانه حليب نستله

    نفس الطعم والقوام..
    منقول
  3. طريقة التوفي

    الطريقه
    حطي في الخلاط باكيت كريم كرميل الباكيت الاخضر وحطي معه علبتين
    حليب ابوقوس او ودي فاطمه او بوني (عرفتوه الحليب اللي ينحط مع الشاي ) واخلطيهم بعدين سكري الخلاط و ذوبي كاس سكر في قدر حتي يصير لونه بني او حسب ذوقك بعدين سكري النار وشغلي الخلاط اللي
    فيه الكرميل والحليب وخليه شغال على اقل سرعه بعدين صبي السكر اللي ذوبتي شوي شوي والخلاط شغال بعدين حطي غطاء الخلاط عليه وخليه يخلطهم فتره بعدين سكري الخلاط وصبي التوفي في القدر ورجعيه على النار
    وحركي بتحسين انه خفيف بس اذا برد صار تمام سكري النار وخلي التوفي يبرد واذا حركتي التوفي بعد مايبرد وشفتي انه صار طبقتين الوجه جامد والتحتي خفيف ...(معليش ) رجعي التوفي للخلاط مره ثانيه عشان يختلط زين بعدين حطيه في علبه واستعمليه عدت مرات وممكن تحفظين الباقي في الثلاجه مده اسبوع مايتغير او في الفريزل مده اطول بس قبل الاستخدام طلعيه فتره يذوب ....
    ادري بتقولون شغله بس والله سهل ولو جربتيه مره بترجعين له مية مره .......جربوه مره ومارح تندمون بعدين يعطيك ها المقدار كميه كبيره ممكن تستخدمينه عدة مرات .
    وسلامتكم اختكم بسر برحي
    منقول

تابعي تجارب أخرى من هذا القسم.