شاركي في النقاش

سجلي الدخول لإضافة تعليق.

التعليقات

1,399
  1. @am_aaaysh_11

    الفن الراقي
    أم قسمت حبيبتي تسلمي على كلامك الحلو علشان الكل يعرف احنا عندنا احسن ابلة شايفين تطبيقاتنا الحلوة وزي ما قالت ام عائش مين قال احنا حنسيبك احنا معاكي وحنعمل عقد ولازم نعمل حاجات حلوة ونكون مع بعض احنا تعودنا على بعض وبجد لكم …
    الفن الراقي
    عقدتيني في الحردات :angry2: :icon33:.. زي وردة و شال كده لما كانت بتعقدني من شغلها :44: ... يلا بس تستاهلي كل خير برضه و هنصوتلك لو عملتي الشنطة :)

    مس كاتي
    انتي كمان شغلك حلو بسم الله ما شاء الله :33:


    أنا هسمي نفسي بعد كده الفن الحلبنتيشي .. أو وسع بص على شغلي أبو اتنين و نص :biggrin2: ... لأنه يستحيل شغلي يكون بأكتر من كده :unhappy:


    أم قسمت
    عوضك على الله في إنك تشوفي شغل حلو مني بقى :44:
  2. @am_aaaysh_11

    أم عائش
    الفن الراقي عقدتيني في الحردات :angry2: :icon33:.. زي وردة و شال كده لما كانت بتعقدني من شغلها :44: ... يلا بس تستاهلي كل خير برضه و هنصوتلك لو عملتي الشنطة :) مس كاتي انتي كمان شغلك حلو بسم الله ما شاء الله :33: أنا هسمي نفسي بعد …
    ده نداء إلى كل الغائبات
    إنتوا افتكرتوا إني عشان ولدت .. مش هبقى فاضية عشان أعمل إنذارات بالفصل للغايبيين و لا ايه :angry2:

    وردة و شال اختفيتي في ظروف غامضة كده ليه ؟؟ :blink:

    السنة المحمدية ... إن شاء الله يكون غيابك وراه خير :unsure:

    الحالمة بالسلام ... تعالي و عقدينا بشغلك :biggrinlo .. مسامحينك انتي و كل الناس اللي بيعقدونا بشغلهم :dry:
  3. @queen_latifa

    ام عائش ومس كاتى كات حمدالله على سلامتكم .
    ابله لسه بحاول فى الحرده وصلت السطر الثالث بالنسبه للخيط بواصل بالخيط التانى ولا برجع للخيط الاول بصراحه الحرده دى عقدتنى ابله لو سمحتى اشرحيلى واحده واحده اصل الفهم بعافيه شويه.
  4. حمد لله عالسلامه مس كاتي
    وازيك يا أم عائش وأخبار البيبي
    queen latifa
    بعد إزن الأبله حشرح ليكي الحرده بشويش ونا عملتها كده لما اشتغلت
    امشي خطوه خطوه وحتلاقيها سهله جداا

    حردة الرقبة المدورة
    الشروط:
    1- لو فتحه الرقبه واسعه بنبدا مع حرده الباط.
    2- لو فتحة الرقبة ضيقه زي البادي او الهاي كول بنبدا في الثلث الاخير من حرده الباط أي (الحرده المدوره علي قد الرقبه ).

    الشغل الآن في درس الأبله الحرده المدوره على الجزء الأمامي للقميص وحيكون أد الرقبه :





    *طبعا مننساش محنا طبقنا 100 غرزة في حرة الباط وعملنا التنقيصات ولو حسبناها التنقيصات دي حتكون :


    1- 1+2+3+4+5= 15 غرزة في جهة التنقيص يمين
    2- 1+2+3+4+5= 15 غرزة في جهة التنقيص يسار
    15+15= 30
    100- 30 = 70 غرزة دا الي فاضل لينا بالضبط دلوقتي

    * قاعدة :
    لا ننسى أن الجزء الوسط هو الي بياخد أكبر عدد من الغرز فنقسمهم كالتالي : 20 للكتف الأيمن + 20 للكتف الأيسر + 30 للوسط (للرقبه)
    · قاعده :
    اختيار عمق أو طول فتحه الرقبة يرجع إليكي فكلما أردت فتحة الرقبة أكثر عمقا زيدي عدد سطور الحرده على حسب ذوقك ( مثلا بتحردي 3-3-2-1-1- ) زي ما بدك وحسب الموديل

    نرجع لشغلنا وعلى أساس نحنا مبتدءات ونتعلم بشويش حنشتغل


    · السطر الأول
    * اخترنا طبعا طريقة 1-2-3-4-
    1-احسبي 20 غرزة وحطي علامه بأي شيء مثلا دبوس. (الكتف الأيمن )
    2- احسبي 30غرزة وحطي علامه ( الرقبة )
    3-الباقي طبعا حيكون للكتف الأيسر 20 غرزة
    اتفقنا خلاص مش كده وكل حاجه مزبوطه عال العال شاطره
    4-نشتغل 20 غرزة ودية طبعا ( الكتف ).
    5-اشتغلي 10 غرز بتاعت الرقبة .
    6-اقفلي 10 غرز . خلي بالك هنه لازم تتأكدي انك قفلتي 10
    7-اشتغلي 10 غرز الباقية للرقبه .
    8-اشتغلي 20 غرزة بتاعت الكتف الأيسر

    السطر الثاني
    دلوقتي جينا لظهر الشغل أي مقلوب وهنه عاوزين بكره خيط زياده عن الي بتشتغليها لا تنسي

    1-اشتغلي 20 غرزة بتاعت الكتف
    2-اشتغل 10 غرز بتاعت الرقبه .
    3-قدامك 10 غرز الي قفلتيهم مش كده سيبي بكرة خيط وهاتي بكره الخيط تانيه وأوصليها بنهايه أخر الغرزة الي قفلناها وتقفلي 4 غرز ثم تكملي السطر عاادي .

    السطر الثالث:
    الشغل دلوقتي حيكون على الوجه ( جرسية )
    1- اشتغلي السطر العدل باليمين كامل حتكون 20 وزياده كمان ولما توصلي لبداية لحفرة الرقبه الي صارت واضحه ليكي تسيبي الخيط وتشتغلي بالخيط التاني وتقفلي 4 غرز وبعدها كملي الشغل عادي للآخر وبكده قفلنا 4 غرز يمين الي كانت بالسطر المقلوب و4 غرز دلوقتي بالأمام جرسية .

    السطر الرابع :
    ظهر الشغل طبعا مقلوب
    1-اشتغلي بداية الحرده ومتلخبطيش انو تعملي بس 20 للكتف لا كملي حتى توصلي لبدايه حفرة الرقبه ، سيبي الخيط الاول وامسكي بالخيط التاني واحردي 3 غرز والبقية كمليها عادي للأخر .
    السطر الخامس:
    1-اشتغلي إلى أول الحرده وسيبي الخيط اللي في الناحيه دي وبالخيط اللي في الناحيهالاخرى اقفلي أو احردي 3غرز وكملي السطر للأخر .
    السطر السادس:
    1-اشتغلي إلى بدايه الحرده من الجهه دي وسيبي الخيط وابدئي بالخيط من الناحيه التانيهاحردي من الناحيه التانيه 2غرزوكملي السطر.
    السطر السابع:
    1-اشتغلي الي اول الحرده وسيبي الخيط اللي في الناحيه دي وبالخيط اللي في الناحيهالاخري اقفلي 2غرز وكملي للأخر.
    السطر الثامن:
    1- اشتغلي الي بدايه الحرده من الجهه دي وسيبي الخيط وابدئي بالخيط من الناحيه التانيهاحردي من الناحيه التانيه غرزة فقط وكملي السطر.
    السطر التاسع:
    1- اشتغلي الي اول الحرده وسيبي الخيط اللي في الناحيه دي وبالخيط اللي في الناحيهالاخري اقفلي غرزة فقط وكملي للآخر .

    وبكده خلصنا ومبروك عليكي حردة الرقبه
    يارب يكون شرحي واضح ما عكيت فيه
  5. السلام عليكم .. مشتاقه لكم وللتريكو ..
    الغالية ام قسمت اسمحيلي عندي شوية امور حياتية شاغلتني عن التريكو ..
    وان شاء الله ماننشغل الا في طاعة الله .. حبايب قلبي والله بمر عليكم واتطمن على الدروس لكن بشكل سريع .. ولله الحمد لحد الان انا ماشية معاكم وماشاءالله على التطبيقات الروعة اللي تفرح القلب وان شاء الله اتابع معاكم في المشاريع .. وتقبلوا مروري والله يحفظكم ....




تابعي تجارب أخرى من هذا القسم.