شاركي في النقاش

سجلي الدخول لإضافة تعليق.

التعليقات

45
  1. السر في اي عجينه (الخميره ..)...تأكدي انها جديده .....وغير فاسده ...وفيه طريقة لذلك دوري عليها في النت لاني ما ابغى اطول عليك ...والخميرة لازم تعجن بماء دافي لا يميل الى الحراره لانها لا تعمل الا في وسط دافي فهي غباره عن كائنات حيه تموت في الحراره العاليه وتنشط في الحراره المعتدله ولا تعمل في الوسط البارد ...
    ثانيا تتاثر بكمية السكر اذا كانت عاليه لا تستطيع العيش وتموت ولكنها تحتاج اليه بالكميه المناسبه ثالثا تقريبا كل انواع الدقيق غير مالحه فاذا حابه تكون العجينه مضبوطه لازم من رشة الملح الخفيفه .....
    رابعا العجن لابد ان يكون كثير ولمده لا تقل عن عشر دقائق لان الدقيق يحتوي على النشا وحتى يعطي اللزوجه المطلوبه لابد ان يعجن لفترة طويله
    وهذي عجينة اتمنى اذا سويتيها ادعيلي ...لانها راح تظبط معاك بأذن الله ....
    1- في زبديه واحد كوب ماء دافئ و ملعقة كبيره خميره و6 ملاعق حليب بودرة وتخلط مع بعض جيدا
    2- اضيفي عليها فنجال قهوه غير مليان سكر يعني لاتعبينه مره وشوية ملح رشة بسيطه و وملعقتين زيت ...واخلطي جيدا ليذب السكر ....موكله يعني بعضه ...
    3- اضيفي كوب دقيق على الخليط السابق واخلطيه جيدا ....
    4- اضيفي كوب اخر من الدقيق وابدأي بالعجن لاحظي ان العجينه في البدايه راح تكون رخوه وتلزق باليد بس كل ما عجنتيها زياده كل ما تماسكت وصارت ماتلزق كثير ..... والمهم انها ما تلزق على الزبديه وهنا تكون العجينه تمام ...
    ماتلزق في الزبديه ....متماسكه ....وسطحها ناعم ...
    غطيها بمنشفه نظيفه وخليها تخمر نصف ساعه اواكثر المهم انها تتضاعف وتصير دبل حجمها .... اذا كان الجو بارد خليها تخمر قريب من الفرن اذا كنتي تشتغلين عليه .... او ممكن تشغلين الفرن( الفرن الداخلي وليس عيون البوتجاز) فتره وبعد ما تحسين انه سخن وصار دافي من جهة العيون .... طفي الفرن وخلي الزبديه على العيون لان العجينة لازم تكون في جو دافي علشان تتخمر بشكل جيد...
    اما اذا كان الجو دافي او حار فخليها في اي مكان ....انا في بعض الاوقات اذا كان الجو بارد اغطيها واخليها تتخمر في الشمس ....

    ودعواتك ربي يرزقني بنت وينجح زوجي في امتحانه اللي يوم الخميس واذا سوييتيها وضبطت بلغيني على الخاص تكفين ...
  2. @anfynyty

    المشكله في العجينة شي مشترك في معظم الوصفات

    كمية الماي اللازمة للعجن

    ناااااااااااااااااااااادر يوم ألقى طريقة صاحبتها حاطه كمية الماي

    ما ألوم صاحبة الطريقه لأنها تسويها بالنظر

    ونصيحتي يوم بتشوفين طريقه حلوه جربي نص او ربع الكميه
  3. السر في العجينه انك تعجنينها وتضربين في بطنها كأنها عدوتك لحد ما تقول امين ههههههه جد والله ولو كان عندك عجانه ياسلام تقوم بالمهمه وتبرد كبدك
  4. @sdk_mshaaar

    صاحبة الموضوع
    الــغــيــد
    السر في العجينه انك تعجنينها وتضربين في بطنها كأنها عدوتك لحد ما تقول امين ههههههه جد والله ولو كان عندك عجانه ياسلام تقوم بالمهمه وتبرد كبدك
    والله ياقلبي اقعد ازيد من مويا وعجين اذا شفتها ماضبطت وانقهر صراحه



    يصير سااايل ويلزق باليد بتقولين زيدي دقيق ازيد لين تصير بالاخير قاسيه :(



    حبيبتي اسوي كل شي واذا رجعتلها عقب التخمير القاها لاتخمرت ولا زادت ولاهي متماسكه رخوه



    يختي قولي امين على الرد الحلو الله يسعدك دنيا واخره ويرزقك بنت مثل القمر وينجح زوجك ويوفقه

    وان شاء الله بسويها قريب ووعد مني برد لك عالخاص


    والله يالغيد اني انا وياها بقوس وهاتك ياضرب والله يدخلون بناتي يقولون ماما وش سوت :icon28:
  5. @al_goory

    اشتري عجانه والا اعجنيها واااااااااااااااااااااجد

    وكمان تاكدي من الخميره

    لاني طبقت وصفه من المنتدى للسينبون رووووعه وكمان سويت بنفس العجينه خلية نحل

    واذا ودك بالطراوه حطي ملعقة زبادي كبيره

    وبالتوفيق يارب

تابعي تجارب أخرى من هذا القسم.