ضيق التنفس << ابي خبراتكم

السلام عليكم ورحمه الله وبركاته

كيف حالكم أخواتي ... أتمنا انكم بأتم الصحه والعافيه
ويبعد عنكم كل الشرور يارب ...

اخواتي أبي رايكم وخبراتكم بهالموضوع الي باين من العنوان
أول شي ما ادري بأي قسم ينحط قلت نخليه هنا في زوار واجد :)


المهم يبنات من سنه تقريبا وجاني ضيق بالتنفس من غير مقدمات ولا أسباب

أول مرا جاني هالشعور بدا معاي من قبل الضهر وتعوذ من ابليس وذكر الله مدري وشالسالفه
والمغرب وداني زوجي المستشفى قالو التهاب بالقصبه بالهوائيه
ركبوا على بخار فونتلين واعطوني دواا كحه ودوا حساسيه موسميه

ومن ذاك اليوم بالاسبوع مرا او مرتين وانا رايحه المستشفى يركبون علي البخار

والي يقولي معاك ربوا
والي يقولي معاك الاتهاب بالرئه

سبحان الله والحمدلله على كل حال واللهم لا اعتراض على حكمك بس ولله تعبت

تجيني ضيقه بالنفس بالموت اتنفس ربع نفس واحس بكتمه فضيعه
وبعدها بدقايق تنمل اطرافي واحس الم بعضلات الاطراف
والم بالكتف والرقبه ودقات قلبي تتغير مرا بطيئه اجلس اتشهد اقول راح اموت
ومرا سريعه احس بتعب كاني راكضه

راجعت عند اخصائي وقالي الرئه سليمه وباقي مواعيدي معاه ماخلصنا


قلت ابي رايكم اخواتي من عندها وصفه منزليه زي عسل وليمون ومن هالسوالف
جربتها او سمعت عنها وتفديني

ولله يجزاها كل خير ياربي


ولله يشفيني يارب ويخفف عني



سبحانك اللهم وبحمدك

29 تعليق 39,654 مشاهدة

شاركي في النقاش

سجلي الدخول لإضافة تعليق.

التعليقات

29
  1. @soso111_1

    والله ياقلبي مادري
    بس اسأل الله العظيم رب العرش العظيم ان يشفيك ويشرح صدرك ويفرج همك يااااااااااااااااااااااااااااااااااااااااارب
  2. حبيبتي انا عندي طريقة ان شاء الله تجريبيها وتستفيدي لانها مجربة
    تجيبي بذر الزيتون الاسود وتتبخري فيه وتستنشقيه والله انه شفى حالة جدا متقدمة
    والله يشفيك
  3. @alshykhh_floh

    ياحبيلك هذا ملع بظهرك انا اول ماجاني حسبته الموت ماقدراتنفس
    وكتفي ويدي اموت منه
    بس ابسالك تحسين الوجع بظهرك ويجي مع قدام من عند الصدر
    واذا شربتي بارد او اشتغلتي كثير او تشيلين شي ثقيل تتعبين اكثر والا لا
  4. انا اتوقع اللي عندك مو ربو ولا هو في الرئه

    هذا اتوقع (مصع)ملخ<او ماادري وش يسمونه

    المهم حبيبتي مادامك تحسين بالم في الظهر والعضلات

    جربي روحي لوحده تدهنك

    او خلي زوجك يدهن ظهرك

    والله والله ان المصوع تسوي بي شي اكثر

    لدرجة لو آكل حبة تمره احس تكتم على نفسي

    ولا احس انه دخل الهوا للرئه الا لمن اتثاوب

    ومره وصلت لدرجة ماعاد قدرت امشي

    ووجهي صااير اسوووووود

    طبعاًالدكاترهمايعرفون لهالاشياء

    عشان كذا عطوك فنتولين ومشوها


    وماتشوفين شر

    دعواتك لجنيني يتمم ربي عليه صحته ويعافيه لي
    ودعوتك لي الله يقومني بالسلامه بولاتده طبيعيه.

تابعي تجارب أخرى من هذا القسم.