وش استخدامات الساقو؟

السلام عليكم
رمضان عليكم مبارك وكل سنة وكل شهر وكل يوم وانتو بصحة وسلامة...


بنااات انا شريت ساقو ولا ادري وش استخدمه فيه غير حلاو البحرين

ياريت اللي تعرف له استخدامات اكثر غير الحلى تفيدنا......

وياريت بعد تعطوني رابط حلوة البحرين اللي فيها الساقو


ومشكووووورين

12 تعليق 8,295 مشاهدة

شاركي في النقاش

سجلي الدخول لإضافة تعليق.

التعليقات

12
  1. @ghzlan_alshary

    هلا اختي..
    اولا مبروك عليج الشهر :)

    الساقو احنا نسويه حلو .. ما اعرف اذا له استخدام ثاني..

    وان شاء الله باجر بسأل امي عن الطريقه والمقادير وبحطلج اياهن لاني ما اعرف :)
  2. @am_alfhod_2005

    والله فيه طريقه لساقو مثل المهلبيه كانت وحده من المنطقه الشرقيه تسويها
    بس ماتحضرني الطريقه
    وكمان ممكن تعملي فيه السقدانه وهو حلي مكاوي
    اذا البنات مانزلو الطريقه ابحث لك ونزلها
  3. @ghzlan_alshary

    هلا اختي هاي طريقة امي .. ان شاء الله تكون الطريقه واضحه .. واذا مب واضحه قوليلي؟

    جيله ساقو
    مله شكر او حسب ما تحبين الحلاوه فيه
    هال
    زعفران
    ماء لتر ونص تقريبا


    تحمرين السكر لين يستوي كارميل
    تصبين عليه الماي عليه وتخلينه لين يغلي ويذوب السكر فيه

    لما يذوب السكر ويغلي الماي تضيفين له الزعفران والهال..

    عقب تحطين الساقو وتمين تحركينه لين شوي يتغير لون الساقو

    عقب تغطينه وتخلينه يغلي شوي وتكركينه كل شوي

    لين يستوي مثل الحلوى

    ان شاء الله يكون الشرح واضح ههههههههه
  4. :40: :40: :40

    مبااااااااارك عليكم الشهر خواتي..

    الغالية ريم..

    اليك طريقتي السهلة لعمل الساغو:

    اولا المقادير حسب الذوق و عدد افراد الاسرة.
    ثانيا الطريقة
    ننقع الساغو جيله او 2 كوب من الصباح حتى تلين و تكبر حباته.
    اصفيه من الماء واضيف له كوب سكر او حسب ذوقك يمكنك تذوقه و تعديله واحركه حتى يتبخر الماء و يتغير لونه للاصفر الشاحب واضيف زيت 1/4 او 1/2 كوب حسب الحاجة ولو تحبين مكسرات و احرك واضيف ماءورد وهيل و زعفران ولون اما اخضر او احمر.
    ملاحظة هامة: تختلف انواع الساغو منها ما لا يحتاج الى ماء عدا ماء الورد و منها ماعليكي اضافة الماء و التحريك حتى تذوب كل الحبيبات و تصبح متماسكة كالحلوى البحرينية اللذيذة و تصب ساخنة في اطباق و تزين باللوز و الجوز.

    اتمنى لك الفائدة و بالعافية

تابعي تجارب أخرى من هذا القسم.