السلام عليكم ورحمة الله وبركاته
كيفكم يا بنات ان شاء الله تكونوا طيبين :26:
انا الحمد لله ولدت يوم 11/6/1431 والله اكرمني ورزقني ببنت تدنن ياناس الله يحفظها ويشفيها يارب لانها في المستشفى عندهاصفار ادعولهايابنات الله يخليكم
وانتبهوا ياحوامل لاكلكم زين لاني ماكنت اكل زين بس معتمده اكثر شي على الفتمينات واكلي كان مره قليل
انتبهوا الله يخليكم
بانسبه لولادتي هي عطتني موعد عشان انا اولد قيصري وياليتني رحت قبل موعدي لاني كنت احس الام بس طنشت وقلت اروح في موعدي افضل ورحت في موعدي ونومتني قبل العمليه بيوم وسبحان الله انا كنت ابي بنج نصفي بس قبل اروح للمستشفىاستخرت ربي عشان البنج اذا فيه خير لي او لا والله ريحني للبنج الكامل وفي يوم العمليه نزلوني تحت وجلست ادعي للكل ولله الحمد وبنجوني وانا ادعي
الحين بتكلم بلسان زوجي يقول جلست عند الباب بعد مادخلوك وبعد ساعه الا ربع طلعت بنتي ويقول سمى عليها واستودعها الله وجلس ينتظرني يقول بالعاده نص ساعه ويطلعوك للافاقه المره هاذي جلست ساعه ساعتين ولا حس ولا خبر وبديت اخترع ويدق عليهم الباب من الخرعه مسكين
وتطلعله ممرضه وتقول كل شي كويس المهم يقول انا قلت خليني اروح للغرفه اصلي ركعتين وانتظر شوي وجلست كمان في الغرفه نص ساعه ويدق التلفون وارد ويقولولي انت زوج المدام ويقول رجولي قامت تنافظ يقول حسيت ان فيه شي وصوتها ما كان يطمن يخرع يقول وةلت ايهقالت تعال لقسم الولاده نبيك قال المدام فيها شي قالت لا بس تعال قال طيب قولي وش فيه قالت مافيه شي بس مدامتك من صحيت من البنج وهي تناديك قال طيب قولي من اول خرعتيني انا مو ناقص
ونزل مسكين ولقاني اخرف اقول كلمه ونص بس اللي اتذكره اني فرحتيوم شفته والله وعلى طول سألته عن بنتي قال الحمد لله طيبه ومافيها الا العافيه بس يابنات يقول ان وجهي كان مصفر وعرفنا السبب بعدين المهم جت الدكتوره وقالت لازم تقعد في غرفت الملاحظه اربع ساعات انا استغربت العاده ساعه او اقل وبعدين اطلع غرفتي وبعدين عرفت السبب
السبب ان المشيمه كانت متقدمه ونزفت في العمليه عشان كذا طولوا وهم ينظفون ويحاولون يوقفون النزيف بس الحمد لله جت على كذا وطلعت غرفتي بالسلامه وجابولي بنتي بعد ساعتين من طلوعي لغرفتي اشوفها واسلم عليها وكانوا يعطوني ابر الحديد عشان الحديدنزلت نسبته بطريقه فظيعه
والحمد لله على النعمه يابنات والله يقومكم بالسلامه ويرزقكم باطفال سليمين ومعافين ويرزق كلمحرومه يارب
وانا ولدت في مستشفى دله عند الدكتوره ناديه الزرقي
الحمد لله يابنات رحت الساعه تسعه فياليل وخرجت بنتي اللهم لك الحمد
شاركي في النقاش
سجلي الدخول لإضافة تعليق.
التعليقات
63مواضيع مشابهة
تابعي تجارب أخرى من هذا القسم.