تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15
متابعة النقاش، صفحة 167
شاركي في النقاش
سجلي الدخول لإضافة تعليق.
التعليقات
2,155- ماشاء الله يا قرنفله يعني حملتي من 3 بويضات انتي ربنا بعتك ليا عشان ترفعي معنوياتي الحمد لله
ماما1983 ايوه يا ريموا انا معاكي اني مهزوزه لسه ايمانياتي مش كويسه مع ان اموري ماشيه كويس الحمد لله بس النفس طماعه والشيطان بيلعب عليا بسهوله وانا لسه في الايمان بيبي بجد انا لسه بدري عليا انا برضوا كنت فاكره نفسي قويه بس للاسف انا لسه محتاجه كثير …
معلش يا ماما انا امبارح استنيتك كتير وبعدين لما لاقيتك مش دخلتى خرجت .. عموما ملحوقة ياحبيبتى .. بصى ياماما بإختصار قولى لنفسك ان مهما تعملى او تتدايقى او تزعلى مفيش حاجه من دول هتخليكى تبقى حامل بالعكس ده ممكن جدا يبعدك عن حلمك ويبعدك فى نفس الوقت عن ربنا .. انا همسك اخر كلمة قولتيها علشان ابتدى منها كلامى معاكى ... احساس التقصير ده معناه ان ضميرك مش ميت وصاحى وبيحاسب نفسك طول الوقت وده احلى حاجه علشان الضمير الصاحى ده هيدفعك لتصليح الامور من حواليكى هتغيرى علاقتك بربك اللى انتى مش راضيه عنها وبالتالى هتلاقى ربنا رضاكى بالواقع اللى عايشة فيه الى ان يرزقك فى المعاد اللى مكتوب ليكى ولما ترضى بالواقع هتحسى بالراحة وهتلاقى عقلك بدأ يرتاح ويفكر بهدوء فى علاجاتك .. فا انتى ابتدى من النقطة دى لان فيها صلاح لحالك كله سواء فى الدنيا او فى الآخرة ولينا كلام تانى لما نكون اونلاين مرة تانيهاشتقت اليك أودي... ازيك يا حبيبى.... يار ب دايما أشوفك فى أحسن حال...ويا رب تفضل نفسيتك فى العلالى....و هتشوفى عوض ربنا قريب اوي.... ريمو... واحشانى كتير و الملف ناقصة كتيرمن غيرك... يا رب ييسر أمورك و الظروف اللى بتمري بيها تعدي على خير و ترجعى تن…
ربنا يخليكى ياشوشو وميحرمنيش منك خالص خالص .. انا اسفه طبعا انتى من الناس اللى سقطوا سهوا منى انا فعلا مش مركزة فى اى شئ خالص بس خلاص بدأت الى حد ما أجمع اخبار البنات اهوه ومش هنساكى تانى ابدا ابدا ياشوشو ولا انتى ولا اى حد بامر الله .. وسلامات سلامات ياواحشنى سلاماتمتفائلة جدا 1985 ام اياد: انا فرحت اوي بكلامك وايوة كده خليكي قويه وان شاء الله نسمع خبر حملك عن قريببب يارب اقولكم علي حاجه حلوة كنت خايفه منها بس حصلت..سبحان الله .. كنت قلتلكم قبل كده ان اخت جوزي فرحها الشهر اللي فات وانا خايفه اوي انها تحمل قبلي _است…
توفى مش هلومك على الاحساس ده لانى فاهماه كويس وعارفه انه مش حقد على اللى حملت لكن هو احساس مرارة والم واحيانا حسرة على حال نفسك .. بس قصاد ده فكرى فى نعم ربنا عليكى اللى ما اداهاش لغيرك اكيد ربنا ادالك حاجه مش فى ايد غيرك زى ما ادى لغيرك حاجه مش فى ايدك حاليا لكن هتكون معاكى قريب ياحبيبتى ... وربنا يصلح لك احوالك يا توفى يارب- ريموا انا اون لاين اهوه انا بحبك قوي يا رمال ربنا يكرمك يارب انتي طيبه قوي
مواضيع مشابهة
تابعي تجارب أخرى من هذا القسم.