الحمد لله ولدت وهذا من فضل ربي

الحمد الله عالسلامة

الحمدلله على السلامه

الغرز استخدمي مرهم ميبو ممتاااااااااااااااز للخياطه وتنقعي بمويه وملح خشششن ومره ..

حبيبتي 15 يوم كثيره من واقع تجربه احسن لك روحي للدكتوره خليها اتشيلها لك احسن لالنها اذا طولت فجسمك من غير داعي تسبب لك التهابات لاسمح الله

والف مبروك على العروسه وجعلها يارب من مواليد السعاده

ماشاء الله الحمد لله على سلامتك ومبروووك ماجبتي

عقبالي يارب

كيفكم بنات اليوم جيت اكتب لكم قصة ولادتي <<لاياشيخه بدري

الحمد لله كانت ولاده سهله وقصيره. وهذا من فضل ربي ثم من فضل هالمنتدى وبناته

قبل لدخل التاسع جبت مويه زمزم وقريت فيها سورة مريم وادعيه تسهيل الولاده
.
وجهزت ورقه كتبت فيها ادعيه عشان اخذها معي للمستشفى.

من نهاية الثامن بديت امتر شوارع الرياض وفرفره في الأسواق دخلت التاسع بعد اسبوع بديت اشرب من ماء زمزم اللي قريت فيه

وكل مامشيت كنت استغفر وادعي ربي يسهل ولادتي وكنت اقول لزوجي احس اني ابولد ذا الاسبوع قال خلي الوسوسه حقتك.

يوم الخميس مافيني شي جلست اسولف مع ابو الشباب ونمنا مافي بوادر ولاده صليت الفجر ونمت الساعه 7 صحيت على مغص قلت عادي وكان في مويه قلت هذا بول اعزكم الله

ماخطر بهالمخ انها ولاده المهم على الساعه 8 ونص بدا الجد الم بسيط كان كل خمس دقايق واقل

كان متمركز اسفل البطن قلت لا الولاده يكون الالم بالظهر واسفل البطن

ادق على الوالده الله يخليها لي مسكينه فجعتها من الصبح حكيت لها اللي صاير قالت ولاده انا هنا فرحت وخفت

قمت تسبحت وشربت من ماء زمزم واخذت الورقه ادعي والالم يجي ويروح رحت اكمل باقي اغراض شنطه المستشفي زاد الالم

قومت زوجي مسكين طيرت قلبه قالي وش فيك قلت مدري وش فيني<<كل ذا وماتدرين؟؟!

راح وغسل وجهه جاء لقاني اتلوا من الطلق.:icon33: انصدم ماعرف يلبس او يلبسني عباتي او ياخذ مفاتيحه

وفوق كذا بنتي كانت صاحيه تخيلو الموقف نزل البنت عند عمها وطلع ينزل الام ههههه

ونفكت موية الراس وان بالبيت :icon33:

والله يابنات مدري كيف تحملت والحمد لله كان يوم جمعه الشوارع فاضيه وابو الشباب:arb: ماسك الإشارات تقطيع

رحت للمستشفى المبارك كان اقرب مستشفى تولد فيه دكتورتي

اول ماطلعت عالسرير وجت الممرضه قالت ولاده الراس باين <<مامداها تكشف وهذا احسن شي :)

حتى المستشفى فاضي اللي ولدتني ممرضه ودكتورتي جت خيطت ولدت الساعه 10 ماشاء الله تبارك الله..

بس المستشفى سيى جدا مافيه نظافه واجهزتهم قديمه من ايام جدي وجدتي

وانتهت القصه اللهم لك الحمد والشكر..

نصيحه للحوامل دايم استغفري ا حتى لما اروح امشي كنت اذكر ربي واستغفر وادعي بتسهيل ولادتي...

وعقبال كل حامل تولد بالسلامه وكل محرومه ربي يرزقها بالحمل السليم