اذا ابتلينا بوحده مثل هذي وش الحل !!!!!!!!!!

شوفي ياقلبي توكلوا على الله لاتخافون منها الله الكافي اهم شي التوكل والاستعانه بالله وحصنوا انفسكم واولادكم واذا ذكرت شي قولوا قدامها ماشاء الله تبارك الله وادعي دايم اللهم اكفناها بماشئت اللهم اكفنا شر الاشرار وحسد الحاسدين وربي يصرفها عنكم

اللهم لاتجعل في قلوبنا غلا للذين ءامنوا ولاحول ولاقوة الا بالله

الله يعينك

عادي قولي لها اذكري الله حتى لو ماتمونين عليهاذكر الله زين
بصراحه بعد ولد بنت خالتي ماصرت استحي اذا شفت احد قلت اذكر الله وكل جماعتنا يقولون عني موسوسه بس ياحياتي يقولون ولا يروح احد من عيالي علي
عاد قصة ولد بنت خالتي هو مزيون لاقوة الا بالله وكان عمره وقتها تقريبا اربع شهور مليان ويجنن ماشاء الله تبارك الله راحو عند ناس شافته وحده الله يستر علينا وعليها انهبلت عليه تقول امه نفس الليله جاته صخونه غريبه ودته الطواري على طول دخلوه العنايه المركزه وهي ماتدري ش فيه انجنت امه مسكينه اول ولد لها قعدت شهرين رايحه جايه وهو في العنايه في غيبوبه وحاطين له انبوب يشرب منه المهم هي شكت ف الحرمه بس الحرمه كانت مسافره في غير الديره اللي هم فيها وجاء رمضان وجات الحرمه عند اهلها تقول اخذت من اثرها واخذت غطوتها وغسلتها والنوى حق التمر بعدها يعني كذا شي راحت لولدها اليوم الثاني العنايه وهم مانعين يدخل اي شي وممنوع يشرب عن طريق الفم لانه بغيبوبه دخلت امه تقول دخلت من هالغسال اللي بعد الحرمه في قاروره صغيره داستها بصدرها تقول اول ماطلعت الممرضه نقطت في فم الولد كم نقطه ومسحت بالمويه على راسه ويدينه ورجلينه وطلعت من عنده وربي ماجاء الليل الا المستشفى يكلمونها يقولون الحمد لله طلع من العنايه بامر الله اولا وصار يشرب عادي ويبكي عادي بس لازم يضل تحت الملاحظه كم يوم يخافون يرجع له شي
المهم الولد الحين خمس سنوات ماشاء الله تبارك الله يجنن الله يحفظه بعدها عرفت العين حق
والله مثل ذي قولي لها كل شوي اذكري الله او كل ماجابت سيرة احد انتي قولي ماشاء الله تبارك الله خلها تعرف ان الله حق