اهلك يحبون اولادك او اولاد اخوانك؟؟

السلام عليكم ورحمة الله
كيفكم حوائيات ربي يسدكم ويحقق امانيكم يارب
المهم حبايبي:26: سؤلي هو؟
هل اهلك يحبون اولادك او اولاد اخوانك
علما اننا تناقشت انا وحده من زميلااتي تقولحتى اهلها يحبون الاود اخوها وانا لاحظت ها الشي ان اهلي يحبون ولد اخوي وبناته
ربي اللي يعلم اني انا احن عليهم وازورهم دائما لاني سامنه معهم في نفس العماره ودائما اهلي يتصلون على اخوي تحت ويطلبون عياله او امي ترسل الخدامه تجيب ولده وانا لا.. محد يدور عليهم ودائما يقولون خلينا نروح عند جداني
سبحان الله اخواي هذا نادرا مايطلع يسلم عليهم او يسال عنهم وانا وزوجي والله مانروح مكان الا ونطلبهم يجون معانا ولا فيه شي في السوق الا ونجيبه لهم
وزوجة اخوي يمرضون اهلي ولا تسال عنهم ابدا واذا سالناه تقول كنت مشغوله
وفي الاخير الحب كله لهم وش رايكم يابنات :(

57 تعليق 8,095 مشاهدة

شاركي في النقاش

سجلي الدخول لإضافة تعليق.

التعليقات

55
  1. @agml_alghyd

    المثل يقول ماغلى من الولدالا ولد الولد

    لايضيق صدرك ياعسل .هذولي عيال اخوك ينسبون لاهلك .غير عيالك ينسبون لاهلهم ,,

    والحب ترى شي بالقلب .مهوب على اللي ينفع والا اللي يزور .....الله من واحد اقشر على اهله ويموتون على الارض اللي يمشي عليها والعكس صحيح..

    ودام ان صديقتك وافقت على رأيك ارتاحي واستانسي ا
  2. @babryka

    لا يحبون عيال الاولاد يقولون انهم بيشيلون اسمهم واحنا عيال العدوه ,, هههههههههههه

    والمصيبه ان اهل زوجي يموتون ببناتهم وعيالهم وماعليهم من الاولاد ,, عيالي ما يبون يروحون
    لا لذولا ولا لذولا ,,
  3. @am_albnat5

    اي والله مافي اغلى من الولد الا ولد الولد

    اهلي مو بس يحبون الا يقدسون عيال اخواني وانا وبناتي الله لنا

    من يومين كنت عند اهلي وزوجي منقول لمنطقه ثاني
    وكنا جالسين بالحوش وجيبون العشاء ويجلس ابوي يتعشاء ويعزم ولد اخوي عمره 5 سنين يلعب بالسيكل فلان تعال تعشى وانا وبناتي ماقالنا؟؟؟

    مع ان زوجي طيب معاهم ويحترمهم لان رابي معنا قبل اتزوجه ...

تابعي تجارب أخرى من هذا القسم.