حمل وصوم وحموضة.. ماذا أفعل؟؟

أخواتي الغاليات:

أنا حامل في بداية التاسع .. مشكلتي من شهر مع الحموضة لكن كنت أقدر اتحمل لأني أشرب ماء أو حليب على طول .. كل ما اتنبه من النوم اشرب ماء بارد والالم والحرقان يخف..

لكن مع الصيام .... تعبت مرررررة .. حتى فكرت افطر أول يوم من الحرارة والحرقة .. لكن تصبرت..

اليوم الثاني صمت من غير سحور قلت يمكن يخف علي .. وبدون فايدة بس زيادة اعياء وتعب مع الالم!!!!

وش الحل برأيكم ..؟؟ أحد مجرب هالمعاناة ولقى لها حل؟؟؟ :icon33:

18 تعليق 2,600 مشاهدة

شاركي في النقاش

سجلي الدخول لإضافة تعليق.

التعليقات

18
  1. حبيتي الله يعينك
    بس اتوقع لو متنسدحين مره يكون احسن يعني
    يكون راسك مرتفع عن جسمك اعلى من المخده شوي
    علشان عصارات المعده ماتصعد وتغثك
    اتوقع وانشاء الله البنات يفيدونك
  2. @shamh_1

    شفاك الله يأختي وان شاء ربي يقومك بالسلامه انا في حملي حموضة فضيحه ومع كذا اشتهي الشطة والمخللات والاشياء الحامضة واذا جاتني الحموضة اكل خيارة وثلج واشرب حليب بارد بس مجرد تسكين وقتي ويرجع الحرقان كمان لما تجي تنامي نامي شبه جالسه خلي المخدة مرتفعه عشان الاكل ما يرجع مع المرئ ويسبب الحرقان
  3. @daaaaa_asmy

    نا كنت حامل وفي التاسع برمضان وكنت اموت من الحموضه بس الحمدلله لقيت لها حل
    تعرفين الفوار حق الفواكه تلاقينه في الصيدليه كنت اخذه اخر شئ قبل ماامسك للصيام والحمدلله خفت كثيرر
    جربي وادعي لي ربي يرزقني توأم اولاد ويحسن خلقهم وخلُقهم
  4. صاحبة الموضوع
    ألف شكر يا خواتي...

    جربت احط لحاف كبير تحت ظهري وراسي .. وجربت أشرب الموكسال بعد الاكل بساعة .. وجربت ما اتسحر خير شر .. بس مازالت المعاناة !!!

    وش الحل تكفووون ؟؟؟

    راح أجرب فوار الفواكه وياااارب ينفع ...

    والله لادعي للي تساعدني دعوة يحبها قلبها..

تابعي تجارب أخرى من هذا القسم.