للبنات الفاسخات من ملكــــه و المطــلقات من ملكـه .. تعــالــو فضفضــو/ قديم

اهلين عنوني


:42:== ماجاوبتي ع اسئلتي بجد حزنتيني

الله يعوضكم يارب
ويرزقنا جميعا بالازواج الصالحين يارب

الله يعوضكم ويعطينا يااااارب

هلا حبيبتي ردا على اسألتك

اول مره انخطبت فيها كان فيه الصفات الي اتمناها ظاهريا وبعد ماتعرفت عليه طلع شكاك غيور ماعنده اي طموح راعي بنات بس الحق ينقال كان كذا قبل ما يخطبي بس كان شكاك وحسيت هو متعقد من البنات من تجاربه وياهم استخرت وقررت انفصل ليش اتم ويا واحد ما خلا بنت ويوم خلصوا منه اخذه؟ وفوق هذا كان يقولي يوم نتزوج ما اريدج تمسكين موبايلي ابد شو معناته؟ هذا بدايته خخخخ غبي كشف نفسه

الثاني كان وايد زين وياي بس اهله السبب طمعهم يبون ابوي يسوي كل شي في العرس

بسألج هو الحين خلصو الريايل ؟ وين الريال الي يشتري البنت ؟يحبها ويكون قد المسؤوليه

بس والله مع الانفصالين صح اني مب غلطانه بس احيانا افكر واقول يمكن الله يعاقبني اني رفضت اثنين يمكن كنت لازم استحمل يعني اقول يمكن تأخر زواجي انا السبب فيه مثل مايقول المقال

ويمكن هذا كله يكون من الشيطان يحبطني ادعيلي الله يعوضني بالي احسن عنهم وفيه كل الصفات الي اريدها يارب

وانتي ماقلتيلنا قصتج؟