للبنات الفاسخات من ملكــــه و المطــلقات من ملكـه .. تعــالــو فضفضــو/ قديم

حبيت اشارككم وافرح قلوبكم انا انخطبت 4 مرات وتصير شوفه ويجونا اهله وفراحنين
واجهز مابقي الا نحدد الملكه ويتم كل شي وفجأة في لمح البصر كل شي يتفركش
مرات من اهلي ومرات منهم .. لدرجة خلاص يأست وانهرت مو لاني مصروعه ع الزواج
بس لان هالمواضيع تلعب في حسبت الوحده وتغير تفكيرها وتطير بحلم وردي
؟؟؟؟؟؟؟؟ وتصحي منه وغير الناس اللي كلامهم مايرحم
كنت اصحي الليل وادعي ربي وابكي وادعي وادعي واحيان استسلم وارجع اشد الهمة

والحمدلله ماشاء الله تبارك الله رزقني ربي رجال قمة والله العظيم يابنات ان حظي احسن من البنات اللي
تزوجو ع طول انسان كبير وفاهم وعاقل وغير ان فترة تأخر الزواج خلتني اصير قريبه من الله وصار عقلي اكبر
واوزن الامور بطريقه احسن يااارب لك الحمد والشكر

الله يرزقكم بالرجال الصالحين الحنونين اللي مايشوفون بالدنيا غيركم
الله يفرح قلوبكم ها الشهر واشوفكم بقسم العرايس ---- قولو آآآآآآآآآآآآآآآآآآآآآآآآآآآآآآمين

صاحبة السمو : جزاك الله خير , والله ان دمعت عوني يوم قريت دعوتك لي
الله يرزقنا انا واياك وكل بنت مكسورة ويعوضنا خير من ازواجنا السابقين
ضجة مشاعر : مشكورة اختي والله يستجيب منك جزاك الله خير
سمو الاحساس : اله يسعدك ويهنيك ويسخر لك زوجك ويرزقك الذرية الصالحة
والله انك بقصتك بعثتي في قلب الامل بعد ما كان شارف على الياس

أختي فتاة بنكهة الفراولة ..سجلت في المنتدى عشان أكتب قصة خطبتي وملكتي وفرحتي 6 شهور الى أن رفعت قضية خلع عليه قبل الزواج..وكيف صارت معي الامور وكيف الظلم ..تحملت بس خوف على أبوي الي عنده سعادتنا بالدنيا وكنت أكتم حزني والظلم وسوء المعامله بقلبي وادعي ياارب..لكن بالنهاية ماقدرت أكمل ولا أتحمل وقررت أنفصل عنه ..هو رفض الطلاق وبينت نذالته صار يطلب حق المكالمات وحق الكنافة الي جابها يوم الملكة للضيوف و و و أشياء لا الشرع ولا الدين ..رغم اني تنازلت عن المهر كامل ..ولم رفض نزلت المحكمة ورفعت قضية خلع عليه ..وبعد عشرين يوم بينتهي الموضوع بإذن الله ..الحمد لله رب العالمين..
أختي فتاة بنكخة الفراولة ..لاتزعلي صحيح الوضع صعب ..صحيح أنتي مثلي ومثل كثير بنات جهزتي ورتبتي أغراضك وبديتي تحلمي بحياة جديدة وأطفال ..لكن اذا كان الانسان الي كان ممكن تكملي معه سيئ بفترة الخطبة ومايحترمك فلا تتوقعي منه خير بعد الزواج ..لانه الخلوق خلوق ..المحترم محترم ..قبل وبعد ..أنا الان عايشه بمرحلة عدم تصديق أحس إنه كل الي صارلي حلم ..وأنه مو أنا الي مريت بهالظلم ولا أنا الي نزلت على المحكمه 4 مرات عشان القضية ومو أنا الي جهزت ورتبت أغراضي بالشنت مو أنا الي كنت بتزوج الشهر الجاي ..كأن وحده ثانيه ..لكن عندي ثقة كبيرة بالله ..لأني انظلمت منه ..انا كنت راح اكتب قصتي كامله لكن ترددت لكن إذا كنتني حابه انه تسمعيها يمكن تخفف عنك انه في اشياء يمكن ماصارتلك تحمدي الله أنه حالك أهون ..شوفي الله مع المظلوم ..لاتخافي من تأخر نصيبك ..ترى الله ماحرمك إلا ليعطيكي ولو بعد حين ..اصبري وادعي واستغفري وقولي بكل سجود "اللهم أجرني في مصيبتي واخلف لي خيرا منها يارب عاجلا غير اجل" ..دعواتك لي معك
ديمة

صحيح والله كل كأن اللي مرينا فيه حلم
انا مثلك كل ما اتذكر اللي صار لي واني لبست الفستان الابيض وبالنهاية صار اللي صار اقول في نفسي كيف كنت متحمله كل اللي صار انا مثلك كنت متحمله علشان ابوي وامي وعلشان امه وابوه وكانوا اهلي واهله يصبروني بس بالنهاية طفح الكيل بي وحسيت ان كرامتي راحت فيها وانهت
والله كأنه حلم :06: !!!!!!!!!!!!!
بس لازم نزيد ثقتنا بالله اكثر واكثر
والله مع الصابرين
اللهم اجرني في مصيبتي واخلف لي خيرا منه

:09: ياقلبي عليك



الله يسخرلك اللي يفرحك

ويشيلك ع كفووف الراحه

مانعرف الخيره فين :icon33:لو بيدنا ماخذناهم


ونصيحتي قبل تزوجين


اسئلو عنهم وعن اهله زين ... مو حلوه كذا .. كل شوي تفسخين عشان لا يجكي كلام

اسالو اسالو اسالو فـ كل شي

عشان ترتاحين وتستقرين


الله يعوضك يارب :icon28:<< وتفرحيني

وتدعين لي وادعي لك :26: