لاشفت طبخكم وطريقة تقديمكم مدري وش يصيبني ؟!!!!!

يا قلبي ما يحتاج لها تعليم
شوفي الطبخات في المنتدى واشتري مقاديرها
وطبقي الطبخه ..

ههههههههههههههههه
ياحليلكم يابنات
حلوه تجاربكم
انا مشكلتى بالملح احيانا يصير مالح واحيانا يصير ماصخ
وابي حمستى تكون رائحتها زكيه مره يعنى الى بأخر الفريج يشمها :)
وسلامتكم

شوفي يا عمري
بما انك طلبتي تتعلمين هذا يدل على انك
ناجحه ولأبعد الحدود ولست فاشله
الناجح هو الذي يسعى للعلم والفاشل هو الذي يقف مكتوف الايدي
عند أول تحدي له
وانت ناجحه يا (عروسه سنعه)

بقولج قصتي
أنا ربيت دلعه ولا عمري دخلت مطبخ
واذا دخلت الوالده الله يرحمها تقول لنا اطلعوا اطلعوا لا تعلق الريحه في ثيابكم
واذا قلنا نبغي شي تقول الخدامه الحين تسويه وتجيبه
ولا اذكر الا مره دخلت سويت حلا السنافر ولما كنت بالاول ثانوي بعد
ومره لما دخلت سنه اولى جامعه سويت بيتزا وسلطة فواكه وبس
وفي نفس السنه انخطبت وفي ايام الملكه ما كنت اسوي اي شي لزوجي
لحد ما طلب مني مره ياكل من ايدي
وسويت له حاجه جذيه تأليف لأنه قال لي امانه ما احد يساعدج
وشريت ربيان مثلج وسويت له حمسه وضفت له بهارات وعدس اسود وصلصل وسويته مثل اليخنه جذيه
مع رز اصفر بس الخدامه هي اليي تأكدت من الملوحه والنضج والتكمله لكل شي كانت ع الخدامه
وأكل منه ومدحني ومن يومها وانا احس اني عندي دافع اطبخ اشياء ثانيه
واتزوجت
وانا عندي 19 سنه ولا كنت اعرف شي ابد
اشوف زوجة حماي لما تطبخ وبس
بحكم ان نحن في بيت عايله ومو بيت روحي
والبيت في خدامات اصلا
بس مرات ام زوجي تطبخ ومرات مرت حماي ومرات الخدامه
وانا اشوف
وانا من داخلي اتعلم
جاني يوم وقال لي نفسي في معكرونه باشميل
قلت له ما اعرف قال روحي لزوجة اخوي واسأليها كيف الطريق وسوي لي
والله ورحت واسألها واروح
وارجع اسألها واروح أكمل لحد ما اكتملت الطبخه وكانت اول انجاز لي
ومن عقبها وانا احاول اتعلم واطبق في البدايه كنت اجرب في بيت اهلي
لأني استحي تخرب الطبخه
لو بيتي روحي كان جربت العجايب
مره تصيب ومره تخيب
والحين
ما تتخيلين من كثر ما عشت تجارب عديده فب الطباخ صرت اكره ادش المطبخ ما ادري ليش
واطلب من زوجي من غير الخدامه اللي عندي يجيب لي طباخه
لأني كرهت الطبخ خلاص
الله يوفقج يا عروسه سنعه وتصيرين احسن منيومن البنات كلهم
عموما
اذا تبغين طبخات سهله اكتب لج
بس لا يضحكون البنات لأن هالطبخات انا اسميها فوقه فوقه
يعني ما تحتاجين فيها الا جدر واحد
وهي طرق كنت اعلمها لأختي الرفله
لأنها تكره الطبخ وصارت تفهم على طرقي