شاركي في النقاش

سجلي الدخول لإضافة تعليق.

التعليقات

1,817
  1. @noody30

    ازيك يا رواء انتي و شيري؟

    يا شيري انا عندي نفس المشكلة ساعات و مش عارفة العيب من الدقيق (لانه بينكر السمنة مثلا) و الا هي العجينة لازم تكون لينة مش متماسكة اوي

    ام ياسمين، شكرا يا قمر حاتعبك معايا. و عندي سؤال، انا عمري ما اتعاملت مع الزنجبيل ده، هو بييجي مطحون من عند العطار و الا ايه حكايته؟؟ و بنحطه على ايه بالظبط؟؟
  2. @shyr_44

    ازيك يا نودى حبيبتى وحشانى اوى .. عامله ايه وازاى باباكى ؟
    بصى الى اعرفه عن الزنجبيل انه بيتشرب وبيكون مطحون تقريبا والله اعلم .. بس ساعات بيتحط على اكلات معينه فى الحلويات زى البسكويت
    وطبعا الباقى يفيدك اكتر منى :)
  3. نودى هاقولك اللى اعرفه عن الجنزبيل وام ياسمين تكمل
    انا يا ستى باشتريه جاهز من السوبر ماركتبودرة هتلاقيه عند التوابل
    وكمان اعرف ان فيه طازة بيتبشر تقريبا بس مش عارفة استخدامه ازاى

    نودى عايزة اسالك بالنسبة للسمنةمن القشطة
    امبارح سحتها بس نسيت احط ملح وتانى حاجة احنا لما بنسيح الزبدةالمورتة بتسقط تحت والسمنة تبقى صافية كدة لكن دة محصلش معايا
    فضلت تخينة لغاية ما حسيت ان المورت اتحرقت
    مش عارفة ايه الغلط وايه القوام اللى اعرف عنده انها بقت سمنة
  4. @egypt_jasica

    رواء أزيك على فكرة دندون مش مطنشه دندون النت قفل عندها ومش عارفه تدخل وبتحاول مع الصفحة وهى هترد أول ما تتصلح

    نهى ميرررررسى يا جميل وعلى فكره لو عايزة تجربى الطريقه ده هتعجبك ولو عايزاها حاره دندون قالتلى تنقطى كاتشب حار عليها قبل ما تحمريها وانا برضه هتدور على الطريقة التانية واول ما الاقيها واعملها وتطلع حلوة هكتبها على طول

    نوووووودى أزيك بصى ياستى هو بيتباع طازه فى شارع التوفيقيه وبتاخدى منه حاجه بسيطة وبيتباع عند العطار قطع كبيره أو مطحون أنا ساعات بشتريه مطحون جاهز وبستخدمه وساعات بشتريه زى ماهو وببشره بالمبشره عند الاستخدام وبحب احطه فى كل حاجه

    بشرب قرفه وجنزبيل باللبن فى الشتا بتدفى جداااااااااااااااا ةمفيده
    وبحطه على السمك وفى معظم الأكلات اللى بعملها
    بس نصيحه أى بهارات حطيها بنسب بسيطه جدا علشان لما بتكتر بتغير من طعم الأكل وبدل متخليه حلو بتخلى طعمه غريب

    شيرى ازيك الحقيقة انا معملتشهاش قبل كده بس ليه واحدة قريبتى بتعملها وبتطلع طريه وجميله هسألها واقولك
  5. @noody30

    حبيبة قلبي شيري، انا الحمد لله بخير و بابا الحمد لله بخير، الف شكر على معلومة الزنجبيل و ربنا ما يحرمني منك

    سمسم الف شكر ليكي حادور عليه و اشوف حكايته ايه ده. بالنسبة للسمنة من القشطة المرتة بتاعتها مش زي مرتة الزبدة فبتلاقيها بتطله عبارة عن زي تجمعات كده و اجمد يعني مش صالحة للاكل اوي زي مرتة الزبدة اللي بتطله اطرى. بالنسبة لانها اتحرقت ده اكيد لانك مكنتيش بتقلبي باستمرار لان المفروض انها بتنفصل عن السمنة للقاع و لازم نقلب باستمرار عشان متتحرقش و تؤثر في طعم السمنة بعد كده. و طبعا خطوة الملح ضرورية و لازم متنسيهاش لانها بتساعد في الفصل و على فكرة انتي بتعرفي لان القوام بيبقى باين و واضح يعني بيبقى عندك سائل و عندك المرتة المتجمعة في القاع لونها ذهبي او برونزي كده و بتصفيها و تاخدي السمنة تحطيها في برطمانات. يا رب اكون افدتك و اي سؤال تاني انا في الخدمة

تابعي تجارب أخرى من هذا القسم.