عقدتي<< شوروا علي وش السوات

كيف حالكم يابنات
وربي اني احبكم من قلبييييي
اشكر كل اللي مرو على موضوعي الاول وردو عليه ومارديت مااقدر اكتب الا3 مشاركات باليوم
عاد اقول لكم بعقدتي اللي ذابحتني اللي هي السياره
خلوني ابدا من البدايه انا كنت انسانه طبيعيه وبالعكس اذا ركبت مع ابوي او اخواني مااستانس الا اذا اسرعو ماكنت احب اللي يمشي بطيء بعدين قبل 3 سنوات كنا مسافرين وشفنا حادث قدامنا وكانت اول مره اشوف حادث ناس اموات منثرين ع الخط انا انهرت وجلست ابكي وامي تهدي فيني ومشت الايام ونسيت السالفه بعدها بسنه كنا مسافرين على خط الرياض الطايف وشباب كانو مسرعين رايحين الرياض انفجر وحده من الكفرات وطارت سيارتهم عندنا (الخط الثاني) وشفنا الحادث لايف الغبره والشباب وهم يتقلبون ويطيرون من السياره ومشت الايام الين السنه اللي راحت ولد عمي مات في حادث سياره الله يرحمه ( ادعو له بالرحمه) وشفت سيارته بعد الحادث كيف صارت عجينه انا من بعدها اختلف وضعي تقدرون تقولون عدة مواقف تجمعت علي وغيرتني والله يابنات ماتصدقون لو اقولكم حالتي صار يجيني رعب مو بس خوف من السيارات صرت اكره الطلعات اكره اني اروح مكان اكره السفر اي شي في سياره اكرهه
واذا ركبنا السياره رايحين مكان اكون متوتره لدرجه ماتتخيلوناه ومو بس كذا لا اوتر اللي يسوق اذا جا يتجاوز ولا احد يتجاوز وانا اشوفه ولا احد يسرع اصارخ بدون شعور تصدقون احيان السيارات الثانيه اللي في الخط الثاني تكون ماشيه تمام وفي خطها بس احسها جايه علينا بتصدمنا واصارخ بدون سبب واحيان توصل للبكي وغير كذا ابوي اذا راح مشوار وانا بالبيت والله مايرجع الا وانا فاقده اعصابي ولا اذا سمعت ان احد صار عليه حادث حتى لو اقرى الخبر في الجريده انهاااااار واكتئب البلا الحين لاتزوجت(يااارب) اخاف يطلقني بسبب القلق اللي اسويه بالسياره تكفون قولولي وش السوات كيف اتخلص من هذا الشي اللي فيني كيف اعالج نفسي بنفسي
:(