انا الحمد لله كويسة.
ربنا يرزقك يا نادية انتي و كل البنات عن قريب.
انا فعلا لاحظت ان مايرا مختفية بقالها فترة بس قولت عادي ما كل واحدة فينا بتنشغل ساعات فما اخدتش في بالي.
انا كنت عايزة رايكم في موضوع لانه تاعبني نفسيا جدا. انتم طبعا فاكرين موال حماتي و انا حامل و الكلام ده , دلوقتي البنت حليت في عينيها و عيزاها طول الوقت معاها. المشكلة فين, المشكلة اننا لما بنروح انا اولا بنزل الصبح مع جوزي علي الساعة 10 الصبح و اروح عند ماما و بعد كده اختي لما بتخلص شغل علي الساعة 3:30 بتيجي تاخدني من عند ماما و توصلني لحماتي لان جوزي بيخلص علي 7 فبقول اروح انا بدري علشان البنت تقعد مع جدتها, ماحصلش غير بس الخميس اللي فات هوا ده انا اللي رحت فيه متاخر لان اختي ماكنش حينفع توصلني.
المهم رحت مع جوزي و هوا دخل يغير لبسه و طبعا انا قاعدة لابسة لبسي و حتي مش قادرة اقلع الحجاب لان جوز اخته موجود جوه نايم و انتم لو تفتكركم ان اخته و جوزها وبنتها عايشين مع حماتي. المهم لقيت حماتي دخلت الغرفة و قفلت عليه الباب و اتكلم كتير. المهم بعد شوية لقيته خرج و جه يقولي ديه ماما زعلانة منك فقولتله ليه, طلع علشان يوم السبت اللي قبله كنا عندها و البنت عيطت فانا قولتلها يا طنط لما البنت تعيط لو سنحتي ماتشيليش البنت كلميها الاول و لما تبطل عياط ابقي شيليها... راحت تقوله اني كلمتها باسلوب وحش و اني مش عيزاها تشيل البنت و انها خلاص مش حتقرب للبنت و زعلانة اني مش بروح اقضي اليوم معاها. طب ازاي اقعد براحتي؟
فقولتله يا حبيبي اولا انا قولتها كده فعلا بس مش زي ما بتقول لا انا راعيت اسلوبي لاني عارفة ان المواضيع ديه بتزعل و قالي لا ماما قالت انك اتكلمتي باسلوب مش ظريف و انتي مش عيزاها تشيل البنت فقولتله انا مش بحب ان اي حد يشيلها علشان ماتتعودش علي الشيل خصوصا و هيا بتعيط, حتعرف انها كل ما تعيط حتتشال و انا مش عايزة كده لاني انا في النهاية اللي حلبس في الحيط و اشيل.
انا حروح معلش و ارجع اكملكم.
تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15
متابعة النقاش، صفحة 346