انسرق بيتكم ، انسرقت شنطتك ،انسرق جوالك ، ذكرينا بتجربة مرت عليك الله لا يعيدها

السلام عليكم يا بنات و شكرا على تفاعلكم


اتذكرت موقف صار لجارة بنت عمي جارتها هاذي سورية و تشتغل بمستشفى و دوامها للعصر و عندها ثلاث او اربع اولاد و بينهم طفلة رضيعة

و اضطرت نظرا لوجود الطفلة الرضيعة انها تجيب شغالة مع ان ظروفهم المادية لا تسمح و مع ذلك جابت شغالة تجلس بعيالها يعني لا هو دلع و لا فشخرة

المهم يا بنات و هذي الاخت حريصة على بيتها و خصوصا غرفة نومها يعني دائما الغرفة مقفولة طول ما هي بره البيت و احيانا برضة و هي بالبيت تقفلها

المهم و يرجع زوجها من الدوام قبلها و يفتح باب غرفته بالمفتاح و يدخل و ياخذ ملابس له و يدخل الحمام يتروش

و على حسب كلام زوجها ان كان بالصالة بنته يمكن 10 سنوات و الشغالة ماسكة الرضيعة و تدور فيها بطريقة فيها توتر بس سبحان الله ما حط بباله و دخل يتروش و للاسف ترك باب الغرفة مفتوح - يعني ما في 10 دقايق - و يطلع و يشوف بنته الكبيرة ماسكة اختها و جالسه فيها فسألها ابوها عن الشغالة فردت انها عطتها البنت و قالت بتروح الحمام و جلس الرجال المسكين يدور عليها ما حصلها و دخل غرفته لقا الدولاب مفتوح و شنطة الذهب باللي فيها رايحة

يا الله يا رب لا تحطنا بهالموقف و الله العظيم يا بنات انه طار لباب الشقة يبغى يلحق عليها بس تعرفوا ايش صار >>>>>>> يا ربي صار باب الشقة مقفل عليهم و الشغالة مسكره عليهم الباب من بره <<<< شكلها يا بنات خطة معتمدة عند حرامية الرياض فانصحكم تشيلوا كل المفاتيح في البيت

لأ و اللي يرفع الضغط اكثر الامانة الزايدة عند الشغالة لأن الرجال على طول اتصل على زوجته و جت المسكينة ركض و لما وصلت حصلت مفتاح الشقة على عتبة الباب يعني امينة ما تآخذ شي مهو لها

و تنهار الحرمة المسكينة و الله يا بنات يحرقوا القلب لأن الشنطة فيها 130 ألف ريال تحويشة عمرهم بالأضافة لذهبها و ذهب بناتها من يوم زواجها يعني بكل بساطة رآس مالهم كله

مسكينة تحرق القلب و كل ما تجي على بالي قصتها ادعيلها ربي يعوضهم

انا مره انسرق بيتى .. حسبى الله على اللى سرقه .. كنت رايحه عند اهلى .. مع بناتى .. وجلست عندهم يومين .. ويوم رجعنا الا واحصل باب الشارع مفتوح على خفيف .. واستغرب .. واروح افتحه والقى التلفزيون والثلاجه وذهب عندى .. والبوم صور لبنتى حسى الله عليهم .. وملابسنا مبعثره على الارض وكمبيوتر .. وطاولات للصاله .. يعنى الحريم جاب له دينا وشال من البيت ..


والله الين اليوم ادعى عليه حسبى الله عليه ..

هذا موقفنا قبل امس كانت اختي حاطه المحفظه بحظنها وفيها جوالها و400 ريال وبطاقة الاحوال وبطاقة اللحساب والصراف والمشكله الرقم السري كمان حق الصرافه موجود بلمحفظه والصراف فيها باقي من المهر مبلغ وجوالها توها شريتها توه نازل المهم من حظها طلعت الجوال تكلم لما وقفنا عند السوق لكن المحفظه نستها بحظنها ونزلت من السياره وطاحت عليها بشارع ولما رحنا لمحل ثاني فقدناها وندور عليها ولماوصلنا رجعنا نفس مكان وقفة سيارتنا لكن مالقيناها وع طول اتصل ع البنك يوقفون بطاقة الصراف عشان فيها كمان الرقم السري وقفوها والحمدالله ع كل حال ومن بكره كانت تبغى تروح تلغي كمان بطاقة الاحوال تبلغ عنها الا ويتصل الصباح صاحب محل ثاني بمجمع غير عن السوق اللي ظاعت فيه المحفظه ووقال الاخت فلانه قالت ايوه قال حصلت محفظه فيها كذا وكذا وكذا واخذت الرقم منها قالت اختي فيها مبلغ قال لللامانه حصلت المحفظه مبعثره ومرميه بشارع ومن بكره اخوي راح عمده واخذ من المحفظه وشكره من قلب ,,,,واختي الى يومكم هذا تدعي عليه الله لايوفقه ان شاءالله ولا يربحه اللي مايخاف ربه

ههههههههههههههههههههههههههههههههههههههههههههههههههههههههههههههههههههههههههههههه
انا ماضحك علشان الفستان اللي صجيتي ام المنتدى فيه انا اضحك على الاب توب اللي جايك هديه كان قلتيله بدال الاب هاتلي شغاله هههههههههههههههههههههههههههههههههههههه
اما لاب توب توشيبا ب8000 يختي اكذبي بس مو كذا بقوه