شاركي في النقاش

سجلي الدخول لإضافة تعليق.

التعليقات

1,817
  1. @noody30

    يا اهلا يا منمن، طيب يا ستي و ده اسمه كلام برضه؟؟؟ و هل يفتى و مالك في المدينة؟؟ بقى نبقى في مطبخ دون و توصيني برضه عالرايب!!!! >>>>> الهروب الكبيييييييييييير!!!! (متقلقيش فاكراكي يا منى و حاجيلك بالخبر اليقين اول ما اتيقن انا!!)
  2. يا رواء أنا لسه شايفه أكله فى التليفزيون يمكن تفيدك بس بصراحه أنا ما اعرفش حلوة ولا لأ طبعا بس أعتقد انها تنفع للسحور لأن فيها فول و فى نفس الوقت مش فول تقليدى المهم يا رب تنفعك
    شوفى يا سيتى تجيبى طاسه غويطه شويه و تسخنيها و تحطى فيها شويه زيت زيتون و لما يسخن تحطى شويه حبه البركه و لما ريحتها تطلع تحطى بصل مبشور و يقلب على نار متوسطه لحد ما البصل يبقى شفاف لحد كدة ماشى؟
    بعدها تقومى جايبه حمص ( اللى هو بتاع حمص الشام ) و تكونى نقعاة فى الميه لمدة يوم و طبعا تصفيه من الميه و تحطيه على البصل و تقلبى و بعدها حطى الفول و قلبى و بعدها حطى طماطم متقطعه مكعبات صغيرة و فلفل حار واحد بس و تقلبى و طبعا الطماطم هتنزل ميه و تعمل صوص كدة
    بعدها تقومى حاطه كركم و بابريكا و سكر بنى و معجون تمر هندى كل حاجه منهم معلقه و فى الآخر حطى ملح و فلفل و قلبيه كويس و يقدم مع وضع كسبرة خضرا على الوش
    مش عارفه انا حاسه انه زحمه شويه مش كدة؟ عامه يا رب يفيدك
  3. @noody30

    رورو، انا من الصبح باحاول افكر لك في حاجة تبقى خفيفة و في نفس الوقت تبقى شيك لعزومة، بس مش لاقية فعلا افكار غير زي ما البنات اقترحوا صينية جلاش باللحمة المفرومة، او فكرة السمبوسك دي هايلة و الله يا رواء و نوعيها بالعصاج و بالخضار و بالجبنة الشيدر المبشورة و معاها زيتون اسود مقطع، مش بتاخد وقت في تجهيزها و لذيذة و خفيفة في نفس الوقت. انا شايفة دي اكتر حاجة معقولة لان مش حينفع اتقل من كده و لا اخف من كده، و الا ايه رأيك؟

تابعي تجارب أخرى من هذا القسم.