السلام عليكم ورحمة الله وبركاته
مساء الخير بنات
شحالكن عساكن بخير وسهالة
يا بنات مابي اطول عليكم عسب جي بختصر لكم
اولا انا عمري 19 ويشهد الله ان فيني هموم فوق عمري الله يسهلها :44:
مشكلتي هي شكلي تعبت واااااااايد منه اهئ والله قلبي يعورني من كثر التفكير
انا عارفة انكم بتقولون بعدج صغيرة وبدري عالهموم واحمدي الله عالنعمة وغيرج ما عنده..الخ والله عارفة بس اذا الشي هذا قدامكم 24 ساعة بالله عليكم ما تلاقون نفسكم تفكرون فيه ولو شوي؟؟؟
الكل يبتعد عني يقولي انتي مقرفة وانتي مب حلوة وانتي وانتي وانتي ....كلام وايد يعورالقلب :44:
يعني مثلا استوى لي موقف كنت ويا ربيعتي فالمدرسة وفنفس الممر ربيعة ربيعتي جافتنا ويات تسلم، تخيلو مدت يدها تسلم ع ربيعتي وانا طالعت فيني وقالت اسمحيلي ما اسلم على قبيحين!!!!!! والله يا بنات ما تتصورون شكثر قلبي وخزني هذيج اللحظة بس كتمت العبرة وقلت لها مسموح ما عليج اختي!! وترا يا بنات فيني حب شباب حتى اخوي الصغير جرحني يوم كان يلعب وياي ويات يده على ويهي بالغلط وسحبها بسرعة وراح يغسلها ويقول وععع حبوب وععع وكل هذا جدام اهلي!!!
يا بنات انا عارفة ان هاي ارزاق وكل وانسان ربي شو كاتب له من جمال وغيره لكني بصراحة تعبت وانا بعدني فهالعمر عيل بكرة شو بسوي؟؟؟
يعني بقولها لكم بصريح العبارة:
شعر متقصف
حب شباب فظيع فالوجه وحتى تحت الجلد في حبوب ما تعور لكنها كبيرة ويابسة والندب حدث ولا حرج
اسنان صفرا وفيها جير
هالات سوداء
سمنة
حبوب عالكتفين والظهر
تجاعيد واضحة في الجبين وصوب فمي شرات العجايز
رؤوس سوداء فالخشم
حواجب خفيييفة عالااااااخر كل من شافها ضحك عليها
وفوق هذا يا بنات ما يبوني اتالم واتوجع!!!! انسان عمره 19 وعنده ها كله
ابيكم تساعدوني الله يجزاكم كل خير ابي بس حد ياخذني من يدي ويساعدني اتخلص من هالمشاكل وانا والله بدعيله بظهر الغيب بكل اللي يتمناه ، فرجو عني كربتي الله يفرج عليكم :44:
اختكم الصغيرة: دموع النور
:(
الموضوع مغلق