زوجي ... من تصرفاته كرهته

الله يرزقكم العافيه والرزق الحلال الواااااااااااااسع ويصلح بينكم

ماضاقت الا وتفرج اصبري ياحبيبتي الدنيا ماتسوى لو لاقدر الله صار له شي ماحد بيفقده قدك انتي وبنتك وانتي ان شالله بنت اصول وبنات الاصول ياحياتي مايمنون على ازواجهم اعرف واحد يقرب لنا زوجته من اجمل النساء اللي عرفتهن في حياتي وهو من الاصل مامعه اللي يمشي حالهم لاخر الشهر واوقات يشغل سيارته وقت الخميس والجمعه بين الدمام والرياض اجره علشان يلحق مصاريف وعنده امه ارمله وعيالها اربعه واللي صار ان عمه رجل مريض وعنده بنت واصل عمرها الثلاثين ماتزوجت قعد يترجاه انه ياخذها زوجه لان مالها احد مسكينه امها متوفيه وابوها على فراش الموت وتزوجها وصار الحمل ثلاث بيوت رضخت زوجته اولى للامر الواقع وتقبلت المصيبه اللي حلت على راسها خصوصا انها بنت عمها هي بعد الزوجه الثانيه معاها شهادة اعداد معلمات ولاحصلت تعيين صارت تعطي دروس في بيتها علشان تساعده على الاقل في مصاريف بيتها وتشجعت زوجته الاولى واشتغلت مراسله وسجلت منازل في الثانوي وصارت تطلع مصروفها الشخصي وتحسن وضعها بعد ماكانت تحتاج الريال والريالين لما كانت حاطه يدها على خدها وتندب حظا اللي طرحها فيه بس لما ضاقت بها تحركت وطلعت بطريقه تحقق لنفسها شي انا لما سردت قصتها عليك ماقصد انو خلي زوجك يتزوج بس اقصد شوفي كيف دورت له العذر في اصعب شي على الزوجه موغيابه وقلت مادياته

اشكر كل من رد علي والله يحقق لكم كل ماتتمنوا

اسعدني تواجدكم

ويعطيكم العافية

الله يعينك
بس انتي قلتي انه يشتغل دوامين ومايكفيكم الدخل كيف تطلبين منه وظيفه وحده رح ينقص دخلكم اكثر وبتزيد معاناتك
وانا حاسه فيك الفقر مر وصعب
بس والله انه يهون عند الخيانات والبلاوي اللي نشوفها اقري مشاكل البنات بهالقسم شي يروع
يتمنون زوج فقير ويحاول يزيد دخله ولا غني يغرقهن فلوس ويغرق هو بالمعاصي مع بنات الحرام والخمر والبلاوي

حبيبتي زوجك صدقيني انه مثالي ومكافح واكيد انه يحاول يعيشك ملكه ومو قادر والدليل انه اخذ دوامين واكيد بيكون مرهق جسديا ونفسيا وهذا ياثر على نفسيته لانه يشوفك متضايقه وانا مالومك بس اتمنى تفكرين بهالطريقه
زوجك يحبك ويحاول يسعدك وعمل شاق وطويل بس هذي قدرته
وقفي معه واقنعي نفسك تسعدي ولاتقارنين حالك باللي احسن شوفي الاقل وتعرفين انك بنعمه عظيمه
وفقك الله