الله يفرج هم من ترد محتاجه مشورتكم

الحمدلله والشكر


بالله انتي ام؟

حرام اصلاً تكونين ام ومسؤله عن بزارين ماعليش يعني

اجل تبين تطشين بنتس عندهم عشان بس تضغطين على ابوها فيها؟

عنبوه من تفكير وش هالتفكير المريض

وين حنان الام ولا ربي ماعطاتس هالشيء؟

شلون قلبتس يطاوعتس اصلاً تكون بنتس بعيد عنتس وبرضاتس؟



بعدين كل حياتس انتي ماغير شغالة اهلك وسواق اهلك واخوانك واختك ومادري ووش

ليش هم مكلفين فيتس مثلاً؟

انتي زوجتس هو المسؤل عنتس

يعني عاتبيه هو خله يتعدل ويتسنع هو

مهو كل شي خل سواق اهلك
يسوي ترا سواق اهله مهو سواقه

ماجابوه عشان يخدم غيرهم

جابوه لهم

والشغاله كذلك ماجبته امه عشان تطلع وتنزل وتخلي بيتها وشغلها

عتبتس ع رجلتس اللي ماغير مخلي كل شي عليتس انتي

وانتي اللي عودتيه من البدايه

ولا في وحده تكون بديره زوجها بديره ؟

بالعقل يعني


وبعدين ماتقدرين تقومين بشغل بزارينتس انتي؟

لازم شغاله؟

ماغير هات شغاله وهات شغاله

اللي يسمعتس يقول جايبه عشرين بزر وتعبانه

ترا كلها بنت


واذا انتي منتي قد المسؤليه والزواج والبزارين من اول ورا متزوجه ومخلفه؟


كان جلستي بيت اهلتس اصرف



وش هالرد اعوذباللله من هالاشكال حتى بالنت ملاحقينا وبعدين انا ما اصبر على بنتي لاكن قلت كا وسيله للضغط عشان يجيب لي شغاله وشكلك ما جربتي الحمل اذا صرت بالتاسع وبالنفاس من يقوم ببنتي ؟؟؟!!!! يقولي شغالة اهلك كل ما طلبت منه شي قالي شغالة اهلك سواق اهلك اخوك اختك وعلى هالموال ما له رد الا اهلك اهلك اهلك اهلك اهلك ..اقوله انت بعد وين اهلك هذاهم تحتنا مو مثل اهلي الي باخر الدنيا ولا كان تزوجت مسيار وريحت نفسك وريحت بنت الناس ولا سكني جنب اهلي وريحني وريح عمرك مو مسكني بعيد عنهم وتقولي خليهم يخدمونك!!!!

والي تقولي اني انا معودته انا ما عودته انا اقدر اجيب شغالة اهلي لاكن حارمه نفسي ابيه هو يتكفل فيني


وبعدين غير كذا يبيني اركض ورا اهله واتحمل اخلاقهم السيئه معي كلهم حتى بنات خواته يبيني مالي هم بهالدنيا الا هم لو ان و لدهم عازني ورافعني عن اهلي وهم خادمني كا ن اقول يستاهلون لاكن كذا محد له دخل فيني!!!!! ليش اتعب نفسي معهم ما يستاهلون

ماادري بس احس اسلوبك غلط من الاول عودتيه انه اهلك يقومون فيك

ولا ليش جالسه بمكان وهو بمكان روحي وراه مكان مايكون حتى لو اهلك يضغطون عليه

واهله بصراحه مهم ملزومين فيك يخدمونك او يمسكون بنتك اذا زوجك ماتحملها اهله بيتحملون لازم تعلمين

زوجك يتحمل مسوليتك ويشيل همك لا اهله ولا اهلك مهم مجبورين يخدمونكم وصراحه لاتزعلين مني لكن كلنا حملنا

وولدنا اول وثاني طفل ماعندنا شغالات وزوجك بعيد عنك يعني ماعندك شغله الا بنتك معقوله ماتقدرين تقومين فيها الا اذا كان

عندك مشكله بالحمل الله لا يقدر او خوف من اجهاض او ولاده مبكره ساعتها هو ملزوم يوفر لك شغاله لكن تجيبين عيال عشان الناس

تربيهم صراحه مالها داعي وزوج زي زوجك المفروض ماتجيبين له اطفال لين يحس بالمسوليه والامور تجي بالمسايسه وخلي اهلك

يتفاهمو معاه وشيلي اهله من دماغك الي حتى تبغين سواقهم يرمي الاكل للحيوانات مره غريب تفكيرك عندك كلام على زوجك وبس اما

اهله فماله داعي ....

نصيييييييييييييييحه لك تر تعطينهم بنتك ولا ترمينها ع احد يعني وقفت حياتك ع شغاله افرضي طلعت ملعونه الشغاله وماتحملت بنتك

افرضي خذو عيالك وطلقك وقال مو قد المسئوليه مو ام كفوو اذا انتي عندك 2 ومو متحمله ليش تحملين منه وهو مو قد مسئوليه

مولا يتحمل اي شي معليش انتي من البدايه غلط لو من البدايه قالك اهلك قلتي لا انا متزوجتك مو متزوجه اهلي انت اخذتني من عندهم تحمل

واذا ع النفاس لا تروحين بيت اهلك اجلسي في بيتك وغصب يتحمل مسئوليتك ولا اذا زاد الحال روحي لا اهلك وتكلمي مع ابوك واخوانك يجيبونه ويتكلمونه معه رجال بتعتدل والا الله معك وانتهى لا اهله ولا اهلك ملزومين يخدمونك

لا تزعلين من كلامي انتي اساس الغلط عودتيه لا قال اهلك ركضتي لا اهلك الزميه غصب لا يكون ضعيف شخصيه ع اهله وعليك مسترجل

لاشفتي مافي فايده روحي انتي وعيالك لااهلك رجال بتعتدل حياك مو معتدل احرميه عياله يعرف ان الله حق واذا شغاله بتهدم حياتك وش تبين بها

الله يا الدنيا امهاتنا وهن بالنافاس يطبخن ويغسلن ويومون بالرجالهم وهذاهم مشاء الله عايشات فكري بعقلك البيت ما تنظف مو لازم ع مهلك كل يوم شي حبه حبه بينظف كله

الصحون لا شفتي نفسك تعبانه حطي بلاستك وملاعق بلاستك
خميهن بالسفره وع الزباله تكرمون
الملابس وش يبيلهم قطي الهوز بالغساله ماي والصابون وشطفيهم مو لازم كوي اجلسي تمددي وسفطيهم لابغى شي وانتي واقفه مكوى البخار ما قالت شي سريع سريع

فكرررررررررررررررررررري بعقل وادعي وادعي وادعي والله ياقلبي نصيحه لا تهدمين حياتك عشان امور تافها

الله يعينك عليه ويخليلك بنتك ويقومك بالسلامه الله يسخركم لبعض

انا الي قاهرني بس انه مو متحمل المسؤليه ما يبي ومن الحين يقولي متى تتوظفين عشان تساعديني بالمصاريف لاتقولين عودتيه صدقوني انا دايم اقوله انا ما لي دخل باهلي انت المسؤل عننا


ويسلمووووووو على الردود