مرااا كنت حاضرهــ عرس قريبتي
المهم وطولنا بالعرس و ما بقى الا حنا واهل المعرس
المهم الا امي تقولي ازهمي ع ابوك يلا خليه يجي والطقاقهب اعلى ما عندها تغني وتطق قلت ما فيه الا اني اكلم بالاستقبال
واطلع اتمشى وانا اهزززززز على صوت الطار وابوي طول الله يهديه مارد وبينما انا اتمايل مع الانغام >>>اقعددد
ولا الف وراي وانتبه لواحد :icon33:
انا ارتعت ونقزت على ورا من الخرعه وهو مسكين لف وطلع يوم انتبهت وانا رجعت اركض ع الصالة
وادخل وادق ع ابوي وانا لابسه عبايتي وخلاص تغطيت ما بقى الا خالاتي واهل العريس بالصالة الا انا قلت بطلع بسرررعه قبل لا اطيح بموقف ثاني
وياليتني ما استعجلت واطلع براااا بسيب الباب وادخل ويدخل بوجهي نفس الولد :44:
وتجي عيني بعينه >>> من وراا النقاب واكيد عرفني من فستاني لانه طالع من تحت العبايه
بس ما قلت الا لكم ولبنت خالي بسسسس:09:
ومراااااااااااااا كنت بالمتوسط رايحه بيت عمي وقاعدهــ في امان الله مع الحريم الا ويناديني ولد عمي الصغير يولي العبي معنا بالمجلس سوني ( كان هو مع اخوي الصغنون )
وانا استأذنت من اختي ورحت معهم >> مؤدبه :42:
واشوااا اني ما قطيت عباتي بس حاطه الشيلة على كتفي وادخل المجلس والعب الا ويدرعم ولد عمي الكبيييير
ويوم شافني انا تسمرت في مكاني وهو طلع يا عمري >>تراهــ كان كاتب كتابه بذيك الفترهــ :42:
المهم انا مو مستوعبه الموقف تقريبا عشر دقايق وقلت بطلع تغطيت وطلعت الا هو مسكين كان ينتظرني اطلع عشان يدخل المجلس هع هع تخيلو لو مطوله ولاطعته برااااااااااا
ايه مرااا كنا مسوين عزيمة كبيره بيتنا المهم كنت انا اللي اروح واجي >>>سنعه
المهم وانا جايه من المطبخ رايحه لقسم الحريم وانا شايلة الدلــه وداخلة الغرفه
الا يقولون لي البنات البغرفه وشلون مريتي وفلان بسيارته قبال الباب وحنا ابوابنا عاكس يعني بالليل ما تشوفين من فيه براااا بس اللي براا يشوفك طبعا عصبت وقلت ليش موقف :(
و طلع المسيكين منزل جدته الكبيره بالسن عشان كذا واقف عند باب قسم الحريم
ايه صححح تذكرت كنت بالمستشفى عشان ولادة اختي الكبيرهــ وكان اول حفيد لنا وما خذين لأختي غرفه خاصه فالحريم عند اختي والمقلط كان للبنات المهم وامي تقول لي نادي خطيبة اخوك تراها ما دخلت تستحي من الحريم قوليلها انو فيه غرفه للبنات وانقز لكم وانا مو لا بسه عباتي لانها غرفه خاصه واطلع يدي ابي ااشر لها >>> مستشفى ابوها الظاهر
واناديها وهي سرحانه الا ويشوفني اخوها انوااااااااااااااااااااااااااع الاحراج وكنت مسويه شعري اثنين بعد :09:
قد طلعتي قدام رجال بدون عبايه؟؟
متابعة النقاش، صفحة 61