اكتب والغصه بقلبي ..

السلام عليكم..

كيفكم بتوتات

مشكلتي هي امي لا احد يقولي امك ومدري ايش والله احبها وما ارضى عليها وجنتي وحياتي كلها:44:


المشكلة..
فيه زواج عندنا بالصيفية طبعا انا جالسه ااجهز له وارتب اغراضي وعندي فستاني قديم وبلبسه بس حبيت اسوي له تعديل واسوي اضافات والبسه المهم هو ماعجبني وحبيت استبدله بفستان اختي لان اختي ماراح تروح اختي بعد فستانها قديم وقد لبسته المشكله اني قسته وطلع علي غير لاني نحيفه واختي اسمن امي الفستان نظام كت انا رحت لا امي وبكل برائه هاوشتني قالت انتي مجنونه وبتلبسين هاذا قدام الناس والعالم
قلت يمه هاذا فستان اختي ترى اختي قد لبسته قبلي وشفتيه عليها والعالم شافته عليها وهو كذا ليش ماقلتي لها شي قالت ماشفته انكرت انها شافته والله انها شايفته وحاضره الزواج معانا وبالبيت شافته انا طالع علي نظام الحفر عشان نحيفه من فوق طلع حفر يارب تكونو فهمتم قالت شوفي يدك قلت وشفيها قالت سمراء انا يابنات لوني حلو لاهو اسمر ولا ابيض بس على البرونزي قالت شوفي يدي بيضاء قلت انا اذا ماطلعت عليك طلعت على ابوي قالت شوفي ابوك يده ابيض منك وابوي والله اسمر وانا افتح من ابوي حطمتني وبقوه قالت يا انا يانتي بالزواج رحت ابدل والغصه بقلبي وكاتمه دموعي


بعد ماكنت اجهز للزواج وبحجز عند الكوفيره قررت اني ماراح اروح للزواج :44:

ودي احس بحنان امي يمه كفايه قسوه علي انا وش سويت لك امي كل مره ترمي علي كلام لا الحين بقلبي كلمه منهااا جعلك الموت صارت سنه هالكلمه بقلبي والله ابكي منها حسيت اني ولاشي بها الدنيا مالي أي فائده مع العلم فيه اشياء كثيره تقولها لي لكن تمون ولاعمري قلت شي لها بس احط بقلبي واسكت
ودي ارضيها وكل ماقرب منها تبعدني منها حتى لو تقدم احد بيخطبني شكلي بوافق عشان اريحها مني مو عشاني بتزوج عشان امي بتزوج ...:44:


دموعي على خدي:icon33: ..... واسفه كلامي مو مرتب

47 تعليق 3,178 مشاهدة

شاركي في النقاش

سجلي الدخول لإضافة تعليق.

التعليقات

43
  1. @aashna_oshfnaa

    انا ام واعرف ليش تسوي كذا
    صدقيني تسوي كذا من زود حبها لك تبيك تطلعين احسن وحده وهي شايفه شئ انتي ما تشوفينه
    انا بنتي احيانا اقول لها لا تلبسين هذا الشئ ما يصلح تعاند وتقول لا حلو ولما احد ثاني يقول لها نفس كلامي تقتنع بس مع الوقت بدت تقتنع اني احبها وابي مصلحتها
    حاولي تقنعين امك واذا ماقتنعت خذي برأيها يمكن احسن وانتي ما تدرين
    الله يسهل امرك لا تعقدين المواضيع

تابعي تجارب أخرى من هذا القسم.