قصة ولادتي المبكره بامستشفى قوى الامن آهـ ياحسرة قلبي على ولدي

15 يونيو 2010

السلام عليكم ورحمة الله وبركاتــــــــــــــــــــــه,,
كيفكم ياكروشات وش اخباركم وحشتوني ..............
اسال الله الكريم رب العرش العظيم ان يتمم على كل حامل حملها وان يرزقها الولاده السهله الميسره ولا يفجعها في ذريتها ولا يصيبها مااصابني..
المهم ياحبايب قلبي بقول لكم قصتي بس تكفووووووووووون ادعوا لولدي تكفون اتراجاكم الله لا يفجعكم في عيالكم يارب يكون سليم معافي من جميع الامراض ويتم خلقه وخلقه ويربط على قلبي انا وزوجي تكفووون,,
انا حامل في الشهر السادس باالاسبوع الثالث على حسابي والدكتور يقول اني باالاسبوع 26 يعني السابع والسونار تقول 4ايام باالسادس وربي طفشون كل مره حساب كان عندي موعد قبل ولادتي المـــــبــــــكره باسبوع ورحت وسويت اشاعه وقالت الدكتوره كل شي عندك تمام والبيبي تمام قالت الحمدلله والشكر وبعد كذا جلست اسبوع وكان يوم ........مستحيل انساه ها اليوم الله لا يفجعكم يارب وكنت نايمه ونزل على شوية دم وانتوا بكرامه وعلى طول ابكي خايفه عاد بكريه اول مره كمان زوجي مسافر الله المستعان ورحت المستشفى قــــــــوى الامــــــن حسبيي الله ونعم الوكيل اذا كانوا هم السبب ودخلت قسم الطواري وقلت للمرضه انا حامل ونزال على دم قالت اشوف وكان وقته الدم قليل قالت لا مافيه شي عاد وخلتني اكلم الدكتوره تخيلوا الدكتوره ماكشفت على ولا شي بس باالتلفون حسبي الله ونعم الوكيل وقلت لها يادكتوره نزل على دم قالت عادي انتي بس ارتاح واذا نزل كثير تعالي ورجعت البيت والحمدلله ماعاد نزل على شي ولحد الساعه 12 وخلاص صارت حركة النونو تحت مره وحسيت الم وربي شي مو طبيعي كاني بموت وحاولت اتحمل بس صراحه ماقدرت وشويه واصب دم صب مو طبيعي وعلى طول اروح المستشفى وربي ماكشفوا على الى الساعه 2 وانا خلاص بموت من التعب قالت الدكتوره ((ولاده)) وربي حسيت اني بموت من الخوف الرحم خلاص مفتوح وطلعوني على غرفه الولاده وكانت معاملتهم زفت الله حسيبهم ولما قلت زوج اختي يشتغل مع المدير وربي تغيره المعامله بشكل ماتوقعونه يابنات وصارت تعطيني مويه وتقول انتي حبيبي وتشغل سورة البقره عندي وبعدها خلاص شد الالم حسيت اني بموت واعطتني ابرة الطلق وجلست بعده فترة وجات قالت افتحي رجولك بشوف الرحم صار مفتوح والا لا وانا ابكي من الالم شوي وتنادي على الدكتورة ويتجمعون على وربي خفت قلت شكلي قاعده احتضر عشان كذا تجمعوا على وبعد صارت تقول ادفعي على تحت وجلست مافيني حيل مره تعبانه لحد مايسر ربي له الحمد والشكر وطلع النونو وبعدها جات الدكتوره عشان تنظف قالت لازم عملية تنظيف المشيمه تقطعت جوتك ورحت غرفه العمليه وسويت التنظيف وبعد رحت غرفة الملاحظه لانه جاني نزيف مو طبيعي وصارت نسبة الدم بجسمي مره قليله وسووا ليه اسعاف دم واليوم الثاني آهــ يابنات جات الدكتورة وقالت راح ناخذك عشان تشوفين النونو وربي اخذوني وانا احس اني بحلم دخلت شفت ولدي تحت الاجهزه ومغطين على عيونه وجسمه كله عليه اشياء غريبه وربي انهرة حسيت ان الدنيا تقفلت بوجه وبعدها رجعت وخلاص اليوم الثاني طلعوني بس للاسف قلبي وحياتي ودنيتي معاهم وربي وانا اطلع من المستشفى احس ان روحي بتطلع من البكاء على ولدي الله يختار له الصالح يارب ولا يفجعني فيه ويرجع زوجي لي بالسلامه ولا يفجعني فيه يارب تكفون ادعوا لي دعوة المسلم لأخيه المسلم في ظهر الغيب مستجابه تكفون ابوس يدينكم:icon33: :icon33: :icon33: :icon33:
سامحوني طولت عليكم وهاذي كل قصتي والله يتمم لكل حامل حملها ولا يفجعها فيه يارب ويرحم حال ولدي وكل مصاب... الحمد لله والشكر على قضاء ربي,,,

قصة ولادتي المبكره بامستشفى قوى الامن آهـ ياحسرة قلبي على ولدي

التعليقات

قصة ولادتي بكورونا ولادة ( )٣

قصة ولادتي وانا مصابه بكورونا الحمدلله

و هذي قصة ولادتي القيصريه )) و كل وحده خايفه من القيصريه الثانيه تعالي

حبيباتي عدت اليكم من جديد مع قصة ولادتي

قصة ولادتي 😊