تكفون ساعدوني وش اسوي مع زوجي
:44:مساء الخير عليكم جميعاً حبيت اخذ رايكم واستشيركم ابيكم اتساعدوني احس اني مخنوقه وموعارفه اتصرف انا متزوجه وزوجي حالته الماديه ميسوره تعرفون لابد من الديون والقروض يعني شهر اخذ الي ابيه وشهر اراعي ضروفه واسكت وحتى لو عطاني احيان متكفيني اشتري المهم واخلي الي مو مهم هو يحبني ولو عنده كان عطاني اكثر بس احس يابنات بديت امل من هالوضع والله العظيم احيان احتاج اذا عندي مناسبه ويعطيني بس مايكفيني اخذ من الذهب الي عندي وابيع على قد حاجتي واشتري الي ابيه واسكت بسهو مايدري اني ابيع احس الموضوع وصل حده المشكله انو زواج اختي بشهر شعبان وبدايته لين الحين مافصلت والا اشتريت تقولون ليه بقولكم المحروص عطاني الف وناقصه بعد انا عندي 500 بس مايدري فيهاالمهم قالي بكملها لك على الراتب قلت طيب وجاء الراتب وخلص الراتب والا كملها ويوم قتله قال ماعندي ومواعدني انو يوديني الرياض علشان يشتريلي فستان الاسبوع الي فات وتوفت خالته واجلناها الاربعاء هذا يعني بكرا وصعقني بالخبر انو ماعندي وصرفت كل الي عندي وشلون بنروح انا قلتله شلون ماعندك وانت مواعدني انك توديني ليش ماحطيت احسابك المهم انا زعلت ومديت بوزي:(:44:المهم هو دخل ينام وانا محترقه قولولي وش اسوي للمعلوميه انا عندي بنتين واختي شرتلهم فستان الزواج بس باقي اشياء واجد ابي اخذلهم فساتين ثانيه وشرابات وجزم واننم عارفين الحين ابي رايكم وبقولكم انا وش فكرت الافكار تروح وتجي فكرت اني ازعل اروح لهلي والفلوس الي عطاني اياها برجعها له وقوله خذهم يمكن انت محتاجهم اكثر مني وباخذ من الذهب الي عندي وبابيعه وادبر اموري <قويه صح>والله احترت ياليت تعطوني حل والي عندها رد يضيق الصدر لاترد لاني انا طفشانه من دون ردودها