شاركي في النقاش

سجلي الدخول لإضافة تعليق.

التعليقات

1,514

  1. @am_aalaaaaaaoy_1

    نووووره
    اي فديتج خلاص ما بقى الا القليل
    كلها 7 ايام والله يسهل ان شاء الله
    دعواتج حبوبه

    يارجائي في شدتي
    متأكده دعيتين ليي ما نسيتيني له :)
    اهم شئ عند الامام ع وان شاء الله مستجابه
    والله يشافيج وان شاء الله التحليل هالمره يكون ايجابي
    ومافيج الا الخير وحاسبي حبوبه لان الألتهابات لها تأثيرات
    وايده وألمها ألم اذا زادت الله لا يقوله
    وفوزيه كمال دقيقه وايد في الالتراساوند اني تعرفين رحت لها
    من بداية الشهر الثالث رحت لها وقالت لي جنس الجنين صح
    والحمدلله كل مره اروح يقولون لي علاااوي بيشرف :)
    فلا تترددين تروحين عندها وفهيمه المطوع الحين مو في ستره
    في الزنج يعني قريبين من بعض يم لميزون دو كافيه
    بس اسعار فوزيه افضل احس وانتين على راحتج

    أحب التطريز
    هلا وغلا فيج
    شخبارج وشخبار التاسع معاج
    ان شاء الله كل امورج مضبوطه

  3. @sbrk_yaklby_1

    أحب التطريز
    ^ ^ الحمد لله كل اموري تمام والبيبي وضعه ممتاز ربي لك الحمد
    مساء الخير على الحلوووين
    شلونكم شخباركم شمسوووين؟؟

    نوره:
    هلا والله شخبارش شمسويه؟؟
    امم بالنسبه الى البساطات يبيعونهم اماكن الاطفال
    مثل احلى الاطفال وهالاماكن دورت في مذركير ماحصلت بس اختي تقول
    اخذتهم من هناك
    اني اخذتهم من احلى الاطفال الواحد بدينار
    بس اذا تغسلينه في الغساله يخترب يشمل .. توه مساعه اقول لاختي الا تقول حتى ثياب
    بنتها مال مذركير اللي حطتهم في الغساله اختربوا شملوا يعني

    يارجائي في شدتي:
    هلا خيوو شخبارش؟؟
    اي والله الالتهابات صعبه اني صادني كله التهابات
    بس ولا مره قالوا ليي المركز فيش التهاب بس قبل الحمل رحت
    وقالوا ليي اعراض الالتهاب وهي كله فيني بس المركز ولا مره قالوا لي فيش التهاب
    ماليهم زاغري شكلهم
    الله يشافيش يارب
    والالتراساوند فوزيه كمال بعد زيينه بنت عم زوجي راحت عندها
    قالت لها بنووته وعطتها سيدي في جم فيديو ب 30 دينار

    ام علاااوي:
    حبوبه لا تخوفين روحش من الولاده
    والله سهلات حدها بس انتي اخذي الموضوع بروح رياضيه
    وحطي في بالش ان مايعور وان بتنسين وناس واجد ولدوا وقاموا مافيهم الا العافيه
    اني بصراحه الم الطلق عورني بس الولاده حسيت عادي يعني مو ذاك الالم اللي الكل يخاف منه
    والسيم اني مادري شسالفته اصلا ناس تقول لازم تشوفينه طايح سواء في اللجانه او الكوتكس
    وناس تقول مايبين .. واني لحد الان ماشفت شي بس اذا اطالع في المنظره بعد ماشوف شي
    بس ذاك اليوم شفت الجرح اللي قلت لكم عنه وكان يحرقني واااجد بس اليوم خف ولا ادري شالموضوع
    والمشكله ان مايبين في المنظره الا عقب معاناه
    ايي اختي موصتني لا تحطين التحميله وفيش سيم

    احب التطريز:
    هلا حبوبه
    والله خيوو بدايه الايام حتى مشي ماتقدرين تمشيين
    تحسيت السيم بيتفتق عليش والله بدون مبالغه حتى الحمام كرمكم الله
    في البدايه صعب دخلته تجيش الصيحه والدرج يوم رخصوني ركبت شقتي ومنها
    مانزلت خير شر الا هالايام لان تعودت شوي عالسيم واحسه خف
    بس لا وقفه ولا مشيه نفس الناس تتألمين واجد خصوصا اذا توقفين فتره صعبه
    والله لو ما التيوب مااقدر اقعد خير شر

  4. @am_aalaaaaaaoy_1

    أحب التطريز
    ان شاء الله دوم امورج طيبه وزينه
    والله يسهل عليج يااارب

    صبرك ياقلبي
    ان شاء الله الكلام الي تقولينه صج مو بس تواسيني
    وتطيبين خاطري لان قربت ولادتي و تخففين عليي
    بالكلام علشان ما احاتي
    لان من قبل محد يتكلم لي عن الولاده الا تناتيش
    اشوف الحين من دخلت التاسع ومحد راحمني
    الكل يتكلم لي عن الولاده و يصورها ليي بشكل
    فضيع وعلى الي يقولونه بعد يقولون لي هالكلام
    ولاشئ وكل الي نقوله كوم واذا بتولدين بتشوفين كوم ثاني
    والله يستر وتعرفين اني بكر يعني ويش حالتي خصوصا ان
    مدري شنو بيصير غير من كلام الناس وانتي مريتي بوضعي
    وشفتي شلون الوضع
    وعلى السيم مو شرط تشوفينه اذا يطيح خصوصا لما يطيح
    وانتي تستخدمين الحمام او تسبحين اكيد ما بتشوفينه بس اذا
    انتي متنقعه تشوفينه وساعات الواحد ما يحط باله زين وعلى
    قولتهم يذوب
    صج بسالج خيه
    ما عانيتي من الامساك بعد الولاده؟
    وشلون قضاء الحاجه مع السيم والماي اذا يصيده يعور او يحرق؟
    والتحميله الملحيه لا تخلينها الا اذا قريب تطلعين من الاربعين
    سالت لج امي بعد قالت ما تستخدمينها الا اذا قريب تطلعين من الاربعين
    والله يعطيج العافيه ان شاء الله وتقومين بالسلامه وتفتكين من السيم
    و غيره
    وشخبار علاوي الحين بعد ما كبر شوي وشلون التطهير معاه؟
    شخبار السهر والتعب الي يقولون عنه الامهات صج تعب والا
    تحسين انه متعه مع البيبي؟؟

    ملوووووك يالغاليه
    ماتشوفين شر والله يقومج لنا بالسلامه
    وان شاء الله مافيج الا كل خير
    يمكن تشوفين مشاركاتنا بس ما تردين
    اذا خلصتي عمليتج طمنينا عليج
    وعلى حمودي

    باقي الكروشات وحشتونا وينكم

  5. @sbrk_yaklby_1

    ام علااااااوي:
    حبوبه والله مااقول هالحجي عشان ماتخافين او تحاتين
    لان هذا الصدق اني بعد لما دخلت التاسع الكل صور لي الولاده مووت
    بصراحه الم الطلق يعوور من قلب ماتحملته بس الولاده قلت ليش جنه فيش امساك
    ورايحه الحمام .. حتى هي تقول اذا جاش الم سوي خروج عصري وبيطلع الجاهل
    بس اهم شي تسمعين كلامهم في طريقه التنفس من يجي الالم اخذي نفس وهذا يفتح الرحم بسرعه
    يعني ودوني الولاده 10 وشوي وحطوا لي سيلان وابر وحاله وكنت توني 3 سانتي
    قالوا لي اذا جاش الم اخذي نفس عشان ينفتح الرحم وقمت اسوي نفس اللي يقوولن والساعه 11 وشوي
    وصلت 10 سانتي و ولدت اهم شي لا تسمعين كلام الناس لان بيتعبش وكل وحده بتقول ليش حجي غير
    اني وحده قالت ليي بتشوفين مقصات وملقط وحاله يخوف وتحسين بالشق ومادري ويش وكل هذا ماشفته
    واصلا عقب ما ولدت استانست عبالي مااحتجت خياطه يوم بتخيط اقولها ليش احتجت سيم قالت اي
    يعني ماتحسين بشي اصلا بس الناس واجد تبالغ .. في الطلق بصراحه كنت اصرخ بس في الولاده ماطلع لي حس
    كنت اعصر بس .. ام علاوي قلبي اهم شي لا تخوفين روحش وخلش ريلاكس من قلب اني اول ماطلعت من الولاده
    قدامي زوجي واخوي قمت اضحك اقولهم مايعور ولا شي .. وحتى قعدت اتحجج ويه اخوي وتعشيت وحاله الوضع حده عادي

    اما الحمام..
    بصراحه او تبول وانتي بكرامه يعني شوي تتعذبين فيه لان توش والده
    ومايودونش الجناح الا لما يودونش الحمام وتتبولين تحسين فيها بس ماتطلع بسهوله
    وثاني مره شوي اهون .. وعقب عادي
    اما سالفه الامساك اني سالوني قبل اخر تحمليه طلق صناعي بطنش يمشيش او امساك
    قلت لهم اني من حملت كله امساك وعطوني حبوب ومشى بطني
    وعقب الولاده مارحت الحمام الا يوم الترخيص سالتني الدكتوره مشاش بطنش من ولدتين
    قلت لها لا ونفس الشي عطتني حبتين بس اني خشيتهم للبيت وشربتهم
    والحمدالله من عقب ماترخصت وجدي ورجعت البيت ليومش هذا ماعانيت في الامساك
    معنى قبل مأساه عندي روحه الحمام الحين عادي بس في البدايه تغربلت من السيم كنت واجد اخاف
    بس هالايام احس اخف بواااجد مادري هو طاح واني خبر خير
    في البدايه حتى القعده في الحمام صعبه تحسين السيم بيتفتق ماتقدرين تطولين والماي عادي
    اني ماحسيت بألم او بحرقه بس شوي شوي تنظفين روحش لا تتهورين مو نفس قبل لان >> مسامحه يعني بس تحجيت وياش بصراحه عشان ماتخوفين روحش من الحين وماتحاتين شي
    والله كنت مثلش احاتي دخله الحمام واحاتي كل شي بس الحمدالله كل شي يتيسر سبحان الله لا تحاتين حبوبه

    وعلاوي بعد عمري كبر له ومافي ثياب قده من اللي اخذتهم وبعضهم والله العظيم لحين مالبستهم اياه
    اليوم مطلعه ليه بدله قطن بانطلون وفانيله البانطلون شاقح والفانيله ماتدش من الراس عليه حدها ضيقه وقصيره
    ان شاء الله هالايام بروح اتسوق ليه
    وتطهيره خلاص افتكيت منه الحمدالله حلقته طاحت عقب يومين بالضبط والحين احسن بواااجد
    ولدي مايسهر واجد يعني احيانا ينام 11 واحيانا 12 الى 1 الليل مو اكثر ويقعد الساعه 4 ونص الصبح
    ويرد ينام الساعه 6 ويقعد 10 اسبحه والعابه شوي ويرد ينام 12 ويقعد 3 او 3 ونص بس يرضع وينام
    ويقعد 7 شوفي متى ينام بس اقعده 10 الليل عشان ينام 12 وساعات هو بروحه من 9 يقعد وينام 11
    ساعات اتملل اقوله افف كله نايم وبس اقعد ونسني شووي يقولون دايما الجهال اول شهر جدي
    من يكبرون شوي يتفلسفون

    باااااااااااال كأني واجد هذرت مااتفيس له

تابعي تجارب أخرى من هذا القسم.