شوفوا سفرتي لضيف الغــــــــــــــــــــــالي اللي فاجئته فيها ..... لاتفوتكم

قد يحتوي هذا الموضوع على محتوى غير مناسب. عرض الموضوع


مساء الورد والفل وكل شي حلو ياحلوه إنت وهيه ..

أمس خرج زوجي من الصباح بدري مشوار ... وهو جاي على البيت بعد ماخلص مشواره يكلمني أبو الشباب على الظهر ويفاجئني بعزومته لواحد من أقاربه وزوجته على الغدا !!!
( طبعاً الضيف وزوجته مو أول مره يجونا .. كل بعد فتره يجون )

قمت وشديت حيلي بعد ماقفلت منه وعلى المطبخ طواااااااالي ..

* في البداية ضيافتي للضيف وزوجته قهوة معاها حلى لذيذ وسرييييييييييييع للعضوة : متغليه لعيون غآلي .. الله يسعدها :



http://forum.hawaaworld.com/showthread.php?t=2117817


أما سفرة الغدا عبارة عن :

المقبلات / سمبوسة - سلطة بقول بصوص الكاتشب والمايونيز

الأطباق الرئيسية / رز أبيض - مولوخية - إيدام بامية هندي

الحلى / حلى الكاسات

بالإضافة للمشروبات والعيش ..

أخليكم مع الصور ..

ماشاء الله تبارك الرحمن

السفرة كاملة ..




الرز الأبيض ..



المولوخية ..



رجااااااااااااااااءً أعطوني فرصة أكمل موضوعي فلا تقطعوني .. انتظروني

439 تعليق 53,424 مشاهدة

شاركي في النقاش

سجلي الدخول لإضافة تعليق.

التعليقات

428
  1. @talh_amp_osn

    صاحبة الموضوع
    نكمل ياحلوه إنت وهيه .. ماشاء الله تبارك الرحمن

    البامية على طريقتي ..



    http://forum.hawaaworld.com/showthread.php?t=2208027


    السمبوسة ..



    السلطة ..



    الحـــــــلى ..




    طريقة الحلى :

    ط 1 : بسكوت الشاي أي نوع تكسير عشوائي + قطع جالكسي وسنكرس
    ط 2 : في الخلاط الصغير علبة حليب نستله الصغير مع 3 حبات جبن كيري مع 1 ظرف دريم ويب و1 علبة صغيرة قشطة .. والزينة عاد إنت تفنني فيها.


    طريقة السلطة :

    فاصوليا حمرا معلبة + ذرة حلوة معلبة + كرنب أبيض + طماطم قليل مره + خيار قليل مره + فلفل رومي أخضر + خس + جزر + مكرونه مسلوقة .
    الصوص : نحط في فنجان القهوة قليل سكر وربع الفنجان مويه عادية واشوية كاتشب ومايونيز ونخلطها بمضرب الكربائي .


    طريقة المولوخية حسب الكمية الوضحة على السفرة:

    نشوح قطع اللحم او الدجاج في اشوية زيت في قدر لين تستوي نص استوا , بعدها أبشر كم فص ثوم عليه واحرك , بعدها أضيف طماطم وسط مفرومه و1 مكعب ماجي ووشوية ملح واحرك واخليها تغلي كم غلية لغاية ماتغمق الطماطم , بعدها أضيف مويه حارة لغاية ربع القدر وأخلي اللحم او الدجاج ينضج بعد ما احرك واهدي على النار , بعدها اجيب حزمة مولوخية كبيرة وأورقها وأغسلها زييييييييييييين وأنشفها وأفرمها فرم شبه خشن , وقبل ما أضيف المولوخية أشيل قطع اللحم أو الدجاج من المرقة عشان لا تنشب في المضرب اليدوي , بعدها أضيف المولوخية والمرقة تطبخ وبسرعه أحركها بالمضرب اليدوي عشان لاتتكتل معاية وأخليها تغلي كم غلية , وأطفي عليها النار وأرجع اللحم او الدجاج وأغرفها .


    طبعا أبو الشباب لما شاف السفرة مقق عيونه فيها وانبسط مررررره..
    ما كان متوقع كذا لضيق وقت الغدا زي ما إنتوا عارفين ( للعصر وأنا أحوس في المطبخ .. مره مع الضيفة ومره على المطبخ )
    كنت بسوي كبسه بس بطلت قلت التنويع أفضل ..و الحمدلله تيسرت وتبارك معايه الوقت بفضل الله ..

    كل اللي أبغاه دعواتكم الحلوة وبس .. في أمـــــــــــــــــــــان الله ..

تابعي تجارب أخرى من هذا القسم.