شاركي في النقاش

سجلي الدخول لإضافة تعليق.

التعليقات

203
  1. @lhth_thkr

    والله راح يتغيرون بس بالأستغفار بنية صلاحهم و هدايتهم والدعاء لهم فدعاء الوالدين مستجاب
    وسترين الفرج فقط أستمري
  2. ملكة النعومـــــة
    ماأدري صراحه ايش الللي خلاهم وصلوا لهدا المستوى ... ولكني أظن ان التساهل والتدليع هي السبب ... واتعودوا من صغرهم مايتحملون مسؤولية ... لكن لاتخافين ياأختي أكثر الجيل الجديد مثلهم ...وهم بإدن الله فيهم الخير الكثير .. من ناحية ا…
    حاولى توديهم شيخ امكن عين لانو فى عين تسبب فشل دراسي وخمول
  3. @hdoaa_aldg

    اولا اسأل الله العظيم لي ولبناتك وللبنات المسلمين الهدايه... ثانيا تحية حب واحترام مني لقلبك الحي ...
    لقلبك اللذي يحمل هم الامانه اللتي عليه فبارك الرحمن في خطاك ,,,, نصيحه مني عليك بالدعاء لهن والاكثار من ذلك فدعــــــــــــــــــــــــــوة الام مستجابه لاتبخلين عليهن بالدعاء في كل الاوقات وقدامهن واذا صحيتيهن للصلاة.... بصوت عالي ومن قلب خليها ..
    واحسني الظن بالله ولا تتشائممي لان ربك ارحم بك
    انا حاسة بشعورك وبالالم اللي تحسين فيه عارفه انه اصعب ماعلى الام تشوف بناتهها غير عن بنات الاخرين وتشوفهم بهالشكل لكن مالك الا الدعاء ومصاحبتهن بالصحبة الحسنة............والصبر ثم الصبر ثم الصبر ,,,,,,,,والاهم استشارة من هم اهل لذلك واطول خبرة واتقن اجابة اتمنى انك تستشرين الدكاترة النفسيين
    والاخصائين وبالاخص الدكتور عبد العزيز المقبل ابحثي بقوقل عن كيفية الوصول له والله ماراح تندمين ...
    ولا تخلين الهم يصير اقوى منك خليك الاقوى اطلعي استانسي االعالم مشتاق لــــــــــــــــــك لاتحرمينه من اطلالتك الحلوة والعذبه ............. مهما بلغ بك الامر والحزن اهم شئ ما تتخلين عن اهتمامك بنفسك وصحتك النفسية ياقلبي .,,,,,,, وبشرين عنك ..الله يبشرك بما يسرك
  4. @sarkosha

    السلام عليكم
    عزيزتي الأم المشكلة من البداية من وهم اطفال الآن لاتحاولين تحلين المشاكل الفرعية ( العدوانية- الاهمال في الدراسة - عدم تنظيم الوقت ... الخ ) فية مشكلة اساسية تفرعت منها باقي المشاكل هم الآن بنات كبار ماشاء الله وثنتين تعدو سن المراهقة الآن انتي حلي المشكلة الأساسية وهذي صعبة جداً لأنها من الصغر وحاولي تحلين معاها المشاكل الفرعية
    ليه عدوانيات
    ليه مايهتمون بنفسهم
    بتقولين انا تكملت معاهم مافاد سويت كل شي واحن عليهم الكلام كثير لكن المشكلة في التطبيق صعب لازم يكون عندك صبر هذي مشاكل تراكمت على مدى 20 سنة ماراح تنحل في شهر واحد يعني طبقي الحلول واستمري عليها لمده طويله جداً
    العدوانية من نقص الحنان عوضيهم الحنان بوسيهم قبل ماينامون غطيهم مسحي على شعورهم احضنيهم خليهم ينامون بحضنك حسسيهم بحبك لاتقارنينهم بغيرهم هم مو لازم يكونو صورة عن غيرهم ومو لازم حياتهم تكون مثل بنات خالاتهم وعماتهم هم لازم يكونو نفسهم شاركيهم اهتمامهم اطلعو تسوقو سوا اتعبي معاهم المشكلة ماراح تنحل بدون تعب ولاتتمسخري من اهتمامتهم لمن تسوين لنفسك زيت سوي لك معاهم ( مع الاخذ بالاعتبار ان بعضهم مايقتنع بالاشياء الطبيعيه ويشوف مالها فايده اذا كانو من هذا النوع مايحتاج تتعبين نفسك وتسوين لهم معاك ) اذا سويتي لنفسك قناع سوي لهم معاك اذا شافو امهم الي اكبر منهم تهتم في نفسها بزيادة ومنظمة هم بيكونو مثل امهم لأن الاولاد ياعزيزتي صورة عن اهاليهم لاتنهينهم عن شي وانت تسوينو لاتقولين لهم لاتسهرون وانتي تسهرين او لاتتفرجون ستار اكاديمي وانتي مثلاً تغتابين الناس بيقولو حتى هيا تسوي معاصي مثلنا مثلها اذا احنا نسمع اغاني ونشوف ستار اكاديمي هيا تحش في الناس وتبذر في الاكل يعني لازم مايمسكو عليك اي غلط حاولي تكوني قريبه من الكمال امام بناتك لأن انتي قدوتهم اذا اعجبو فيك بيتقربون منك يعني اي شي تبغين بناتك مايسوه لاتسوينو انتي ماتبغيهم يصارخون لاتصارخين عليهم تبغينهم يحترمونك احترميهم
    زي اب يقول لبنتو الأدب والأدب يابنتي واول ماتدخلين قولي السلام عليكم ويرجع يقولها اطلعي وادخلي مره ثانيه وقولي السلام عليهم مع العلم انها كبيرة 21 سنة بس هيا تدخل وتنسى تقول السلام عليكم ودايم يكرر عليها هذا الكلام وهيا تقول ابويا يقول الأدب والأدب وهوا اذا دق على جوالي مايقول السلام عليكم واذا قفل مايقول مع السلامه نفسي مره يقفل ويقول مع السلامه على الاقل ويقول لاتكذبين وهوا يكذب على امي وعلى الناس قدامي
    انا بنت واعرف البنات اش يبغون
    لاتتبعي اسلوب المنع نهائي نهائي لأنو ماراح يجيب فايدة اصلاً اذا انتي منعتيهم في بيتك من سماع الاغاني منع جبري اذا تزوجو راح ترجع تسمعها في بيتها او تسمعها برى البيت يعني كأنك يازيد ماغزيت
    اجلسي اتكلمي معاهم كثير وخليهم يشاركونك قرارت في البيت حسسيهم بأنهم مسؤلات راح يستغربون هذا الشي في البدايه ويمكن يتمسخرون استشريهم في اثاث البيت الي بتغيرونو في قرارات بتتخذونها خلوهم يشاركونك الرأي فيها
    سولفي معاهم عن الي يحبوة واتبعي اهتمامتهم انتي ام وهذا واجبك لاتعتقدي انو اولاد اليوم مثل امس تكرفينهم وتضربينهم وبيقابلونك بالحب والموده والاحترام انتي ام راح تحبينهم اكيد لكن اكسبي حبهم لأنهم مو اكيد راح يحبونك هذولا مسؤليتك طالما جبتيهم اتعبي عليهم عشان تنشئيهم تنشئه صالحة رغم انهم الآن في سن كبير كان المفروض هذا الكلام من وهما صغار
    قوليلهم احبكم مو شرط وانتي متهاوشه معاهم لاتخلينهم يبحثون عن الحنان برى البيت الي مشبعة نفسياً ومشبعة حنان وحب واحترام ماتبحث عن هذي الاشياء برا البيت خليهم يعبرون عن رأيهم ويقولون كل الي عندهم حتى لو ماعجبك كلامهم وبعدين كلميهم بهدوء وقولي لهم رأيك بدون ماتجبربنهم يتبعوة مع ملاحظتك على رأيهم وقولي لهم انا احترم رأيكم وانا بقول رأيي بس كان المفروض يابنتي مثل ماحترمت رأيك تحترمين رأيي وماتقولين لي هذي الكلمة او هذا لأنها غير لائقة لا معي ولا مع غيري ولا حتى انا المفروض اقولها لك انتي ام ولازم تعلمينهم هذا الاسلوب هم ماراح يتعملوه من وحدهم انتي مربيتهم
    ابسط قاعده تبغين بناتك يسون شي انتي ابدأي سوية لاتعصبين مابيعصبون لاتتطاولين عليهم في الكلام مابيطالون عليك في الكلام لاتستخدمين معهم اسلوب الاجبار لأنهم ماهم صغار استخدمي معهم اسلوب التوجية باسلوب مقنع واقرأي كثير عن الاساليب المقنعه او خذي دورات في هذا الشي شوفي اش يحبون واتكلمي فيه معاهم يهمتمون بالموضه تكلمي معاهم عن الموضه
    بنتك الي ماتحظر محاضرات ولا شي اسأليها اذا تبغى دراسه من نوع ثاني معهد تجميل او خياطة او رسم او او تنقلوها عليه شي تحبو مو لازم تنجبر تكمل في الجامعة وهيا مهي حابة الدراسة فيها
    اذا سويتي كل هذي الاشياء اضمني انهم يتغيرون ولو 5 %
    ولازم تتغاضين عن اشياء كثير هم كبار انتي عليك النصح والتوجية من ناحية السهر او نوعية البرامج الي يشوفها او تقضيتهم ليومهم او اجتماعاتهم
    سوي اجتماعات في البيت لناس يحبونهم ويحبون جلستهم اتفقي انتي وبنات خالاتهم انكم تتقابلون في ملاهي او مكان تكونو كلكم سوا فيه شوفي الشي الي هما يحبوه ومو لازم يصيرون مثل مانتي تبغين هم بيصيرون مثل ماهم يبغون وهذا الصح اما الزواج فهذا نصيب وبعدين لساتهم صغار كل وحده منهم راح تاخذ نصيبها والي مكتوب لها
    انتي تحتاجين ببساطة تغيرين نفسك قبل ماتغيرنهم وتخلين ابوهم يتقرب منهم ويسولف معاهم
    ناقشيهم في ان التلفزيون يكون خارج الغرفة في الصالة بمكافأة قولي لهم لو صار مافي تلفزيون في الغرف بنجيب بلازما كبيرة في الصالة مع السماعات بدون الاجبار اذا وافقو او اتبعي عده طرق بس بدون الاجبار واذا مارضيو خلاص اتركي لهم مساحه حريه ولاتقمعين ارائهم بدل ماتقولين لهم لاتسمعون اغاني لاتشوفون تلفزيون نمي فيهم اشياء ثانيه واكبر عن الدين الاسلامي تخليهم تلقائياً يبطلون اهمال الصلاة قصص الصحابة انتي لمن تتكلمين معاهم حكيهم قصة عن الصحابة عجبتك تناقشي معاهم في مواضيع مثل الفتاوى الجديدة الي طلعت واش رايكم فيها واختلفي معاهم في الرأي يعني خلي هذا الكلام من ضمن نقاشكم وكلامكم لاتخليه كأنو فرض وتجيبين لهم كتب ولا سي ديهات لا كأنو موضوع وتتكلمين فيه كل يوم اقري لك قصة عن الصحابة وتعالي قولي لهم قريت اليوم كذا حكيهم عن يومك سويت كذا وعملت كذا يعني صيري في سنهم وهيصي معاهم باختصار صيري صحبتهم
    صحبتهم لو قالو لها مشكلة حصلتلهم ماراح تهزئهم ويطلع عليها قلق واضح بتقولين انا امهم واخاف عليهم مو مثل صحبتهم بس الحب افعال مو كلام صحبتهم بينت لهم انها تحبهم ولأنها في سنهم عارفة ان كل انسان يغلط فتفهمت لأن مافي ****ن معصوم من الغلط حاولي تخفين قلقك وتتكملين معاهم وتساعدينهم يحلون المشكلة بدون ماتأنبينهم ولا تحسسينهم بالتأنيب لأنو ماراح يقولو لك شي لو هزئتيهم واقري كثير عن مواضيع التربية وعن هذي المواضيع من كتب او نت وممكن تستعيني بمكتب اسشارات اسرية او اخصائية اجتماعية او اخصائية نفسيه حيساعدوك كثير بالتوفيق
  5. @am_alloly_1

    ادعيلهم في جوف الليل واستغفري كثيييييييير ولا تياسي ( ولاتقنطو من رحمة الله ) ابدا ولاتقولي تعبت انقذي بيتك وبناتك الله يسعدكم ويجعل بيتكم عامر بالطاعات ويسخر لك بناتك وزوجك وتعيشون في هنا وسعاده يااارب

تابعي تجارب أخرى من هذا القسم.