اااااااه ذكرنيني باللي مضى بشهر11هجري اللي فات جانا ولد خااالتي من المدينه المنوره وزوجي سواله عشاء على انه بس رجاااال وسويت لهم القهوه والشاي والعشاء من برا وبعد صلاة العشاء قعدت على منتداي الحبيب(منتدى عالم حواء)وزوجي طلع لمشوار ويوم جاء من المشوار قالي فلانه بتجي(يقصد اخته) وجوالي الله يصلح بنتي مضيعته ولقيت مكالمات كثيره من زوجي واخت زوجي(تصير مرت اخوي)اقسم بالله ان الدنيا ظلمت بوجهي واقعد انظف الصاله وسكرت المطبخ ومجلس الحريم وغرفة نومي ويوم جت خليتها تقعد في الصاله وانا رحت اعطر حمامي وانتو بكرامه ودخلت بغرفتي ولبست وجيتها وصلحت لها قهوة وحطيت لها تمر
نجي للمهم اللي خلتني اكره الزياره المفاجئه
توقعون اخت زوجي ومرت اخوي وبنت خالتي وعمة عيالي ومرت خال عيالي
وش قالت عني
بيت(ضحكة امي تزيل همي)مكركب ووسخ وغرفها كلها مقفله وواضح عليها الارتباك
الخبله تقوله لاختي لها الدرجه واثقه ان اختي ماراح تقوله لي واختي قالته لامي وامي يحمدون ربهم ان فيه احد يستقبلهم
ومره ثانيه جاء ابو زوجي للرياض ومسويله عشاء والله يهدي زوجي نسى يعزم اخوي ومدريت اللي مدرعم بالصاله (اخت زوجي) وانا اشتغل بالمطبخ ماسويت لها قهوة قلت اشربي من قهوة الرجال مااقدر اسوي تعبانه من الشغل قبل مايجينا اخوي قالت امي دق على فلان تقصد زوجي قال ااخوي مايحتاج (يمون)
انا من عقب موقف اخت زوجي الاول وربي بيتي يلق يومي
وبعض الاحيان اخت زوجي ترسل رساله تقول ابجيك اقولها مشغوله حتى لو اني مشغوله سبحان الله كرهتا من موقفها الاول
الزيارة المفاجئة وش رايكم فيهــــــــــــــــــــا؟؟؟؟
متابعة النقاش، صفحة 29