السلام عليكم
انا البس عدسات طبيه لاصقة منذ 6 سنوات تقريبا
وبعدين عيوني تعبت ولاحظت اني لازم البس نظارات لان عيوني تعبتني مره
تلتهب كثييير وحساسية ورحت المستوصف عندنا دكتور شاطر وعطاني مقاسي لانه ضعف نظري
وصار لابد اني اغير مقاسي رحت واشتريت عدسات ونظارات بنفس المقاس طبعا
العدسات الاصقه مرررررررره ارتحت فيها واشوف فيها زييييييين ومبسوطه مره
بس تعرفون الحساسية ذبحتني وصار لابد البس النظارة :44:
ولما جيت البس النظارة ولأول مره من 6 سنوات صرت اشوف والحمدالله بوضووووح
وكل شي صااافي بس مدري كيف ماارتحت لها ابددددددددد يعني مدري كيف احس الاشياء
اصغر من حجمها واحيانا احس بالاشياء مقررربه :44: يعني ماارتحت لها هذا الكلام امس
ورحت لطبيب اللي فحصني واخذت معي النظارة قال النظاره تمام ميه الميه ونفس المقاس
وجاء وجلسني على الكرسي وفحص المقاس مره ثانية وصار نفس النظارة بالضبط
وقال لي لازم تجلسين كم يوم عشان تتعودين عليها بصراحه انا تعبت مررره وابي ارتاح
وكل شوي افسخها عشان ارتاح وش السالفه قولوا لي احد صار له مثلي وتعودت على النظارة
انا ودي ارجع للعدسات لاني تعبت بس عيوني فيها حساسية واذا لبست العدسات سببت لي الم :(
وش السواة قولوا لي واللي صار لها مثلي تقولي هل هذا طبيعي وابتعود عليها ولا كيف
شاركي في النقاش
سجلي الدخول لإضافة تعليق.
التعليقات
7- حبيبتي انا كذا صار لي زيك كانك تتكلمين عني
مره تعبت بالبدايه واللحين بالعكس ماارتاح الا عالنظاره
بس الدكتور معاه حق يعني لازم عالاقل اسبوع اسبوعين وتتعودين عالنظاره
انتبهي لاتلبسين العدسات وعيونك ملتهبه
ريحي عيونك وحاولي تبعدين هالفتره عن الكمبيوتر والتلفزيون
وخلك عالنظاره كل الوقت وراح تتعودين
الله يعينك وربي حاسه بمعاناتك
صار عندي انحراف منها انتبهي ياقلبي لاتلبسين العدسات الا اذا راحت الحساسيه
والله يشفي لك عيونك - الله يجزاك خير يابنوته
شكلي ابخليها علي اسبوع واشوف - انا مثلك تعبت عيوني من العدسات
واستسلمت للامر الواقع ولبست نظاره
وتعودت عليها مع الوقت - طيب هذا شي طبيعي اكيد وخلي العدسات في المناسبات وريحي عيونك
وفي حل ثاني ليش ماتسوين عمليه اتوقع مره حلوه ومريحه لك - روحي طبيب ثاني انا فحصت عيوني وصار عندي انحراف دايم احس بصداع موطبيعي وبعدين رحت مستوصف وعطتني مقاس وصلحت النضاره بخمس ميه مومشكله اهم شي ارتاح بس للاسف تعبت منه صار المقاس كله غلط فى غلط رحت لحكومي وقاسته لى صار غير الاول بس انا الي متعبني الانحراف الله يعين ويجعله على اجر
مواضيع مشابهة
تابعي تجارب أخرى من هذا القسم.