صباح الخير يابنات
كيف الكتاكيت الحلوين على هـ الصبح الحار والمشمس
اللي يشوي العاصافير ..
اليوم اضطريت اخلي طلولي بالبيت قلت المكيف ازين له
وابرد من برا لانه من جد انشوينا حنا كيف بالصغارين
الله يجيب الإجازة بس ..
وهـ بس قربت تطعيمت طلولي
وماغير انا بس صوع وروع منها الله يعين ..
بالنسبه للوجبات انتي قسميها على قدر استطاعتك
وعلى الوقت اللي تكوني فيه مستعده لإطعام ولدك
لانه يأخذ وقت .. الله يصلحهم
بالنسبه لي :
اول مايقوم اكون مجهزه له تمره مو النقوعه اللي كلها ماء لا
بس ترج ببطنه
النقوعه استخدمها لحد اربع شهور بس
وبعدها ازين له تمره وطريقتها انقع ثلاث تمرات بمويه وازيل القشر واخليها
لحد ماتنتفخ ثم ابعد المويه واخلي بس حوالي ملعقه واهرس التمر فيها
ثم اطعمه بالملعقه وهذا اول مايقوم لانه افود شيء له ..
بالنسبه للغداء اسوي له رز مصري مع الخضار الموجود عندك
واحيانا اسوي له شوربة شوفان مع الخضار والتمر ..
واحيانا اخلط الشوفان مع الرز المصري بس بدون التمر ...
العصر اسوي له فواكه طازجه كتحليه له ..
والعشاء .. اخلط له سيريلاك ,, اخلط له من جميع الانواع عندي ماعطيه نوع واحد
وبين هـ الوجبات اعطيه حليب ,,
هذي طريقتي يالغلا .. ان شاء الله تستفيدين منها ..
" تجمــع لـ امهـات الاطفـال مـن عمـر ســ 6ــت شهـور إلي عمــر ســـنــ1 ـــه .... " ㋡
متابعة النقاش، صفحة 187