**مشاركة المعنيات: ولدتِ بدبي؟ناوية؟ ادخلي لو سمحتي**

أنا الوصل راجعت عندهم لما كنت حامل بتوأم وأصرت الدكتوره أني ما أحتاج ربط لعنق الرحم ليما وصلت الشهر السادس وفتح عنق الرخم عندي وماتوا عيالي...

وفوق جي ما نظفوني وجاني نزيف رقدني بالمستشفى شهر وما خيطوا لي المنطقه فصارت واااسعه..

وللحين أنا متبهدله وما عندي عيال...

حسبي الله عليهم وأطفالي برقبتهم ليوم الدين...

يا ربي عوضني عنهم ياااا رب

ميره الامارات...
انصحج اذا ربيتي في ويل كير اطلبي الدكتوره جانكي...رووووووووووووووووعه وطيبه وبترتاحين لها وايد..

شكرا اختي بك استجير...

انتي ولدتي في ولكير؟؟ هل كانت الولاده طبيعيه عند الدكتوره جانكي؟ شو جنسيتها؟

مرحبا اختي قطرات لا يوهقنج وتولدين في ولكير
ربيعتي واعرفا ولدت عندهم سايره حق متيفا بعد تعبت وبغت تهلك
معروف عند البكر الولاده اطول شوي ... الوصل يعطونج فرصه لكن ولكير مادي طبعا على طول عمليه بعيد عنج (( هذا اللي استوى في ربيعتي))
وخذت سنتين مراجعات في المانيا تصدقين الالمان شوقالولها (( منو اللى لاعب فيج بهذي الطريقه..هذي طريقه غلط ))
وياالله سنتين وهي ترقع في عمرها والسنه الثالثه حملت وولدت في الوصل
واذا تبين الوصل لاازم تفتحين ملف عندهم في الثالث او الرابع ولا ما بيستقبلونج ((جذيه يقولون دايما))عشان الزحمه


انا عن نفسي اولد في الوصل ولاداتي كلها طلق صناعي يعني ديما متعسره والحمد لله
الله يسرلي اموري ولدت على يد نرسات هب دكتوره وربج كريم
من توكل على الله فهو حسبه


هذا رايي وانتي ادرى بمصلحتج والله يقومج بالسلامه على خير

ميرة الامارات
أنا مترددة بين مستشفى ويلكير ومستشفى الزهراء!!
أنا أعرف أن د. لوثرا شاطرة وسمعت عن د.جانكي أنها بعد شاطرة بالذات في الجراحة التجميلية.
بس بعد الكلام اللي قريته زغت بصراحة بالذات أنا بكر،
يالله فكري معاي يمكن نقرر ويا بعض ونربي في نفس اليوم!